KOLOSE 4:5 - Lai (Hakha) Common Language Bible 2006

⁵ A zummi a si lomi hna cung i rian nan ṭuan tikah fimnak in ṭuan u law caan ṭha nan hmuhmi paoh kha ṭha tein hman i zuam u.

Laibaibal Thiang (BSI)

⁵ Lenglei mi hna lakah fim ngaiin um u law a herh ningin cân rem kha hngak u.

KOLOSE 4:5 ပူးပေါင်းရင်းမြစ်များ

SALM 90:12

Kan nunnak hi zeitluk in dah a tawi ti kha kan hngalhter law cuticun kan fim deuh lai.

DANIEL 2:8

Siangpahrang nih cun aa thawh i, “Nan chimmi hi ka rak ruahning tein a si. Kaa tinhmi ka thanhmi kha a donghnak a si cang ti kha nan hngalh caah, caan rauhter deuh men kha nan i zuam ti kha ka hngalh.

MATTHAI 10:16

“Ngai hmanh u! Cenghngia hrang rual lak i thlahmi tuu bantukin kan thlah hna. Cucaah rul bantukin vaa fim u law ṭhuro bantukin nan nun va nem u.

MARKA 4:11

Jesuh nih cun a leh hna i, “Pathian Pennak biathli cu nannih cu pek nan si cang, sihmanhsehlaw lenglei i a ummi hna cu bianabia lawnglawng in cawnpiak an si.

ROM 16:19

Thawngṭha kong i zumhawktlak nan si kha a mi kip nih an theih i cucaah cun nan kongah hin ka lung aa lawm. Ṭhatnak leiah cun mifim si u ti kan duh hna, sihmanhsehlaw chiatnak leiah cun ngakchia cuampual si ko u ti kan duh hna.

KOLOSE 3:16

Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

1THESALON 4:12

Cuticun a zum lomi hna hmaizah kha nan tong lai i nan herhbaunak ah khan ahohmanh i rinh nan hau lai lo.

1TIMOTE 3:7

Khrihfabu lengah a ummi nih an hmaizahmi a si lai, cu bantuk mi a si lo ahcun a thang a chia lai i Satan rap ah aa foih sual lai.

JEIM 1:5

Sihmanhsehlaw fimnak a baumi nan um ahcun, Pathian sinah thlacam seh law Pathian nih a pek ko lai; Pathian nih cun ahopaoh kha zaangfah ngai le siang ngaiin a pek ko hna.

JEIM 3:13

Nan lakah a fim i hngalhnak a ngeimi nan um maw? Cu hna nih cun a fimmi le hngalhnak a ngeimi an si kha a ṭhami an nunning le toidornak lungthin le fimnak in an tuahmi thil ah khan an langhter awk a si.

JEIM 3:17

Sihmanhsehlaw cunglei in a rami fimnak cu a hmasa bik ah a thiang i cun daite le nem tein a um i hawikom cungah a ṭha; midang zaangfahnak khan a khat i thil ṭha kha tampi a tlai; thleidannak zeihmanh a ngei lo i a zer zong a zer lo.

1 PETER 3:1

Cu bantuk ṭhiamṭhiam in nu nih nan vale kha an nawl nan ngaih hna awk a si. Cu ti nan tuah ahcun, nan vale lak i Pathian bia a zum lomi hna nih khan, nan ziaza a ṭhami thawng cun Pathian bia cu an zumh lai. Nan caah bia kaa khat chim zong a herh lai lo,