LAMKALTU 11:13 - Lai (Hakha) Common Language Bible 2006

¹³ Amah nih cun a inn chungah vancungmi pakhat a rung dir i, ‘Joppa khua ah mi hei thlah hna law a min tling Simon Peter a simi mipa pakhat kha va au hna seh.

Laibaibal Thiang (BSI)

¹³ Cun cupa nih kan sinah, a inn chung i vanmi a hmuhning le a sinah Joppa khua ah mi thlah law, Simon Peter va ṭhi hna seh,

LAMKALTU 11:13 ပူးပေါင်းရင်းမြစ်များ

LAMKALTU 10:22

Annih nih cun an leh i, “Kepṭen Kornelias nih a kan thlahmi kan si. Amah cu miṭha le Pathian a biami a si i Judah mi vialte nih an hmaizah ngaingaimi a si. Amah nih cun na bia kha a theih ve nakhnga Pathian vancungmi pakhat nih nangmah cu a inn rat va sawm awkah amah cu a chimh,” tiah an ti.

LAMKALTU 11:12

Thlarau nih i thuahthah loin an sin i kal awk kha a ka fial. Hi kan unau paruk hna, Joppa khuami hna zong hi ka sinah cun Sisaria khua ah khan an kal ve i kan dihlak in Kornelias inn ah khan kan i ṭhum.

LAMKALTU 11:14

Amah nih cun bia an chimh hna lai i cu bia thawng cun khamhnak nan hmuh lai,’ tiah a chimtu a hmuhnak kha a kan chimh.

LAMKALTU 12:11

Khi tikah Peter cu a lung a hung fim i, “Atu cu hihi ahmaan tiah ka hngalh cang! Bawipa nih a vancungmi kha a run thlah i Herod kut chung le Judah mi nih ka cungah an i ruahchihmi vialte chungin a ka khamh,” tiah a ti.

LAMKALTU 9:36

Cun Joppa khua ah hin Jesuh zummi nu pakhat a min Tabitha a simi a um, (amah cu Grik holh cun Dorkas ti a si i a sullam cu sazuk tinak a si.) ṭhatnak tuah le sifak bawmh ah khan a caan vialte cu a hman dih tawn.

LAMKALTU 9:38

Joppa khua cu Lidda khua khan a hla tuk lo i zultu pawl nih khan Peter cu Lidda ah a um ti an theih tikah mi pahnih an hei thlah hna i, “Khulrang in kan sinah ra ta tuah,” tiah bia an cah.

LAMKALTU 9:42

Hi thawng nih cun Joppa khua kha a cul dih i mi tampi nih Bawipa kha an zumh.

LAMKALTU 9:43

Peter cu Joppa khua ah khan saphaw sertu Simon sinah saupi a cam.

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.