LAMKALTU 1:8 - Lai (Hakha) Common Language Bible 2006

⁸ Asinain Thiang Thlarau nan cung i a tlun tikah cun, ṭhawnnak in nan khat lai i Jerusalem khua le Judea ram vialte le Samaria ram ah le vawlei cung khuazakip ah ka tehte nan si lai,” tiah a ti hna.

Laibaibal Thiang (BSI)

⁸ Asinain nan cungahThiang Thlarau a phâk tikah thiltikhawhnâk nan ngei lai, Jerusalem le Judah ram vialte, Samaria ramkip le vanhram deng tiangin ka bia hngalhpitu nan si lai,” tiah a ti.

LAMKALTU 1:8 ပူးပေါင်းရင်းမြစ်များ

SALM 22:27

Miphun vialte nih Bawipa cu an hngalh camcin lai, vawleicung khuazakip in amah leiah an i mer lai; miphun zakip nih an biak lai.

SALM 98:3

Israel mi bia a kamhmi hna kha a zulh i an cungah a fekmi dawtnak a ngei i zumhawktlak in a um. Kan Pathian nih ral a teinak kha mi vialte nih khuazakip ah an hmuh.

ISAIAH 42:10

Bawipa cu hla thar in thangṭhat tuah u; vawlei vialte hna, a thangṭhatnak hla cu sa tuah u. Rili cungah tilawng in a kalmi hna, amah cu thangṭhat tuah u; rili chung thilnung vialte hna, amah cu thangṭhat u. Lamhlatpi i a ummi ram hna, hlasa tuah u, cuka ram i a ummi vialte hna, hla cu sa tuah u.

ISAIAH 49:6

Bawipa nih cun a ka thawh i, “Ka sal, nangmah caah rian ngan deuh chin ka ngei; Israel mi chungin a tangmi hna kha lianhngannak ah phakter ṭhan lawng si loin, Nangmah cu miphun hna ca ceunak ah kan ser lai — cuticun vawlei dihlak nih khamhnak a hmuh lai,” a ti.

ISAIAH 52:10

Bawipa nih a thiangmi a ṭhawnnak cu a hman cang; a mi kha a khamh cang hna i cucu vawlei mi vialte nih an hmuh cang.

ISAIAH 66:19

dan a tattu hna cu keimah ka si kha an hngalh lai. Sihmanhsehlaw a cheu cu ka zuah hna lai i ka minthannak a thei rih lomi hna le ka lianhngannak le ṭhawnnak a hmu rih lomi miphun le ram hla pipi ah khan ka thlah hna lai: Spain ram le Libia ram le Lidia ram, (Lidia ram cu thal kah thiammi umnak ram a si), Tubal ram le Grik ram ah ka kuat hna lai. Hi miphun hna hi ka lianhngannak kha an chimh hna lai.

JEREMIAH 16:19

Maw Bawipa, nangmah cu ka thazang le ka ralhruang, harnak caan i ka himnak na si; Vawlei khuazakip in miphun hna kha na sinah an ra lai i ‘Kan pupa hna nih an rak comi cu hlennak le pakpalawng le santlai lomi siasal men kha an rak si ko.

MIKAH 3:8

Sihmanhsehlaw kei tu cu Bawipa thlarau nih ṭhawnnak le bia khiah thiamnak le ral ṭhatnak in a ka khahter i Israel mi hna cu an sualnak kha zeidah a si tiah ka chimh hna.

ZEKHARIAH 4:6

Vancungmi nih cun Zerubbabel kha hi bia Bawipa sinin a rami hi va chimh awk a ka fial: Na tei ko lai, sihmanhsehlaw ralkap ṭhawnnak in a si lai lo, nangmah ṭhawnnak zongin a si lai lo, ka thlarau tu in a si lai.

MATTHAI 24:14

Cun miphun vialte hna ca i tehte si awkah Vancung Pennak kong Thawng Ṭha hi khuazakip ah chim a si lai — cun cu hnu lawngah cun donghnak cu a si lai!

MATTHAI 28:19

Cucaah khuazakip ah va kal u law miphun vialte kha ka zultu ah va ser hna u; Pa le Fapa le Thiang Thlarau min in tipilnak va pe hna u law,

MARKA 16:15

A thawh hna i, “Vawlei cung khuazakip ah va kal u law miphun kip kha thawngṭhabia va chim hna u.

