KOLOSE 3:24 - Lai (Hakha) Common Language Bible 2006

²⁴ Bawipa nih nan ṭuan man an pek hna lai kha philh hlah u; a mi ca i a chiahmi laksawng kha an pek hna lai. A rian nan ṭuanmi Bawi taktak cu Khrih kha a si.

Laibaibal Thiang (BSI)

²⁴ Bawipa sin in nan ṭuanman nan co ding ro nan hmuh lai kha philh hlah u, zeitintiah Bawipa Krih riantu nan si.

KOLOSE 3:24 ပူးပေါင်းရင်းမြစ်များ

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

PHUNGTHLÛKBIA 11:18

Miṭhalo nih ahmaan loin miaknak a hmuh tawn, ṭhatnak a tuhtu nih cun laksawng taktak cu a hmuh lai.

MATTHAI 10:41

Pathian lamkaltu cu Pathian lamkaltu a si ruangah a rak conglawmhtu paoh cu a laksawng kha aa hrawm ve lai; cun miṭha cu miṭha an si ruangah a rak conglawmhtu paoh cu miṭhapa laksawng kha aa hrawm ve lai.

MATTHAI 5:12

Nan lung i lawm u law nan thanuam ko u, zeicahtiah vancung khua ah laksawng tampi chiahpiak nan si ko. Cu bantuk cun pei nan hlan i a rak ummi profet hna kha an rak hrem hna cu,” tiah a ti.

MATTHAI 5:46

Zeicahdah an dawtu hna lawng nan dawt hna tikah, Pathian nih laksawng an pek hna lai? Ngunkhuai khawltu hna hmanh nih cucu an tuah ko ṭung.

MATTHAI 6:16

“Mi depde pawl nih rawl an ulh tikah hmaichia fiamfuam in an i umter bantukin nannih cu rawl nan ulh tikah i umter ve hlah u. Rawl an ul ti kan hngal hna seh tiin rawl ṭam hnianghnuang in an i chawk. Hihi philh hlah u! Annih nih cun an laksawng kha tling tein an hmuh cang.

MATTHAI 6:5

“Thla nan cam tikah mi depde pawl nih an cam bantukin va cam hlah u. Annih nih cun, mi nih kan hmu hna seh, tiin pumhnak inn chung i dir riangmang i cam le zatlang lam tonnak i cam kha an duh. Hihi philh hlah u! Annih cu an laksawng kha tling tein an hmu cang.

LUKA 14:14

annih nih an in cham khawh lai lo caah thluachuahnak na hmu lai. Miṭha mi kha thihnak in an thawh ṭhan tikah Pathian nih an cham lai,” tiah a ti.

LUKA 6:35

Cuticun nan tuah awk a si lo. Nan ral kha daw hna u, an cungah khan ṭhatnak tuah u, chaw kha mi va cawih hna u law ka hmuh ṭhan lai, tiah ruahchannak ngei hlah u. Laksawng tampi nan hmuh lai i Cung Nung Bik Pathian fa nan si lai, zeicahtiah amah cu miṭhalo mi hna le lawmh hmanh a duh lomi hna cung hmanh ah a ṭha.

JOHAN 12:26

Ahohmanh ka rian ṭuantu si nan duh ahcun keimah kha nan ka zulh hrimhrim lai, cucaah ka rian a ka ṭuanpiaktu cu ka umnak ah a um ve lai. Ka rian a ka ṭuanpiaktu cu ka Pa nih upatnak a pek hna lai,” tiah a leh hna.

LAMKALTU 20:32

“Atu cu Pathian velngeihnak chung le zohkhenhnak chungah nannih kha kan sanh hna. Amah nih cun an ṭhanter khawh hna i a mi vialte caah a chiahmi thluachuahnak kha an pek khawh hna.

ROM 1:1

Khrih Jesuh sal le Pathian nih a Thawngṭha chim awkah a thim i a auhmi lamkaltu keimah Paul nih ca kan kuat hna.

ROM 14:18

Cu bantukin Khrih rian a ṭuanmi paoh cu Pathian nih a lawmh hna i minung nih an thangṭhat hna.

