LAMKALTU 1:9 - Lai (Hakha) Common Language Bible 2006

⁹ Hi bia a chim dih in an hmuh hngan te ah cun vancung ah a kai; cun minmei nih a hun phenh i an hmu kho ti lo.

Laibaibal Thiang (BSI)

⁹ Cu thil a chim dih in, an hmuh hngan teah vanah cawi in a um i khuadawm nih an hmuh khawh lonâk ah a lâk.

LAMKALTU 1:9 ပူးပေါင်းရင်းမြစ်များ

SALM 68:18

Tlang sang par ah cun a hung kai i sal tlaihmi tampi aa hruaih hna; amah a dohtu hna nih khan amah cu laksawng an pek. Cuka ah cun Bawipa Pathian cu a um lai.

EXODUS 19:9

Bawipa nih Moses cu, “Mi zapi nih nangmah he bia kan i ruah kha an theih i nangmah kha an in zumh zungzal nakhnga, na sinah a chahmi khuadawm in ka ra lai,” a ti. Mi zapi nih an lehnak kha Moses nih Bawipa cu a chimh.

EXODUS 34:5

Bawipa cu khuadawm in a rung ṭum i a sinah cun a rung dir i ka min cu Bawipa a si, tiah a ti.

ISAIAH 19:1

Hi bia hi Izipt kong bia a si. Bawipa cu khuadawm aa cit i khulrang in Izipt ram ah a ra. A hmaiah Izipt ram siasal hna cu an ther i Izipt mi hna cu an lung a dong.

DANIEL 7:13

Zan i langhnak ka hmuhmi ah cun minung a lomi pakhat cu van khuadawm he a rat kha ka hmuh; zungzal in a nungmi kha a hei naih i a hmaiah cun a va dir.

MARKA 16:19

Jesuh nih bia a ruah dih hna cun vancung ah a kai i Pathian orhlei kamah khan a hung ṭhu.

LUKA 21:27

Cun Mi Fapa cu sunparnak le lianhngannak he khuadawm cung i a rat kha an hmuh lai.

JOHAN 6:62

Mi Fapa hi hmasa i ka rak umnak hmun i ka kai kha ka hmu u law tah zeitindah nan um kun hnga?

LAMKALTU 1:11

“Galilee mi hna, zeicahdah van lei zoh in nan dir ko? Nan sinin van ah a kaimi Jesuh hi, van ah a kai nan hmuh bantukte hin a ra kir ṭhan lai,” tiah an ti hna.

LAMKALTU 1:2

a tuahmi thil vialte le a cawnpiaknak vialte kha ka ṭial. Vancung i a kal hlanah khan a lamkaltu caah a thimmi hna kha Thiang Thlarau thawngin a cawnpiak hna.

1THESALON 4:17

cu caan i a nung rihmi kannih pawl cu khuadawm lakah khin Bawipa cu van i hung ton awkah pumh kan si dih lai. Cun Bawipa sinah cun zungzal in kan um lai.

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

BIAPHUAN 1:7

Zohhmanh u, khuadawm sin khin a ra lio! Mi kip nih an hmuh lai, a rak chuntu hna zong nih khan an hmuh lai. Cun vawlei cung mi vialte cu a cung i an rak tuahmi kha i ngaichih in an ṭap lai. Cu ti hrimhrim cun a si lai! Amen.

BIAPHUAN 11:12

Cun cu profet pahnih hna nih cun, vancung in, “Hika ah hin hung kai u,” tiah aw thang piin a run titu hna aw kha an theih. An ral nih an zoh ko hna lioah cun, vancung ah khuadawm in an kai.

BIAPHUAN 14:4

Annih cu nu he um ṭi loin thiang tein a ummi an si; nu le pa sinak a hngal lomi an si. Tuufa kha a kalnak kip ah an zulh. A tang rihmi minung hna lakin tlanhmi an si i Pathian sin le Tuufa sinah pekchanh hmasa bikmi an si.