KOLOSE 4:6 - Lai (Hakha) Common Language Bible 2006

⁶ Nan biachim nan holhrel cu a zungzal in ngaih a nuammi le a ṭhami a si awk a si i ahopaoh kha zeitindah ka chawnh ah a ṭhat bik lai ti hngalh kha nan i zuam lai.

Laibaibal Thiang (BSI)

⁶ Nan chimmi pauh ah cite in al termi zângfahnâk telhchih zungzal u law, cuticun mikip sinah zeitindah leh ding a si ti kha nan hngalh lai.

KOLOSE 4:6 ပူးပေါင်းရင်းမြစ်များ

1 CHANRELNAK 16:24

Miphun hna lakah a sunparnak kha thanh tuah u, Mi vialte hna lakah, khuaruahhar a tuahnak zong!

SALM 105:2

Amah cu hla in thangṭhat u, thangṭhat u! A tuahmi thil khuaruahhar vialte kha chim u!

SALM 119:13

Na kan pekmi nawlbia vialte cu, fak piin ka chim lengmang hna lai.

SALM 119:46

Na nawlbia cu siangpahrang kha ka chimh hna lai i cu tuah cu ka ning a zak lai lo.

SALM 45:2

Pa vialte lakah pa dawh bik na si, bia chim a thiam ngaingaimi na si; Pathian nih zungzal in thluachuahnak an pek!

SALM 66:16

Pathian a upatmi vialte hna, ra u law ra ngai tuah u; Pathian nih ka ca i a tuahmi kha kan chimh hna lai.

PHUNGTHLÛKBIA 10:21

Miṭha bia nih cun mi tampi a cawm hna, sihmanhsehlaw mihrut cu a hruh ruangah a thi tawn.

PHUNGTHLÛKBIA 15:4

Bia nem cu nunnak thingkung a si, sihmanhsehlaw ṭhat lonak a tuahtu lei nih lungthin kha a khuai tawn.

PHUNGTHLÛKBIA 15:7

Mifim hmurka nih hngalhnak kha an ṭhanter, mihrut lungthin tu cu, cu bantuk a si lo.

PHUNGCHIMTU 10:12

Mifim cu a kaa chungin a chuakmi bia nih upatnak a pek, Sihmanhsehlaw mihrut cu amah bia lila nih a hrawh.

EZEKIEL 43:24

Bawipa hmaiah khan na pekchanh hna lai; tlangbawi nih cite an phulh hna lai i Bawipa ca i khanghthawinak caah an thawi hna lai.

LEVITIKAS 2:13

Nan changvut thawinak vialte cu cite nan phulh hna lai; nan Pathian he biakamnak cite cu nan changvut thawinak vialte chungin nan bauter lai lo; nan pekmi vialte sinah cite nan pek chih lai.

MATTHAI 5:13

“Nannih cu vawlei cite nan si. Sihmanhsehlaw cite kha a alnak cu a loh ahcun, zeitindah alter khawh a si ṭhan ti lai? Santlaihnak kha a ngeih ti lo caah hlonh awk le lamh awk men a si ko cang.

MARKA 9:50

Cite hi a ṭha. Sihmanhsehlaw a alnak kha a loh ahcun zeitindah na alter ṭhan khawh ti lai? Nan chungah cite kha i ngeih u law pakhat le pakhat kha i rem tein um u,” tiah a ti.

LUKA 4:22

An lung a hmuh ngaingai hna i bia dawhdawh a chimmi nih khan an khuaruah a harter dih hna. An i thawh i, “Amah hi Josef fapa kha a si lo hlah i?” an ti.

EFESA 4:29

Bia nan i ruah tikah mi ca ṭhat lonak bia hmang hlah u. Mi ca i san a tlaimi, a herhmi zawn i ṭhatnak a chuahpitu le a theimi thluachuah vanluh a petu ding bia lawng kha hmang u.

DEUTERONOMI 11:19

Cun mah hna cu nan fale kha nan cawnpiak hna lai i, nan inn chung i nan ṭhut le lam i nan i chawh le nan ih le nan thawh tikah nan chim lengmang hna lai.

KOLOSE 3:16

Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

1 PETER 3:15

Sihmanhsehlaw nan lungthin chungin Khrih kha upat u law nan Bawi ah ser u. Ruahchannak nan ngeihmi kong kha, kan chim tuah u, an timi hna an um ahcun, zeitik caan paoh i chim kho dingin timhcia tein um zungzal u.