LAMKALTU 1:15 - Lai (Hakha) Common Language Bible 2006

¹⁵ Cu hnu ni tlawmpal ah khan Jesuh a zummi hna kha an i pum i an dihlak ah za khat le kul tluk an si; cu pumhnak ah cun Peter cu a tho i,

Laibaibal Thiang (BSI)

¹⁵ Cun lamkaltu hna an i pumh lio ah, Peter a dir i (an dihlak in za le kul hrawng an si)

LAMKALTU 1:15 ပူးပေါင်းရင်းမြစ်များ

MATTHAI 13:31

Jesuh nih tahchunhnak bia a dang pakhat a chimh ṭhan hna. “Vancung Pennak cu mipa nih aa lak i a lo i a tuhmi anṭam ci bantuk a si.

LUKA 22:32

Sihmanhsehlaw Simon, na zumhnak a pur nakhnga lo nangmah caah thla ka cam. Cun keimah lei ah na hon i mer ṭhan tikah na unaule kha thazang na pek ve hna lai,” tiah a ti.

JOHAN 14:12

Biatak kan chimh hna: Keimah a ka zummi paoh nih ka tuahmi thil hi an tuah khawh ve lai — hi hna nakin a ngan deuhmi hmanh an tuah khawh hna lai, zeicah ti ahcun, ka Pa sinah ka kal lai caah a si.

JOHAN 21:23

Cu bia cu Jesuh zultu pawl sinah khan a thang i kha zultu kha a thi lai lo a ti duhnak a si, tiin a sullam an i lak. Sihmanhsehlaw Jesuh nih khan, a thi lai lo, tiah a chim lo; a chimmi cu, “Ka rat tiang a nun ka duh a si ah, cucu nang caah zeidah a poinak a um,” ti tu hi a si.

LAMKALTU 10:23

Peter nih cun mi hna cu, inn chungah rung lut u, tiah a ti hna i cu zan cu khika ah cun an riak. A thaizing cu aa tim i an sinah khan a kal i Joppa khua i unau cheukhat zong kha an kal ve.

LAMKALTU 11:1

Judah peng chung i a ummi lamkaltu hna le unaule hna nih khan Jentail mi zong nih Pathian bia kha an cohlan ve ti kha an theih.

LAMKALTU 11:12

Thlarau nih i thuahthah loin an sin i kal awk kha a ka fial. Hi kan unau paruk hna, Joppa khuami hna zong hi ka sinah cun Sisaria khua ah khan an kal ve i kan dihlak in Kornelias inn ah khan kan i ṭhum.

LAMKALTU 11:26

A hmuh tikah Antiok khua ah khan a ratpi i kum khat chung kha Khrihfabu chungmi hna he khan an i pum i mi tampi kha an cawnpiak hna. Antiok khua ah hin pei Jesuh zultu hna kha, “Khrihfa,” tiah an rak ti hmasa bik hna cu.

LAMKALTU 11:29

Zultu pawl nih khan anmah le an ti khawh tawk cio ah Judah ram i a ummi unau pawl bawmhnak pek awkah khan an i ceih.

LAMKALTU 12:17

“Dai tein um u,” tiah a kut in a hmuhsak hna i Bawipa nih zeitindah thonginn chungin a chuahnak kha a chimh hna. “Mah hihi Jeim le kan unau dang hna kha va chim hna u,” tiah a ti hna i kaa dang ah a kaltak hna.

LAMKALTU 14:2

Sihmanhsehlaw a zum duh lomi Judah mi hna nih khan Jentail mi kha an forh hna i unau pawl kha an huatter hna.

LAMKALTU 15:1

Judea ram in mi cheukhat kha Antiok khua ah khan an ra i, “Moses Nawlbia nih a kan cawnpiak bangin, nan cuarpar nan i tan lo ahcun khamhnak nan hmu kho lai lo,” tiah unau pawl kha an cawnpiak hna.

