KOLOSE 3:12 - Lai (Hakha) Common Language Bible 2006

¹² Nannih cu Pathian mi nan si; amah nih an dawt hna i an thim hna. Cucaah mi zawnruahnak, zaangfahnak, toidornak, nemnak le lungsaunak kha nan i aih awk a si.

Laibaibal Thiang (BSI)

¹² Cucaah Pathian thimmi, a thiangmi le dawtmi nan si bangin velngeihnâk, zângfahnâk, toidornâk, nunnemnâk le lungsaunâk in i thuam u;

KOLOSE 3:12 ပူးပေါင်းရင်းမြစ်များ

ISAIAH 42:1

Bawipa nih aa thawh i, “Hi ka sal hi ka dawmhtlaihmi ka sal a si — ka thim i a cung i ka lung a tlingmi a si. Amah cu ka ṭhawnnak in ka khahter i miphun vialte cungah dinnak a tlunter lai.

ISAIAH 45:4

Ka sal Israel mi kha na bawmh hna lai tiah kan fial, annih cu ka thimmi miphun an si. Nang nih cun na ka hngal lo nain upatnak nganpi kha kan pek.

ISAIAH 63:15

Na sunparnak le na thiannak he na umnak hmun van khin run kan zoh tuah, Bawipa. Kan zawn na kan ruahnak kha khuazei ah dah a si? Na ṭhawnnak kha khuazei ah dah a um? Na kan dawtnak le na kan zaangfahnak kha khuazei ah dah an um? Kan hrelh sawh hlah.

ISAIAH 65:9

Israel mi lakah Judah tefa a simi kha thluachuah ka pek hna lai i an tefa nih ka ram le ka tlang kha an co lai. Ka thimmi ka mi, ka rian a ṭuanmi cu, cuka ah cun an um lai.

JEREMIAH 31:20

“Efraim, nangmah cu ka dawt bikmi fa na si. Na min ka chim fate, nangmah kha dawtnak in kan ruat tawn. Nangmah cu ka lung nih an ngai i na cungah zaangfahnak ka ngei lai,” tiah Bawipa nih a ti.

JEREMIAH 31:3

Lamhlat piin an sinah ka rung lang; Israel mi hna, nannih cu kan dawt zungzal hna i Dong loin kan zohkhenh zungzal ko hna.

EZEKIEL 16:8

“Cun na pawngah ka ra ṭhan i va ngeih cu na si cang ti kha kan hmuh. Ka puan cu kan zawnh i na taklawng cu kan huh. Cun kan hamnak kha ka fehter i nupi ah kan ṭhit i keimah ta ah na cang, tiah Bawipa Pathian nih a ti.

MATTHAI 24:22

Cu caan cu Pathian nih rak tawiter hlah seh law ahohmanh a nungmi an um hnga lo. Asinain Pathian nih a mithim mi hna caah, cu caan cu a tawiter lai.

MATTHAI 24:24

Zeicahtiah nal messiah le nal profet kha an chuak lai i Pathian mithim hna hmanh kha a si khawh ahcun hlen khawhnak ding caah hmelchunhnak le khuaruahhar nganngan an ser hna lai.

MATTHAI 24:31

Muko nganpi cu an tum lai i a vancungmi kha vawlei kil li ah a thlah hna lai i vanrang toi khuazakip in a mithim hna kha a pumh hna lai.

MARKA 13:20

Bawipa nih cu caan cu rak tawiter hlah seh law cu, khamhmi ahohmanh an um hnga lo. Sihmanhsehlaw a thimmi a mi hna caah cun, cu caan cu a tawiter.

MARKA 13:22

Zeicahtiah Messiah deu le nal profet hna kha an chuak lai. Pathian thimmi hna hmanh kha, a si khawh chungin hlen khawhnak dingah hmelchunhnak le khuaruahharnak an ser hna lai.

MARKA 13:27

Vawlei kil li ah khan a vancungmi kha a thlah hna lai i vawlei khattelei deng in khattelei deng tiang Pathian thimmi minung kha an pumh hna lai.

LUKA 1:78

Zeicahtiah, kan Pathian cu zaangfah thiammi le minunnem a si: Khamhnak khuaceu ṭha cu kan cungah a tlunter lai i

LUKA 18:7

Pathian nih tah amah a mi hna chunzan hlan in a sinah bawmh hal awkah a au lengmangmi hna cu thiamcoh loin maw a um hna hnga? Anmah bawmh awkah cun a khul a nuar ko hnga maw?

ROM 1:7

Cucaah Pathian nih a dawt i amah mi si dingah an kawhmi hna, Rom khua i a ummi nan dihlak in ca kan kuat hna: Pathian kan Pa le Bawipa Jesuh Khrih nih vel le daihnak cu in pe ko hna seh.

