KOLOSE 2:8 - Lai (Hakha) Common Language Bible 2006

⁸ Khrih chungin si loin, van le vawlei uktu thlarau hna sinin le minung nih pakhat le pakhat an i cawnpiak chin lengmangmi chungin a chuakmi minung fimnak, santlaihnak zeihmanh a ngei lomi fimnak, hlennak menmen a simi cu hmang in, ahohmanh nih sal ah in ser hna hlah seh.

Laibaibal Thiang (BSI)

⁸ I ralring u, culoahcun mi zeimaw nih Krih cawnpiakning si loin, fimnâk le pakpalawng hlennâk le, minung hna i chanhchinmi phung le vawlei phunghram men in hlen nan si sual lai.

KOLOSE 2:8 ပူးပေါင်းရင်းမြစ်များ

SOLOMON HLA 2:15

Par ṭha en lio kan mitsur dum kha, A hrawk tawntu hngartlaitum le maw a fano rual cu tlai u.

JEREMIAH 29:8

Hi bangin Ralkapbu Bawipa, Israel Pathian nih a ti: Nan lak i a ummi profet hna le litin thiam hna kha i hlenter hna hlah u, mangmanh nan fialmi hna mifim kha an bia ngaihpiak hna hlah u.

MATTHAI 10:17

An in tlaih hna lai i zung ah an in chuahpi hna lai, pumhnak inn ah an in chuahpi hna lai i an in tuk hna lai cu caah vaa ralring u.

MATTHAI 16:6

Jesuh nih cun a thawh hna i, “Farasi mi hna le Sadusi mi hna thilnu kha i ralring u,” tiah a ti hna.

MATTHAI 7:15

“Nal profet kha i ralring hna u, nan sin an rat ah cun tuu bantukin an i umter, sihmanhsehlaw an chunglei cu cenghngia hrang an si.

LAMKALTU 17:18

Epikurian cawnpiaktu saya a cheukhat le Stoik cawnpiaktu saya a cheukhat he zong an i al. A cheu nih an thawh i, “Hi mihrutpa, langh a duh ngai ṭungmi hi zeidah a chim len ko hnga?” an ti. A cheu nih, “Ramdangmi hna pathian kong chim dawh a si,” an ti. Hitihin zeicah dah an ti ti ahcun, Paul nih khan Jesuh kong le thawhṭhannak kong a chim caah khan a si.

LAMKALTU 17:32

Paul nih thihnak in thawhternak kong a chimmi kha an hun theih tikah a cheu nih an nihsawh i a cheu nih, “Hi kong hi theih ṭhan kan duh,” an ti.

ROM 16:17

Cheunak a chuahtertu hna le zumhnak a tuaitertu, nannih nih nan hmuh ciami cawnpiaknak a ralchanhmi hna kha i ralring hna u tiah kan forh hna; annih cu hrial ko hna u.

1 KORIN 10:12

Ka dir kho ko tiah aa ruatmi cu a tluk sualnak hnga lo i ralring seh.

1 KORIN 8:9

Asinain ralring te tu in um u law nan luatnak kha zumhnak a dermi sualnak chung i a tlaktertu siter sual hlah u.

2 KORIN 10:5

Pathian hngal kho hna hlah seh tinak ca i chonmi vampang porhlawtnak vialte kha kan baoh dih; minung lungthin kha sal ah kan va tlaih hna i Khrih nawl kha kan ngaihter hna.

GALATI 1:14

Judah phung ka zulhnak ah khan ka ṭhirual Judah mi kha tampi ka lonh hna. Anmah nakin kan pupa phung kha fak piin ka ṭanh deuh.

GALATI 4:3

Cu bantukin kannih zong hi thlarau lei in nutling patling sinak kan phak hlan cu vawlei le van a uktu thlarau hna sal kan si.