LAMKALTU 15:3

Khrihfabu nih khan an hei thlah hna i Foinisia le Samaria an hei tanpah ah khan zeitluk in dah Jentail mi hna nih Pathian leiah an i mer tinak kong kha an chimh hna; cu thawng nih cun unau vialte kha a lawmhter ngaingai hna.

LAMKALTU 16:2

Listra le Ikonium i a ummi unau pawl vialte nih Timote cu an thangṭhatmi a si.

LAMKALTU 16:40

Paul le Silas cu thonginn khan Lidia inn ah khan an kal. Khika ah unau pawl kha an ton hna i lungṭhawnnak bia an chimh hna hnuah an kal.

LAMKALTU 17:10

Zan a si cangka tein unau pawl nih khan Paul le Silas cu Berea khua ah an kalter hna. Khika an va phak tikah Judah mi pumhnak inn ah khan an kal.

LAMKALTU 17:14

Khulrang in unau pawl nih khan Paul cu rilikam leiah an kalter; sihmanhsehlaw Silas le Timote kha cu Berea khua ah khan an rung cam.

LAMKALTU 17:6

Sihmanhsehlaw annih kha an va hmuh hna lo tikah Jason le unau pawl a cheukhat kha khua uktu bawi hna sinah an hnuh hna i, “Khua kip ah hnahnawhnak a chuahtertu hna kha atu cu kan khua zong an ra phan ve cang i

LAMKALTU 18:18

Paul cu Korinth khua ah khan ni tam nawn a um hnuah a kaltak hna i Prisilla le Akuila he khan Siria leiah lawng in an kal. Lawng i an kal hlanah cun Kenkhria khua ah biakamnak a tuah i a lu kha aa met.

LAMKALTU 18:27

Apollo nih cun Grik ram kal kha aa tim, cucaah Efesa khua chung i a ummi a zummi hna nih khan Grik ram i a ummi an unau hna cu ca an kuat hna i amah cu rak conglawmh u tiah an forh hna. Khika ah a phak tikah Pathian velngeihnak thawngin zumtu a simi hna caah khan bawmtu ngaingai a si.

LAMKALTU 21:17

Jerusalem kan phak tikah cun unau pawl nih khan an rak kan conglawmh ngaingai.

LAMKALTU 21:20

A chimmi cu an theih tikah Pathian kha an thangṭhat. Cun Paul cu an thawh i, “Unaupa, zeitindah thil umtuning a si cu na hngalh ko. Judah mi lakah hin thong tampi a zumtu an um cang i cu hna cu Phung a ṭanh ngaingaimi an si.

LAMKALTU 21:7

Tair cun kan kal lengmang i Ptolemai kan phan, khika ah unau pawl kha kan hun biakchawnh pah hna i an sinah ni khat kan cam.

LAMKALTU 22:5

Tlangbawi Ngan le khawngsil upa hna nih khan ka chimmi hi biatak a si kha tehte an khaan khawh. Anmah sin cun Damaskas khua i a ummi Judah mi hna pek awk ca kha kaa lak i cuticun hi mi hna hi tlaih i thir cikcin in khih i Jerusalem khua i hunpi i dantat awkah khan ka kal,” tiah a ti.

LAMKALTU 28:14

Cuka ah cun zumtu tlawmte an rak um i zarh khat chung cu kan umpi ko u, tiah an kan nawl. Cun cuka cun Rom khua kha kan phan.

1 KORIN 15:6

cun a zultu za nga ringlo sinah khan voi khatte ah a lang i a cheu cu an thi cang nain a tam deuh cu an nung rih;

BIAPHUAN 11:13

Cu caan te ah cun lihnin fak ngaingai pakhat a um; khuapi cu cheu hra cheukhat a rawk i minung thong sarih lihnin nih cun a thah hna. A tangmi pawl cu an thin a phang i vancung Pathian a lianhngannak kha an thangṭhat.

BIAPHUAN 3:4

Asinain Sardis khua i a ummi tlawmpal nih cun nan puan kha thiang tein nan chiah ko. Puan rang aih in keimah sinah nan i chawk lai, zeicahtiah cu bantukin aa chawk dingah cun aa tlakmi nan si.