1 KORIN 11:23

Zeicahtiah kan pek chinmi hna cawnpiaknak hi Bawipa sinin ka hmuhmi a si: kan Bawipa Jesuh cu an rawi zan ah khan chang kha aa lak i

1 KORIN 3:8

A tuhtu le a toihtu kha cu zeihmanh an i dannak a um lo; an ṭuanning cio khan Pathian nih laksawng a pek ko hna lai.

1 KORIN 7:22

Zeicahtiah Bawipa nih a kawhmi sal cu Bawipa miluat a si cang; cu bantuk ṭhiamṭhiam in miluat a rak simi, Khrih nih a kawhmi, cu Khrih sal a si ve.

GALATI 1:10

Hiti ka chim tikah hin minung lungtlinnak kawl ning law cu ko cu ka lo maw? Cucu ka kawlmi a si lo. Pathian lungtlinnak tu kha ka duhmi cu a si. Zapi sinin thangṭhatnak kha hmuh kaa zuammi cu a si maw? Cucu a si ahcun, Khrih sal cu ka si hnga lo.

EFESA 6:6

An in zoh hna lio lawngah an lung tong dingin um hlah u, sihmanhsehlaw Khrih sal bantukin Pathian duhmi kha nan lungthin tak tein tuah u.

EFESA 6:8

Bawipa nih mi vialte kha, sal an si zongah, miluat an si zongah, thil ṭha an tuahmi ruangah khan laksawng a pek cio hna lai, ti kha va hngal zungzal u.

KOLOSE 2:18

Langhnak a sang khunmi kan hmu i cucaah hawi nakin kan cungnung deuh, tiah aa ruat i kanmah le kanmah nih kan pum hi kan hrem awk a si, tiah a ti i vancungmi kha kan biak hna awk a si, a timi hna nih khan, sual zeihmanh in phaw hna hlah seh. Cu bantuk mi nih cun, sullam zei set um ṭung loin, minung ruahning in thil an ruahmi kha an i porhlaw i

HEBRU 10:35

Cucaah nan ralṭhatnak kha thlau sual hlah u, nan ralṭhatnak nih cun laksawng nganpi an phorh hna lai.

HEBRU 11:6

Ahohmanh nih zumhnak loin Pathian lung ton khawh a si lo; zeicahtiah Pathian a fuhmi paohpaoh nih cun, Pathian cu a um i amah a kawlmi cu laksawng a pek hna, ti kha an zumh awk a herh.

HEBRU 9:15

Pathian kawhmi hna nih Pathian kamhmi zungzal thluachuahnak kha an hmuh khawh nakhnga, biakamnak thar cu Khrih nih khan a ser. Sihmanhsehlaw cu biakamnak cu thihnak a um hnu lawngah a si kho i cu thihnak nih aa tinhmi cu biakamnak hmasa tang i a rak ummi hna nih cu biakamnak tang i an um lio i an rak tuahmi palhnak chung khan luatter kha a si.

1 PETER 1:4

Pathian nih a mi hna caah a chiahmi thluachuah vanluhnak tampi cu co awkah kan i ruahchan. Cu thluachuahnak cu a thu a man kho lomi le a ziam kho lomi an si i Pathian nih vancung ah khin an chiahpiak hna.

2 PETER 1:1

Jesuh Khrih sal le lamkaltu a simi Simon Peter nih, Kan Pathian a dinnak thawng le kan Khamhtu Jesuh Khrih thawngin kan zumhnak tlukin a sunglawimi zumhnak a hmu vemi nan sinah ca kan kuat hna.

JUDAS 1:1

Jesuh Khrih sal le Jeim nau a simi Judas nih, Pathian kawhmi, Pathian kan Pa dawtnak chung le Jesuh Khrih huhphenhnak chungah a ummi kha, ca kan kuat hna.

RUTH 2:12

Bawipa nih na tuah ciami cu in rul seh law, Bawipa, Israel Pathian, a thla tangah i dor awk i na rak fuhmi nih cun, tampi in laksawng in pe ko seh!” tiah a ti.