KOLOSE 3:11 - Lai (Hakha) Common Language Bible 2006

¹¹ Cu a phichuak cu hihi a si: Jentail mi ti a um ti lo, Judah mi ti a um ti lo, cuarpartan ti a um ti lo, tan lomi ti a um ti lo, mihrut, Sithian mi, miluat, sal, ti a um ti lo, zeizong vialte cu Khrih a si ko i zeizong vialte chungah Khrih cu a um ko.

Laibaibal Thiang (BSI)

¹¹ Cukaah cun Grik mi le Judah mi, cuarpartan le tanlo, miphun niam, Skuthia mi, sal le miluat zong um khawh a si lo, Krih cu zeizong ah zeizong a si.

KOLOSE 3:11 ပူးပေါင်းရင်းမြစ်များ

SALM 117:2

A kan dawtnak fek cu a ṭhawng i zumhawktlak a sinak cu zungzal in a hmun. Bawipa cu thangṭhat u!

ISAIAH 49:6

Bawipa nih cun a ka thawh i, “Ka sal, nangmah caah rian ngan deuh chin ka ngei; Israel mi chungin a tangmi hna kha lianhngannak ah phakter ṭhan lawng si loin, Nangmah cu miphun hna ca ceunak ah kan ser lai — cuticun vawlei dihlak nih khamhnak a hmuh lai,” a ti.

ISAIAH 52:10

Bawipa nih a thiangmi a ṭhawnnak cu a hman cang; a mi kha a khamh cang hna i cucu vawlei mi vialte nih an hmuh cang.

JEREMIAH 16:19

Maw Bawipa, nangmah cu ka thazang le ka ralhruang, harnak caan i ka himnak na si; Vawlei khuazakip in miphun hna kha na sinah an ra lai i ‘Kan pupa hna nih an rak comi cu hlennak le pakpalawng le santlai lomi siasal men kha an rak si ko.

EZEKIEL 47:22

Hi ram cu Israel miphun hna kha ro caah camcawhfung khiah in nan i phaw lai, cun ramdangmi nan sin i a ummi hna zong kha fapa a ngeimi cu nan phawt ve hna lai. Annih cu Israel ram kek ah nan rel ve hna lai i Israel miphun hna lakah khan camcawhfung khiah in ro kha an co ve lai.

HOSEA 2:23

Ram chungah khan ka mi kha fek tein ka umter hna lai i ka ṭhanchoter hna lai. “Dawt lomi” hna tiah timi hna cungah khan dawtnak ka ngei lai i “Ka mi an si lo,” timi hna kha, “Ka mi an si,” ka ti hna lai. Annih cu an pahnih in ka mi nan si ka ti hna lai i, Annih nih, “Kan Pathian na si,” an ka ti lai.

AMOS 9:12

Edom ram a tangmi le ka min in auh a rak simi miphun vialte kha an co hna lai. Mah hihi Bawipa bia hrimhrim a si i amah nih cun a tuah lai.

MIKAH 4:2

“Ra u law Bawipa tlang ah cun kai hna u si, Jakob Pathian inn ah cun kal hna u si, Kannih cu a lam kha kan cawnpiak seh law A lam cu kannih nih zul u si,” an ti lai. Zeicahtiah cawnpiaknak cu Zion in a chuak i, Bawipa bia cu Jerusalem khua in a ra;

ZEKHARIAH 2:11

Khi ni ah Bawipa sinah miphun tampi an ra lai i a mi an si lai i nannih lakah amah cu a um lai.

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

JOHAN 14:23

Jesuh nih cun, “A ka dawmi paoh nih cun ka bia kha an ngaih lai. Annih cu ka Pa nih a dawt hna lai i ka Pa le keimah cu kan ra lai i an sinah kan um lai.

JOHAN 15:5

Mitsur ruang cu keimah hi ka si i a nge cu nanmah hi nan si. Ahohmanh ka chungah a um i kei zong a chungah ka um ahcun, amah cu thei tampi a tlai khomi cu a si; zeicahtiah keimah loin nan tuah khawhmi zeihmanh a um lo.

JOHAN 17:23

Kei an chungah um in nang ka chungah um law, annih cu pakhat taktak an si lai; cun pakhat an sinak thawng cun vawlei nih cun keimah cu nangmah thlahmi ka si le nangmah nih annih cu keimah na ka dawt bantukin na dawt hna kha a hngalh lai.

