LAMKALTU 11:12 - Lai (Hakha) Common Language Bible 2006

¹² Thlarau nih i thuahthah loin an sin i kal awk kha a ka fial. Hi kan unau paruk hna, Joppa khuami hna zong hi ka sinah cun Sisaria khua ah khan an kal ve i kan dihlak in Kornelias inn ah khan kan i ṭhum.

Laibaibal Thiang (BSI)

¹² Cuticun Thlarau nih lungawṭawm lo tein anmah zul cawlh dingin a ka thlah. Hi unau paruk hna zong nih anka zulh i an innah kan lut.

LAMKALTU 11:12 ပူးပေါင်းရင်းမြစ်များ

MATTHAI 1:20

Cu kong a ruah lengmang lioah khan, a mang ah Bawipa vancungmi pakhat kha a sinah a lang i, “David tefa Josef, Mary hi na nupi ca i lak awkah ṭih hlah. Zeicahtiah fa a pawimi hi Thiang Thlarau thawngin a si.

JOHAN 16:13

Asinain biatak phuangtu Thlarau cu a rat tikah biatak chungah cun an luhpi hna lai. ‘Keimah nawl a si,’ tiin zeihmanh a chim lai lo, a theihmi le a ra lai ding thil kong tu kha an chimh hna lai.

LAMKALTU 1:15

Cu hnu ni tlawmpal ah khan Jesuh a zummi hna kha an i pum i an dihlak ah za khat le kul tluk an si; cu pumhnak ah cun Peter cu a tho i,

LAMKALTU 10:23

Peter nih cun mi hna cu, inn chungah rung lut u, tiah a ti hna i cu zan cu khika ah cun an riak. A thaizing cu aa tim i an sinah khan a kal i Joppa khua i unau cheukhat zong kha an kal ve.

LAMKALTU 10:45

Judah mi lakah zumtu, Joppa khua in Peter a run zul vemi hna nih khan Jentail mi cung zongah Pathian nih a Thiang Thlarau laksawng kha a toih ve ko ti an hmuh tikah an khuaruah a har.

LAMKALTU 11:13

Amah nih cun a inn chungah vancungmi pakhat a rung dir i, ‘Joppa khua ah mi hei thlah hna law a min tling Simon Peter a simi mipa pakhat kha va au hna seh.

LAMKALTU 13:2

Annih nih Bawipa kha an biak i rawl an ulh lioah khan, Thiang Thlarau nih a thawh hna i, “Barnabas le Saul hi, ka thiahmi hna rian kha an ṭuan nakhnga, a dang tein ka chiahpiak hna u,” tiah a ti.

LAMKALTU 13:4

Barnabas le Saul cu Thiang Thlarau nih a fial hna bang khan Seleusia khua ah khan an vung kal i cuka cun Saipras tikulh ah tilawng in an kal.

LAMKALTU 15:7

Saupi an ceih hnuah Peter a dir i, “Ka u le ka nau hna, nannih nih nan hngalh bantukin, Jentail mi hna nih Thawng Ṭha kha an theih i an zumh khawh ve nakhnga, an sin i cu Thawng cu va chim awkah hlan deuhpi ah khan Pathian nih keimah cu nanmah lakin a rak ka thim.

LAMKALTU 15:9

Kannih le annih karlak ah zeihmanh thleidannak a tuah lo; annih nih an zumh caah an lungthin kha a thianter ve ko hna.

LAMKALTU 28:15

Rom khua i a ummi unau pawl nih kan thawng kha an rak theih i Appius Chawdawrnak Hmun timi hmun le Khual Buk Pathum tiang khan an rak kan don. Paul nih a hmuh hna tikah Pathian kha a lawmh i a thazang a tlung.

LAMKALTU 8:29

Thiang Thlarau nih Filip cu a thawh i, “Va kal law khi rangleng khi va naih tuah,” tiah a ti.

ROM 3:22

Cu lam, Pathian he i remnak lam cu Jesuh Khrih zumhnak thawngin a si i Jesuh Khrih a zummi ca paoh ah a si dih. Ahohmanh i thleidan ding a si lo,

2 THESALON 2:2

fawi tuk in lungtuai in um hlah u law Bawipa Ni cu a phan cang, a titu hna zong nih cun fawi tuk in in tuaitam hna hlah seh. Mah hihi mi pakhat khat nih profet bia in ka chim a timi zong a si ko lai, phungchim in ka chim a timi zong a si ko lai. Asiloah anmah cakuat ah a um ti zongah kanmah zong an kan ti ko lai.

BIAPHUAN 22:17

Thlarau le va ngei laimi ngaknu nih khan, “Ra u,” an ti. Hi bia a theimi paoh nih khan, “Ra u,” ti ve hna seh. Ti a halmi paoh cu ra u, nunnak ti hi a duhmi paoh nih man loin i lak u.