LAMKALTU 1:26 - Lai (Hakha) Common Language Bible 2006

²⁶ Cun cu hna pahnih lakah aho deuh cu dah kan thim lai tinak caah camcawhfung an zuh i an thimmi cu Matthias kha a si; cun amah cu lamkaltu pahleikhat hna bu chungah khan a lut.

Laibaibal Thiang (BSI)

²⁶ Camcawh fung an zuh i Matthias cungah a tla. Cuticun amah cu lamkaltu hleikhat hna sinah relchih a si.

LAMKALTU 1:26 ပူးပေါင်းရင်းမြစ်များ

1 CHANRELNAK 24:5

Annih cu an dihlak in aa lo cio ah, camcawhfung khiah in phawt an si, zeicahtiah Eleazar fapa hna le Ithamar fapa hna chungah khan Biakinn lei haotu hna le thlarau lei haotu hna kha an um veve.

NEHEMIAH 10:34

Kannih tlangbawi hna le Levi mi hna le mi zapi hna nih khan thing thawhlawm caah camcawh fung khiahnak kan tuah, kan tining ah cun, innchungkhar cio nih aa chang lengmang in thiahmi caan cio ah khan kum khat hnu kum khat in Bawipa kan Pathian biakṭheng cung i khangh awkah, nawlbia chungah aa ṭial bangin, kan Pathian inn chungah khan kan rak phorh hna lai, kan ti.

NEHEMIAH 11:1

Mi zapi a hruitu hna cu Jerusalem khua ah khan an um; a tangmi mi zapi hna nih khan pahra chung i pakhat cu Jerusalem khua thiang chung i va um awkah camcawhfung an zuh, cheu hra cheu kua tu cu khua dang ah khan an um ko.

PHUNGTHLÛKBIA 16:22

Fimnak cu a ngeitu caah cun nunnak cerhti a si, sihmanhsehlaw mihrut cu a hruhnak nih dantatnak a inter.

PHUNGTHLÛKBIA 16:33

Camcawhfung cu phei cungah hrilh a si tawn, sihmanhsehlaw biakhiahnak taktak cu Bawipa sin lawnglawng in a si.

LEVITIKAS 16:8

Aaron nih meheh pahnih hna cungah cun camcawh fung a khiah lai, camcawh fung pakhat cu Bawipa caah, a dang pakhat cu Azazel caah.

JONAH 1:7

A hmanung bik ah lawngcawng hna nih cun an i thawh i, “Hi vanchiatnak kan tonmi hi aho ruangah dah a si hnga, camcawhfung kan zuk tuah lai,” an ti. Cucaah camcawhfung cu an khiah i Jonah cungah khan a tla.

MARKA 6:30

Lamkaltu hna kha an ra tlung i Jesuh he khan an i tong i an tuahmi vialte le an cawnpiakmi hna vialte kha an chimh.

LAMKALTU 1:23

Cucaah mi pahnih min kha an chuahpi: cu hna cu Josef, Barsabbas an timi, (Justas ti zongah an ti fawnmi) le Matthias kha an si.

LAMKALTU 13:19

Kanaan ram chungah miphun phun sarih kha a hrawh hna i a mi hna cu ram ngeitu ah khan a ser hna.

LAMKALTU 2:14

Khi tikah Peter cu lamkaltu hleikhat hna he khan a hung dir i, aw thang ngaiin a thawh hna i, “Ka phun hawi Judah mi hna le Jerusalem khua ah a ummi vialte hna, hiti in thil a hung ummi sullam hi zeidah a si tiah kan chimhmi hna hi ṭha tein ngai tuah u.

JOSHUA 14:2

Bawipa nih Moses nawl a pek bang khan phun kua le a cheu caah cun an co ning cu camcawh fung zuh in a si,

JOSHUA 18:10

Shiloh ah cun Bawipa hmaiah Joshua nih camcawh fung a khiahpiak hna. Khika ah Joshua nih Israel mi hna cu ram kha a cheuh hna, an vo cio kha, a pek hna.

BIAPHUAN 21:14

Khua kulhnak vampang cu lung pahleihnih cungah bunh a si i cu lung pahleihnih cungah cun Tuufa lamkaltu pahleihnih hna min kha an i ṭial.