KOLOSE 3:1 - Lai (Hakha) Common Language Bible 2006

¹ Nannih cu Khrih sinah nunnak ah thawh nan si cang. Cucaah Pathian orhlei kam i Khrih nih a bawi ṭhutdan cung i a ṭhutnak vancung khua chung i a ummi thil tu kha nan lung in i seh chih hna u.

Laibaibal Thiang (BSI)

¹ Krih sinah thawhter nan si ahcun cunglei Pathian orhlei ah a ṭhumi Krih umnâk i a ummi thil hna khi kawl u.

KOLOSE 3:1 ပူးပေါင်းရင်းမြစ်များ

SALM 110:1

Bawipa nih siangpahrang ka Bawipa cu a thawh i, “Na ral cu na ke tangah ka chiah hna hlantiang, ka orhlei kamah hin ṭhu tuah,” tiah a ti.

SALM 16:11

Nunnak lei kalnak lam cu na ka hmuhsak lai; ka sinah na um caah lawmhnak in ka khat i na ka bawmh caah nuamhnak ka hmu zungzal.

PHUNGTHLÛKBIA 15:24

Mifim cu nunnak lam leiah khin an hung kal, thihnak lam leiah cun an vung kal lo.

PHUNGCHIMTU 10:2

Mifim nih a hmaanmi thil tuah kha a phung a si ko i mihrut nih a hmaan lomi thil tuah kha a phung a si ve ko.

MATTHAI 22:44

Bawipa nih ka Bawipa cu a thawh i, Na ral hna cu na ke tangah ka chiah hna hlantiang Ka orhlei kamah hin ṭhu tuah, tiah a ti, a ti cu.

MATTHAI 26:64

Jesuh nih cun, “Na chim ko cu ta. Sihmanhsehlaw nan dihlak in hihi kan chimh hna: Atu ri hin cun Mi Fapa hi, Cung Nung Bik orhlei i a ṭhut le khuadawm cungin a rat kha nan hmuh lai,” tiah a leh hna.

MATTHAI 6:20

Rungrul le cirik nih an ei khawh lonak le mifir nih an baoh i an fir khawh lonak vancung tu ah khin nan chaw cu va khong u.

MATTHAI 6:33

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.

MARKA 12:36

Thiang Thlarau nih pei David cu: Bawipa nih ka Bawipa cu, Na ral hna kha na ke tangah ka chiah hna hlantiang ka orhlei kamah hin ṭhu ko, tiah a chimter cu.

MARKA 14:62

Jesuh nih, “Ka si. Cun Mi Fapa cu A Liannganmi Pathian orhlei kamah ka ṭhut i vancung khuadawm he ka rat kha na ka hmuh te lai,” tiah a ti.

MARKA 16:19

Jesuh nih bia a ruah dih hna cun vancung ah a kai i Pathian orhlei kamah khan a hung ṭhu.

LUKA 12:33

Nan ngeihmi thil kha zuar hna u law tangka cu mi kha ṭhen hna u. A ṭet kho lomi phaisa bawm kha i zalh u law vancung ah nan ro kha khong hna u, khika ah cun mifir nih an fir kho hna lo i rungrul nih an ei khawh hna lo caah a zor lei an panh bal lai lo.

LUKA 20:42

Zeicahtiah David hrimhrim nih pei, ‘Bawipa nih ka Bawipa cu,

LUKA 22:69

Sihmanhsehlaw atu hin cun Mi Fapa hi Lianngan Bik Pathian orhlei kamah ṭhutter ka si cang lai,” tiah a ti.

LAMKALTU 2:34

Zeicah kan ti ahcun amah David cu vancung ah a kai ṭung lo, aa thawh i pei: ‘Bawipa nih ka Bawipa cu, “Ka orhlei kamah hin ṭhu tuah,

LAMKALTU 7:55

Sihmanhsehlaw Thiang Thlarau in a khatmi Steven nih khan van lei khi a hun zoh i Pathian sunparnak kha a hmuh i Jesuh cu Pathian orhlei kamah a dir kha a hmuh.

ROM 8:34

Cucaah annih cu aho tal nih sual an phaw kho hna lai maw? Khrih hmanh nih sual a phaw hna hnga lo; zeicahtiah an ca i a thimi kha Khrih Jesuh kha pei a si cu, cu nak hmanh cun, thihnak in thawhter a si i Pathian orhlei kamah a um i kan ca i a kan nawlpiaktu cu amah cu pei a si cu.

ROM 8:6

Nan lungthin cu minung sining nih a uk ahcun a phichuak cu thihnak a si; nan lungthin cu Thlarau nih a uk ahcun a phichuak cu nunnak le daihnak a si.

2 KORIN 4:18

Kannih nih kan i zohchihmi cu hmuh khawhmi thil hi si loin hmuh khawh lomi thil khi an si. Hmuh khawhmi thil cu caan tawite lawng a nguh, sihmanhsehlaw hmuh khawh lomi thil cu zungzal in a hmun.

EFESA 4:10

Cucaah cun a ṭummi cu vancung le van pin i a kaimi kha a si i cu a kai cu van le vawlei vialte nih amah in an khah dih kha i hngal hna seh, tinak caah a si.

EFESA 5:22

Nupi hna, Bawipa tang i nan i dor bantukin nan vale tangah i dor u.

KOLOSE 2:20

Khrih he nan thi ṭi cang, cucaah van le vawlei a uktu thlarau hna sin khan nan luat. Cucaah zeicahdah hi vawlei ta a simi nun bantukin nan nun?

KOLOSE 3:2

Hi vawlei cung thil hi si loin khika thil tu kha ruat hna u.

HEBRU 1:13

Pathian nih a vancungmi kha, “Na ral cu na ke tangah ka chiah hna hlan tiang, Ka orhlei kamah hin ṭhu tuah,” tiah ahohmanh a ti bal hna lo.

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

HEBRU 10:12

Asinain Khrih nih cun raithawinak kha sualnak caah voi khat a ser i cucu zungzal ca in a za ko, cu hnuah Pathian orhlei kamah khan a ṭhu.

HEBRU 12:2

Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawiṭhutdan orhlei kamah khan a hung ṭhu cang.

HEBRU 8:1

Ka chimmi chungah a biapi bik cu hihi a si: cu bantuk Tlangbawi Ngan thengte cu kan ngei i amah cu vancung i a Lian Ngan Bik orhlei kam i a ṭhumi a si.

1 PETER 3:22

amah cu vancung ah a kai i Pathian orhlei kamah a um i vancungmi vialte le vancung nawl ngeihnak vialte le ṭhawnnak vialte kha a uk dih hna.