LAMKALTU 10:9 - Lai (Hakha) Common Language Bible 2006

⁹ A thaizing chun hrawng Joppa khua an hei phak deng ah khan, Peter cu thlacam awkah inn cungah a kai.

Laibaibal Thiang (BSI)

⁹ A thaizing ah lam i an kal lioah, khua an luh lai chun suimilam hleihnih hrawngah Peter cu thlacam dingin inn cungah a kai.

LAMKALTU 10:9 ပူးပေါင်းရင်းမြစ်များ

2 SAMUEL 11:2

Cun ni khat cu zanlei sang ah khin David cu a ihkhun in a tho i siangpahrang inncung i aa chawh tikah, inncung cun minu pakhat aa kholh lio kha a hei hmuh; cun cu nu cu aa dawh ngaingai.

SALM 55:17

Ka ainak le ka hramnak cu zing siseh, chun ah siseh, zan ah siseh, amah sinah an kai zungzal ko i ka aw cu a ka theihpiak ṭheo lai.

JEREMIAH 19:13

An thur ruangah Jerusalem khua inn hna le Judah siangpahrang inn hna cu Tofeth bantuk an si lai — vancung thil bu sin i raithawinak a cung i an khanghnak inn vialte le pathian dang hna sin i thlet thawinak an thletnak inn vialte hna cu, Tofeth bantukin an thur lai,’ a ti, tiah na chimh hna lai,” tiah a ti.

JEREMIAH 32:29

Hi khua a dotu Khaldi mi hna kha an ra lut lai i hi khua cu mei in an duah lai i an khangh lai. Keimah thinhunter awkah Baal sinah inn cungah raithawinak an khanghnak inn hna le pathian dang hna sinah thlet thawinak an pekchanhnak inn hna zong kha an khangh dih hna lai.

DANIEL 6:10

Daniel nih cu nawlbia cu chuah a si cang ti a theih tikah a inn ah a lawi. A inn khaan cung dot ah khan Jerusalem lei hoih in thlalangawng pathum an um. Khika ah khan a tuah tawn phung a si zungzal bantukin a khuk aa bil i ni khat ah voi thum lengmang thla a cam i a Pathian kha a thangṭhat.

ZEFANIAH 1:5

Annih nih vancung thil biak awkah khan inncung ah an kun tawn i Milkom khuazing min in chiat an ser tawn;

MATTHAI 20:5

cucaah an kal. Cun cu bantuk ṭhiamṭhiam cun chun suimilam hleihnih le zanlei suimilam pathum ah khan a tuah ṭhan.

MATTHAI 24:17

A inncung i a ummi cu a innchung i a ummi thilri lak awkah ṭum hlah seh.

MATTHAI 27:45

Chun in zanlei suimilam pathum tiang cu ram cu a dihlak in muihnak nih a khuh i

MATTHAI 6:6

Sihmanhsehlaw nannih cu thla nan cam tikah, nan inn khaan chungah va lut u law, innka vaa khar khumh u law, cuticun hmuh khawh lomi nan Pa sinah khan va cam u. Cun a thli tein nan tuahmi a hmutu nan Pa nih khan laksawng an pek hna lai.

MARKA 1:35

A thaizing cu zingkate in, ni a chuah hlanpi ah, Jesuh cu a tho i khua leng hmun king ah thlacam awkah a kal.

MARKA 6:46

A zultu kha a kalter dih hna hnuah anih cu thlacam awkah tlang cungah a kai.

LAMKALTU 10:3

Ni khat cu zanlei suimilam pathum tluk ah khin langhnak a hmu i cu langhnak a hmuhmi ah cun Pathian vancungmi pakhat a rung luh i, “Kornelias,” tiah a rung chawnh kha fiang tein a hmuh.

LAMKALTU 6:4

Kannih tu cu thlacam le Pathian Bia chimnak ah khan kan caan cu a dihlak in kan hmang ko lai,” tiah an ti.

EFESA 6:18

Hi vialte hi thlacam buin tuah u law Pathian kha bawmhnak hal u. Thlarau nih an hruai hna ningin zeitik caan paoh ah thlacam u. Hi caah timhcia tein um zungzal u law nan hnabei zeitikhmanh ah dong hlah u; Pathian mi hna caah thlacam zungzal u.

1TIMOTE 2:8

Pa paohpaoh nih hmun kip ah thlacam hna seh ti ka duh, Pathian sinah i pe in thinhunnak zeihmanh um lo le bia alnak zeihmanh um loin Pathian sinah cun an kut hler hna seh.

1 SAMUEL 9:25

Cun khuahrum bo in khua chungah an run tikah inncung ah Saul cu ihnak a phahpiak i a it.