LAMKALTU 11:14 - Lai (Hakha) Common Language Bible 2006

¹⁴ Amah nih cun bia an chimh hna lai i cu bia thawng cun khamhnak nan hmuh lai,’ tiah a chimtu a hmuhnak kha a kan chimh.

Laibaibal Thiang (BSI)

¹⁴ anih nih bia an chimh hna lai i cu pa chimmi thawngin nang le na inchungkhar hna cu khamhnâk nan hmuh lai, a timi kha anka chimh.

LAMKALTU 11:14 ပူးပေါင်းရင်းမြစ်များ

GENESIS 17:7

“Ka biakamnak cu, zungzal hmunmi biakamnak caah, nangmah le a ra lai ding chan i na tefa hna sinah, ka fehter lai. Nangmah na Pathian le na tefa hna an Pathian ka si lai.

GENESIS 18:19

A hmaanmi le a dingmi thil tuah hi ka nawlbia zulh a si ti kha a fale le a hnu i a ra laimi a tefa hna kha a cawnpiaknak hna hnga, amah cu ka thim cang. Cun bia kaa kammi vialte kha ka tuahpiak lai,” tiah a ti.

SALM 103:17

Sihmanhsehlaw Bawipa nih amah a upatmi hna a dawtnak hna cu, zungzal in a hmun i a ṭhatnak nih chan vialte tiang a nguh,

SALM 112:2

Cu bantuk mi hna fale cu ram chungah hin miṭhawng an si lai, miṭha mi hna fale cu thluachuah hmumi an si lai.

PHUNGTHLÛKBIA 20:7

Mipa cu a nunning kha a din i a ṭhat ahcun, a hnu i a tefa hna cu thluachuakmi an si.

JEREMIAH 32:39

Annih cu an nunning ah tinhmi pakhat lawngte ka pek hna lai: cucu anmah ca le an tefa hna ca i a ṭhami keimah ṭih zungzal kha a si lai.

MARKA 16:16

A zum i tipilnak a ingmi paoh nih khamhnak an hmuh lai, a zum lomi paoh nih sual phawtnak an hmuh lai.

LUKA 19:10

Zeicahtiah Mi Fapa cu a tlaumi kawl awk le khamh awkah a ra,” tiah a ti.

JOHAN 12:50

Na chim lai tiah a ka fialmi bia cu zungzal nunnak petu a si ti kha ka hngalh. Cucaah ka chimmi bia cu ka Pa nih na chim lai tiah a ka timi bia kha a si,” tiah a ti.

JOHAN 20:31

Hi thil lianngan a tuahmi hna ka ṭialnak chan cu, nannih nih Jesuh cu Messiah, Pathian Fapa a si ti kha nan zumh i cu nan zumhnak thawngin amah min in nunnak nan hmuh nakhnga caah a si.

JOHAN 4:53

Cu caan te cu Jesuh nih, na fa a nung lai, tiah a chim caan a si kha mipa nih cun a hngalh. Cucaah amah le a innchungkhar dihlak nih an zumh.

JOHAN 6:63

Nunnak petu cu Pathian Thlarau a si; minung ṭhawnnak hi cu zeihmanh a ṭhahnem lo. Nannih kan chimhmi hna bia hi Thlarau le nunnak cu an si.

JOHAN 6:68

Simon Peter nih a hun leh i, “Bawipa, aho sinah dah kan kal hnga? Zungzal nunnak bia a ngeitu cu nangmah pei na si cu.

LAMKALTU 10:2

Amah cu biaknak leiah aa zuam ngaingaimipa a si i amah le a innchungkhar nih khan an dihlak in Pathian kha an biak. Amah nih khan Judah mi hna lak i misifak hna kha siang ngaiin a bawmh hna i Pathian sinah thla zong a cam zungzal.

LAMKALTU 10:22

Annih nih cun an leh i, “Kepṭen Kornelias nih a kan thlahmi kan si. Amah cu miṭha le Pathian a biami a si i Judah mi vialte nih an hmaizah ngaingaimi a si. Amah nih cun na bia kha a theih ve nakhnga Pathian vancungmi pakhat nih nangmah cu a inn rat va sawm awkah amah cu a chimh,” tiah an ti.

LAMKALTU 10:43

Profet vialte nih amah kong cu an rak chim i amah a zummi paoh cu a min ṭhawnnak thawngin an sualnak kha ngaihthiam an si lai, tiah an ti,” tiah a ti.

LAMKALTU 10:6

Amah cu rilikam i a ummi saphaw sertu Simon inn ah a tlung,” tiah a ti.

LAMKALTU 11:13

Amah nih cun a inn chungah vancungmi pakhat a rung dir i, ‘Joppa khua ah mi hei thlah hna law a min tling Simon Peter a simi mipa pakhat kha va au hna seh.

LAMKALTU 16:15

Amah le a innchung i a ummi hna nih khan tipilnak an in. Cun a kan thawh i, “Keimah cu Bawipa zumtu taktak ah nan ka ruah a si ahcun, ra u law ka inn ah ra ka tlung u,” tiah a kan sawm.

LAMKALTU 18:8

Pumhnak inn i haotu a simi Krispas le a chungkhar dihlak nih khan an zumh; cun Korinth khua chung i mi tampi hna nih khan bia cu an theih i an zumh i tipilnak an in.

LAMKALTU 2:39

Zeicahtiah Pathian nih bia a kamhmi hna cu nanmah hi le nan fale hna hi le lam hlat pipi i a ummi hna zong nan si — Bawipa kan Pathian nih an kawhmi hna paoh caah hin a si,” tiah a ti.

1 KORIN 1:16

(A, Stefanas le a innchungkhar kha tipilnak ka rak pek taktak hna, midang cu ka pek hna le pek hna lo ka cing ti lo).