LAMKALTU 15:17

Cucaah miphun dang vialte, ka mi si awk ca i ka auhmi Jentail mi vialte hna nih khan Bawipa cu an ka kawl lai.

LAMKALTU 28:2

Cuka rammi hna cu kan cungah an ṭha ngaingai. Ruahpi a sur i khua a sik, cucaah meiphu an kan tihpiak i hung to u tiah an kan ti.

LAMKALTU 28:4

Cuka rammi hna nih rul kha Paul kut i aa thlai ko cu an hmuh tikah pakhat le pakhat kha, “Hi pa hi lainawng a si ṭheo lai, rili in luat hmanh seh law khuazing nih nunter a duh lo i a si ko,” an ti.

ROM 1:14

Miphun vialte hna sinah leiba ka ngei, a fimmi si hna seh, a hrutmi si hna seh, cathiammi si hna seh, cathiam lomi si hna seh, an dihlak cungah leiba ka ngei.

ROM 10:12

A zummi paoh, a ti, zeicahtiah Judah mi le Jentail mi tiin i thleidannak zeihmanh a um lo; Pathian cu kan dihlak Bawipa a si i amah a zummi paoh cu thluachuahnak tampi in a pek ko hna.

ROM 3:22

Cu lam, Pathian he i remnak lam cu Jesuh Khrih zumhnak thawngin a si i Jesuh Khrih a zummi ca paoh ah a si dih. Ahohmanh i thleidan ding a si lo,

ROM 3:29

Asiloah, Pathian cu Judah mi hna Pathian lawng maw a si? Jentail mi hna Pathian tah a si ve lo maw? Si hen ta!

1 KORIN 12:13

Cu bantukin kannih vialte zong hi, Judah mi kan si ah, Jentail mi kan si ah, sal kan si ah, miluat kan si ah, kan dihlak in pum pakhat chungah khan Thlarau pakhat nih tipil a kan pek i kan dihlak in Thlarau pakhat kha din awkah pek kan si.

1 KORIN 14:11

Asinain a chimtupa nih a hmanmi holh kha ka hngalh lo ahcun amah cu ka caah holh theih lo mipa a si i kei zong a caah holh theih lo mipa ka si ve.

1 KORIN 7:19

Zeicahtiah cuarpartan le tan lo cu zeihmanh an si lo. Biapi a simi cu Pathian nawl zulh kha a si.

GALATI 2:20

cucaah a nungmi cu keimah kha ka si ti lo, ka chung i a ummi Khrih tu hi a si deuh. Atu i ka nunmi nunning hi, a ka daw i ka ca i a nunnak a pemi Pathian Fapa zumhnak thawngin ka nung.

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

EFESA 1:23

Khrihfabu hi Khrih pum cu a si, Khrih nih zeizong vialte kha a tlinter i amah Khrih hrimhrim a tlinnak cu a pum ah cun a si.

EFESA 2:14

Judah mi le Jentail mi kha miphun phunkhat ah a ser hna thawngin Khrih nih kannih cu daihnak a kan pek. Anmah a ṭhentu hna vampang, ral a siter pengtu hna kha, a pum hrimhrim in a chimh.

EFESA 2:15

Judah Phung kha a nawlbia vialte le a phunglam vialte he khan a hrawh; cu ti a tuah cu, hi miphun pahnih hna chung hin amah he aa pehtlaimi miphun pakhat a thar ser i cuticun daihnak umter kha a duh caah a si.

EFESA 3:6

Cu biathli cu hihi a si: Thawngṭha thawngin Jentail mi hna nih Judah mi hna sinah khan Pathian thluachuahnak an hmuh ve cang; annih cu pum khat chung nge kha an si cang i Khrih Jesuh in Pathian nih biakamnak a tuahmi ah khan tinvo an ngei ve cang.

EFESA 6:8

Bawipa nih mi vialte kha, sal an si zongah, miluat an si zongah, thil ṭha an tuahmi ruangah khan laksawng a pek cio hna lai, ti kha va hngal zungzal u.

KOLOSE 2:10

amah he nan i pehtlaihnak thawngin nannih cu nunnak tlamtling kha pek nan si. Khrih cu thlarau uktu vialte le nawlngeitu vialte hna cung bawi a si.

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.

2 JOHAN 1:9

Khrih cawnpiaknak chungah um peng loin kar hlei a lammi nih cun Pathian kha an ngei lo. Cawnpiaknak chungah khan a um pengmi nih cun Pa he Fapa he an ngeih hna.