LUKA 1:35

Vancungmi nih cun a leh i, “Thiang Thlarau kha na cungah a phan lai i Pathian ṭhawnnak cu na cungah aa fu lai. Hi ruangah hin a thiangmi fa cu Pathian Fapa tiah ti a si lai.

LUKA 10:19

Ngai hmanh u: rul le tlangngaikuang hmanh lamh khawhnak ṭhawnnak le nan Ral ṭhawnnak tei khawhnak kan pek hna caah zeihmanh nih an ti kho hna lai lo;

LUKA 24:29

sihmanhsehlaw an tlaih i, “Kan sinah tlung ve ko, zanlei a si cang i a muih zong a mui dengmang cang,” an ti. Cucaah anmah sinah cun a tlung.

JOHAN 15:27

Cun nannih zong nih a hramthawk tein ka sin i a ummi nan si caah keimah kong kha nan chim ve lai.

LAMKALTU 1:22

Amah cu Bawipa Jesuh nih kanmah he khual a tlawn lengmang lio i kan sin i aa tel lengmang vemi, Johan nih tipil innak kong a chim ri in Jesuh nih van ah a kan kaitak tiang kan sinah aa tel lengmang vemi a si awk a si,” tiah a ti.

LAMKALTU 1:5

Johan nih cun ti in tipilnak a pek hna, sihmanhsehlaw kan hmailei ni tlawmte chungah hin Thiang Thlarau in tipilpek nan si lai,” tiah a ti.

LAMKALTU 13:31

amah sin i Galilee in Jerusalem tiang khual a tlawng tawnmi hna sinah khan voi tampi a lang. Annih cu Israel mi sin i a tehte an si.

LAMKALTU 2:32

Pathian nih hi Jesuh hrimhrim hi mithi hna sin cun a thawhter i hi thil tehte a khangtu cu kanmah hi kan si.

LAMKALTU 22:15

Zeicahtiah na hmuhmi le na theihmi kha mi vialte a chimtu amah tehte na si lai.

LAMKALTU 3:15

Cucaah nunnak lam ah mi a hruaitu cu nan thah. Sihmanhsehlaw amah cu Pathian nih mithi hna sinin a thawhter i cu a thawhternak tehte cu kanmah hi kan si.

LAMKALTU 4:33

Lamkaltu hna nih khan Bawipa Jesuh thihnak in a thawhṭhannak kong kha fak piin an chim i Pathian nih an dihlak in thluachuahnak tampi a pek hna.

LAMKALTU 5:32

Hi thil vialte hna tehte hi kanmah hi kan si — kanmah lawng si loin Pathian nih amah nawl a ngaimi hna sinah a pekmi Thiang Thlarau zong hi tehte cu a si ve,” an ti.

LAMKALTU 6:8

Pathian nih thluachuahnak tampi a pekmi le ṭhawnnak in a khatmi Steven nih khan mizapi lakah khan a liannganmi khuaruahharnak le hmelchunhnak kha a ser hna.

LAMKALTU 8:1

Cu ni hrimhrim cun Jerusalem khua khrihfabu nih hremnak in hram aa thawk. Lamkaltu pawl kha dah ti lo cu, a zummi vialte kha Judea ram le Samaria ram ah an i ṭhek dih.

ROM 10:18

Sihmanhsehlaw biahalnak tuah ka duhmi cu: Bia cu an thei bal taktak lo maw, ti hi a si. A theih cu an theih ko — Cathiang nih a chim bantuk tu khan a si i a si ko. Zeitindah a chim tiah: “An aw thawng cu vawleicung khuazakip ah a thang dih; An bia cu vanhramdeng tiang a phan,” a ti.

ROM 15:19

Thiang Thlarau ṭhawnnak in siseh, Khrih nih keimah hi hmang in a tuahmi lawng cu ka chim ko lai. Cucaah Jerusalem in Illirikum tiang khual ka rak tlawn tawn ah khan Khrih kong Thawngṭha kha tlamtling tein ka chim.

KOLOSE 1:23

Cucaah nan zumhnak kha fek tein nan i tlaih zungzal lai i nan dirhmun ah khan fek tein nan dir zungzal lai; nan theihmi Thawngṭha nih an phorhmi hna ruahchannak kha thlau hrimhrim hlah u. Hi Thawngṭha hi vanrang tang khuazakip ah sermi thil vialte sinah chimmi Thawngṭha kha a si i keimah Paul hi cu Thawngṭha sal cu ka si.