LAMKALTU 1:2 - Lai (Hakha) Common Language Bible 2006

² a tuahmi thil vialte le a cawnpiaknak vialte kha ka ṭial. Vancung i a kal hlanah khan a lamkaltu caah a thimmi hna kha Thiang Thlarau thawngin a cawnpiak hna.

Laibaibal Thiang (BSI)

² Thiang Thlarau thawngin lamkaltu i a thimmi hna sinah nawl a pêk hna hnu ah, van i lâk a si ni tiangin,

LAMKALTU 1:2 ပူးပေါင်းရင်းမြစ်များ

ISAIAH 42:1

Bawipa nih aa thawh i, “Hi ka sal hi ka dawmhtlaihmi ka sal a si — ka thim i a cung i ka lung a tlingmi a si. Amah cu ka ṭhawnnak in ka khahter i miphun vialte cungah dinnak a tlunter lai.

ISAIAH 48:16

Cucaah ka naih u law ka chimmi kha ngai tuah u. A hramthawk tein hlangfang in kan chimh hna i ka bia cu ka tlinter zungzal,” a ti. (Atu cu Bawipa Pathian nih a ṭhawnnak kha a ka pek i a ka thlah.)

ISAIAH 61:1

Bawipa Pathian nih thlarau in a ka khahter. Sifakmi hna sinah thawng ṭha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah.

MATTHAI 12:28

Nan timi hi a si lo, khuachia ṭhawl khawhnak a ka petu hi Beelzebul si loin Pathian Thlarau a si i cu nih cun Pathian Pennak cu nan sin a phan cang ti kha a langhter.

MATTHAI 3:16

Tipilnak a in dih cangka cun Jesuh cu ti chung cun a chuak. Van kha aa hung i Pathian Thlarau cu ṭhuro bantukin a rung zuan i a cung i aa fut kha a hmuh.

MARKA 6:30

Lamkaltu hna kha an ra tlung i Jesuh he khan an i tong i an tuahmi vialte le an cawnpiakmi hna vialte kha an chimh.

LUKA 24:51

Thluachuah a pek lio hna ah cun an sinin aa ṭhen i vancung ah a kal.

LUKA 9:51

Jesuh cu vancung i laknak caan kha a nai cuahmah tikah a lung aa thlek i Jerusalem khua lei kal awkah khan aa thawh.

JOHAN 1:16

A liam in a liammi a vel chung cun thluachuahnak kha pakhat hnu pakhat a kan pek lengmang.

JOHAN 13:1

Atu cu Lanhtak Puai lai ni kha a si cang. Jesuh nih hi vawlei hi kaltak i a Pa sin kal caan kha a phan cang tiah a hngalh. Hi vawlei cung i a ummi a mi kha a dawt zungzal hna i annih cu a dongh tiang hrimhrim in a dawt hna.

JOHAN 13:18

“Hi ka chimmi hi nan dihlak in kan ti duh hnanak a si lo; ka thimmi cu ka hngalh ko hna. Sihmanhsehlaw ‘Ka rawl a eimi kha ka ral ah a cang’ tiah cathiang nih a timi kha a tlin awk a herh.

JOHAN 13:3

Jesuh nih cun ka Pa nih zeizong vialte kha ka kut chungah a ka pek dih i ka Pa sinin a rami ka si i ka Pa sinah ka kir ṭhan lai ti kha a hngalh caah

JOHAN 16:28

Ka Pa sinin a rami ka si taktak i vawlei cungah hin ka ra; atu cu hi vawlei hin ka chuak lai i ka Pa sinah ka kal lai,” tiah a ti.

JOHAN 17:13

Atu cu kei cu nangmah sinah ka ra lai; sihmanhsehlaw hi vawlei cung i ka um lioah hi bia ka chimnak cu ka lunglawmhnak kha an lung chungah tlamtling tein an ngeih nakhnga caah a si.

JOHAN 20:17

Jesuh nih cun, “Ka tlai peng ko tuah hlah, zeicahtiah ka Pa sinah ka kir rih lo. Sihmanhsehlaw ka unau pawl sinah khan va kal law, ‘Ka Pa le nan Pa, ka Pathian le nan Pathian a simi sinah khan ka kal lai,’ a ti tiah va chim hna,” tiah a ti.

JOHAN 20:21

Cun Jesuh nih cun, “Nan cungah daihnak um ko seh, Ka Pa nih a ka thlah bantukin kei zong nih kan thlah ve hna,” tiah a ti ṭhan hna.

JOHAN 3:34

Pathian nih a thlahmipa kha a Thlarau cu tling tein a pek caah, Pathian bia cu a chim.

JOHAN 6:62

Mi Fapa hi hmasa i ka rak umnak hmun i ka kai kha ka hmu u law tah zeitindah nan um kun hnga?

JOHAN 6:70

Jesuh nih cun a thawh hna i, “Nannih pahleihnih hi keimah nih kan thim hna lo mei? Asinain pakhat cu khuachia nan si ai!” a ti.

