LAMKALTU 10:20 - Lai (Hakha) Common Language Bible 2006

²⁰ Cucaah i tim law vung ṭum law annih cu keimah nih ka thlahmi hna an si caah an sin i kal kha i thuahthah hlah,” tiah a ti.

Laibaibal Thiang (BSI)

²⁰ Cucaah tho, vung ṭum law lung awṭawm lo tein anmah cu zul hna, annih cu ka thlahmi an si,” tiah a ti.

LAMKALTU 10:20 ပူးပေါင်းရင်းမြစ်များ

ISAIAH 48:16

Cucaah ka naih u law ka chimmi kha ngai tuah u. A hramthawk tein hlangfang in kan chimh hna i ka bia cu ka tlinter zungzal,” a ti. (Atu cu Bawipa Pathian nih a ṭhawnnak kha a ka pek i a ka thlah.)

MARKA 16:15

A thawh hna i, “Vawlei cung khuazakip ah va kal u law miphun kip kha thawngṭhabia va chim hna u.

LAMKALTU 10:21

Cucaah Peter cu a vung ṭum i mi cu a thawh hna i, “Nan kawl lengmangmi cu keimah hi ka si. Zei herh ah dah nan rat?” tiah a ti hna.

LAMKALTU 11:12

Thlarau nih i thuahthah loin an sin i kal awk kha a ka fial. Hi kan unau paruk hna, Joppa khuami hna zong hi ka sinah cun Sisaria khua ah khan an kal ve i kan dihlak in Kornelias inn ah khan kan i ṭhum.

LAMKALTU 13:4

Barnabas le Saul cu Thiang Thlarau nih a fial hna bang khan Seleusia khua ah khan an vung kal i cuka cun Saipras tikulh ah tilawng in an kal.

LAMKALTU 8:26

Bawipa vancungmi pakhat nih Filip cu a thawh i, “I tim law thlanglei ah vung kal law Jerusalem in Gaza ah a kalmi lam ah khan vung kal tuah,” a ti (Cu lam cu an hmang ti lo).

LAMKALTU 9:15

Sihmanhsehlaw Bawipa nih cun a leh i, “Va kal ko, zeicahtiah amah cu keimah rian ṭuantu dingah, Jentail mi hna le siangpahrang hna le Israel mi hna sinah ka min hngalhter awkah ka thim cang.

LAMKALTU 9:17

Cucaah Ananias cu a va kal i inn ah khan a va lut i Saul cungah cun a kut a va chuan. “Ka nau Saul, hika lei i na rat lio i na sinah a langmi Bawipa — Jesuh hrimhrim — nih khan keimah cu a ka fial. A ka fialnak cu nangmah nih khua na hmuh ṭhan i Thiang Thlarau in na khah nakhnga caah a si,” tiah a ti.

JEIM 1:6

Asinain thla nan cam tikah lung awṭawm lo tein nan zumh hrimhrim lai. Lung awṭawm in a ummi cu thlichia nih a choihmi rili tilet bantuk a si.