ROM 13:14

Bawi Jesuh ziaza tu kha i lak u law pumsa duhnak tuah kha ngol u.

ROM 9:11

Sihmanhsehlaw pakhat u a thim kha Pathian tinhning lawnglawng in a si nakhnga caah Pathian nih Rebekka cu, “A u nih a nau kha a rianh lai,” tiah a chimh. Hi bia a chim hi an chuah hlanah a si, a ṭha siseh, a ṭhalo siseh, zeihmanh an tuah hlan ah a si; cucaah Pathian nih pakhat a thim cu anmah an tuahmi ruangah khan a si lo, amah nih a kawh ruang tu ah khan a si ko.

1 KORIN 13:4

Dawtnak cu thlachiat a ruat i mi cungah zaangfahnak a ngei. Dawtnak cu a nah a chuak lo, a lung a puam lo i aa porhlaw lo.

2 KORIN 6:6

Kan ziaza a thiannak le biatak kan hngalhnak le lungsaunak le mi cung i zaangfahnak kan ngeihmi nih Pathian sal kan si kha an langhter. Cun Thiang Thlarau laksawng kan hmuhmi le dawtnak taktak kan ngeihmi le

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

EFESA 1:4

Vawlei a ser hlan in Pathian nih kannih cu Khrih chung i amah ta si dingin a kan thim cang, cucaah a hmaiah a thiangmi le soi awk um lomi kan si awk a si.

EFESA 4:2

Toidornak lungthin ngei u, lungnem le lungsau in um zungzal u. Pakhat le pakhat i bawm u law cuticun nan i dawtnak kha langhter u.

EFESA 4:24

Pathian he aa lo in sermi nan mihring thar kha i hruk u law cucu a dingmi le a thiangmi nunning i a langmi nunnak taktak kha a si.

EFESA 4:32

Pakhat le pakhat cungah zaangfahnak lungthin le nemnak lungthin ngei u law Pathian nih Khrih thawngin an ngaihthiam hna bantukin pakhat le pakhat i ngaithiam u.

FILIPI 1:8

Khrih Jesuh lungthin chungin a chuakmi ngaihnak in kan ngai hna, hi ti ka ti tikah hin ka lih a si lo ti cu Pathian nih a hngalh.

KOLOSE 3:10

mi thar cu nan i hruk cang caah pakhat le pakhat i hleng hlah u. Hi mi thar hi a sertu Pathian nih amah mui lo chin lengmang in a tharchuah lengmangmi cu a si i cucu amah hngalhnak kha tlamtling tein nan ngeih khawhnak caah a si.

1THESALON 5:15

Ṭhat lonak kha ahohmanh nih ṭhat lonak in lehrul hlah u, sihmanhsehlaw pakhat le pakhat cungah siseh, mi vialte cungah siseh, ṭhatnak tuah tu kha i tinh u.

2TIMOTE 1:9

Pathian nih cun amah mi hrimhrim si awkah a kan khamh i a kan auh; cucu kanmah tuahmi ruangah si loin amah nih aa tinhmi le vel a kan ngeih ca ruang tu ah khan a si. Hi a vel cu caan hramthawk hlan in Jesuh Khrih in a kan pek cang,

2TIMOTE 2:10

Cun hi vialte ka innak hi Pathian nih a thimmi hna zawn ka ruah caah a si i Khrih Jesuh thawngin hmuhmi a sunglawimi le zungzal in a hmunmi khamhnak kha hmu hna seh ti ka duh caah a si.

TITAS 1:1

Zumhnak kan i hrawmmi chung i ka fa taktak a simi Tias, hi ca hi kan kuat. Pathian kan Pa le Khrih Jesuh kan Khamhtu nih vel le daihnak in pe ko hna seh.

1 PETER 1:2

Jesuh Khrih kha a nawl ngaih awk le a thi in nannih cu tlengh awkah Pathian kan Pa tinhning in thim nan si i a Thlarau nih miphun thiang ah an ser hna. Vel le daihnak cu tling khitkhet in nan ta si ko seh.

2 PETER 1:10

Cucaah cun ka u le ka nau hna, Pathian nih an thimnak hna le an kawhnak hna cu nan chungah fehter chinchin ko u; cu ti nan tuah ahcun nan tlu bal lai lo.

1JOHAN 4:19

Kannih nih Pathian kan dawt cu Pathian nih a kan dawt hmasa caah a si.

2 JOHAN 1:13

Na dawtmi na Unaunu fale hna nih daihnak an in kuat.

BIAPHUAN 17:14

Annih nih Tuufa kha an doh lai; sihmanhsehlaw Tuufa le Tuufa nih a kawh hna i a thim hna i zumhawktlak zultu a simi hna nih khan an tei hna lai, zeicahtiah Tuufa cu bawi vialte Bawipa le siangpahrang vialte Siangpahrang a si,” a ti.