LAMKALTU 1:11

“Galilee mi hna, zeicahdah van lei zoh in nan dir ko? Nan sinin van ah a kaimi Jesuh hi, van ah a kai nan hmuh bantukte hin a ra kir ṭhan lai,” tiah an ti hna.

LAMKALTU 1:13

Jerusalem khua chungah khan an lut i an rak umnak khaan chungah khan an va kal: Peter, Johan, Jeim le Andru, Filip le Thomas, Bartholomew le Matthai, Alfeas fapa Jeim, Phunṭanh Simon le Jeim fapa Judas an si.

LAMKALTU 1:22

Amah cu Bawipa Jesuh nih kanmah he khual a tlawn lengmang lio i kan sin i aa tel lengmang vemi, Johan nih tipil innak kong a chim ri in Jesuh nih van ah a kan kaitak tiang kan sinah aa tel lengmang vemi a si awk a si,” tiah a ti.

LAMKALTU 1:9

Hi bia a chim dih in an hmuh hngan te ah cun vancung ah a kai; cun minmei nih a hun phenh i an hmu kho ti lo.

LAMKALTU 10:38

Cu thil lianngan cu, zeitindah Pathian nih Nazareth khuami Jesuh kha Thiang Thlarau le ṭhawnnak a toih i Pathian nih a umpi caah zeitindah khuazakip ah aa chawh i khuachia ṭhawnnak tangah a ummi vialte a damter hna kha a si.

GALATI 1:1

Galati peng Khrihfabu hna, Paul nih ca kan kuat hna. Keimah cu lamkaltu si dingah hin minung nih fialmi le minung nih thlahmi si loin, Jesuh Khrih le Jesuh Khrih thihnak in a thawhtertu Pathian kan Pa nih an ka kawhmi ka si.

EFESA 2:20

Nannih zong lamkaltu hna le profet hna nih a hram an rak bunhmi cung i sakmi inn nan si ve cang i a kil lung cu Khrih Jesuh kha a si.

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

HEBRU 9:24

Khrih a luhnak hmun thiang kha minung nih an sermi hmun thiang hi a si lo, a taktak le a ngaingai hna mui le thlam men ah khan si loin vancung hrimhrim ah khan a hung lut i kanmah aiawh in Pathian hmaiah khan, atu tiang hi a chuak lengmang ko.

1 PETER 3:22

amah cu vancung ah a kai i Pathian orhlei kamah a um i vancungmi vialte le vancung nawl ngeihnak vialte le ṭhawnnak vialte kha a uk dih hna.

2 PETER 3:2

Hlan liopi ah profet mithiang hna nih an rak chimmi bia le kan Bawipa le kan Khamhtu nih nawl an pekmi hna, a lamkaltu pawl nih an in chimhmi hna kha, philh hlah u ti kan duh hna.

BIAPHUAN 1:1

Hi cauk hi Jesuh Khrih nih a phuanmi thil kong a si. Cu a phuanmi cu a um zau dingmi thil, Pathian nih a sal hna hmuhsak awkah a pekmi kha a si. Cu thil hna cu Khrih nih a sal Johan kha a hngalhter i cu hngalhtertu ah cun a vancungmi kha a thlah i

BIAPHUAN 2:11

“Hna nan ngeih ahcun, Thlarau nih Khrihfabu hna sinah a chimmi bia kha ngai ko u! “Teitu a simi cu thih hnihnak nih harnak a pe kho hna lai lo,” a ti.

BIAPHUAN 2:17

“Hna nan ngeih ahcun Thlarau nih Khrihfabu sinah a chimmi bia cu ngai tuah u. “Teitu a simi hna cu thuhmi manna changreu kha tlawmpal in ka pek hna lai. Cun lung rang zong pakhat cio in ka pek hna lai i cu lung cungah cun a cotu cio lawng nih a sullam an hngalhmi min thar kha an i ṭial cio,” tiah a ti.

BIAPHUAN 2:29

“Hna nan ngeih ahcun, Thlarau nih Khrihfabu hna sinah a chimmi bia kha ngai tuah u,” tiah a ti.

BIAPHUAN 2:7

“Hna nan ngeih ahcun, Thlarau nih Khrihfabu hna sinah a chimmi bia cu ngai ko u! Teitu a simi cu, Pathian Dum chung i a ummi nunnak thingkung theitlai einak nawl kha ka pek hna lai,” a ti.

BIAPHUAN 21:14

Khua kulhnak vampang cu lung pahleihnih cungah bunh a si i cu lung pahleihnih cungah cun Tuufa lamkaltu pahleihnih hna min kha an i ṭial.

BIAPHUAN 3:13

“Hna nan ngeih ahcun, Thlarau nih Khrihfabu hna sinah a chimmi bia cu ngai tuah u,” a ti.

BIAPHUAN 3:16

A lum menmen na si i a lum zong na lum lawlaw lo i a kih zong na kih lawlaw fawn lo caah, ka kaa chungin kan chak lai.

BIAPHUAN 3:22

“Hna nan ngeih ahcun, Thlarau nih Khrihfabu hna sinah a chimmi bia cu ngai tuah u,” a ti.