GALATI 4:9

Sihmanhsehlaw atu cu Pathian cu nan hngalh cang — atu cu Pathian nih an hngalh hna ka ti deuh awk tu a si — cucaah zeitindah kha a derthawmmi le san a tlai lomi thlarau hna leiah khan i mer ṭhan nan duh? Zeicahdah an sal si, i nolh ṭhan cu nan duh?

GALATI 5:15

Asinain saram bantukin nan um i pakhat le pakhat nan i seh nan i kaoh ahcun, i ralring tuah u, nan i ralrin lo ahcun pakhat le pakhat nan i hlo dih ko lai.

EFESA 2:2

Cu lioah cun vawleicung phunglam ṭhalo kha nan rak zul; van le vawlei kar i a ummi thlarau ṭhawnnak uktu nawl kha nan rak zul; cu thlarau nih cun Pathian nawl a ngai lomi kha atu cu a uk hna.

EFESA 4:20

Khrih kong i nan theihmi cu cu bantuk cu an si lo.

EFESA 5:6

Ahohmanh pakpalawng bia in i hlenter hna hlah u; hi thil ruangah hin Pathian thinhunnak cu a nawl a ngai lomi hna cungah khan a tlung lai.

DEUTERONOMI 6:12

khi tikah Izipt ram, sal cannak inn a simi chung khan, an chuahpitu Bawipa kha na philh sual nakhnga lo, i ralring tuah.

FILIPI 3:2

Thil ṭhalo a tuahmi hna kha i ralring hna u, nan cuarpar nan i tan awk a si a ti pengmi uico hna kha i ralring hna u.

KOLOSE 2:18

Langhnak a sang khunmi kan hmu i cucaah hawi nakin kan cungnung deuh, tiah aa ruat i kanmah le kanmah nih kan pum hi kan hrem awk a si, tiah a ti i vancungmi kha kan biak hna awk a si, a timi hna nih khan, sual zeihmanh in phaw hna hlah seh. Cu bantuk mi nih cun, sullam zei set um ṭung loin, minung ruahning in thil an ruahmi kha an i porhlaw i

KOLOSE 2:20

Khrih he nan thi ṭi cang, cucaah van le vawlei a uktu thlarau hna sin khan nan luat. Cucaah zeicahdah hi vawlei ta a simi nun bantukin nan nun?

KOLOSE 2:22

Hi phung hna hi cu, voi khat hman an si cang hnuah cun santlaihnak an ngei ti lo. Annih cu minung ser chommi phunglam le cawnpiaknak menmen an si.

KOLOSE 2:23

Vanmi nan biak hna lai, nan pum nan i hrem lai, an ti i mi toi aa dormi ko an lawh tikah hin, hi phunglam hna hi fimnak chungchuak thilṭha a si ding ko khi an lo; asinain pumsa duhnak tei khawhnak ding taktak ah cun zeihmanh santlaihnak an ngei lo.

1TIMOTE 6:20

Timote, ken awk an in fialmi thil cu him tein na ken hna lai. Pathian hmaizah loin biachim lengmang le hruhnak bia alnak, mi a cheu nih hmaan lopi in “Fimnak” tiah an timi cu hrial naa zuam hna lai.

2TIMOTE 3:13

sihmanhsehlaw miṭhalo le chungthu lengnal pawl cu a ṭhalo chin lengmang khan an um lai i midang kha an hlen lengmang hna lai i anmah le anmah zong kha an i hleng lengmang lai.

HEBRU 13:9

Cawnpiaknak hmaan lo a phunphun kha a pingah i hruaiter hna hlah u. Pathian vel nih nan lung kha a ṭhawnter ahcun a ṭha, rawl kong phunglam zulh nih cun zeihmanh ṭhathnemnak a chuahpi lo; hi bantuk phunglam a zulmi hna cu an zulhmi phunglam nih khan zeihmanh a bawm hna lo.

HEBRU 3:12

Ka u le ka nau hna, a nungmi Pathian zamtak a duhmi lungthin ṭhalo le Pathian bochan duh lonak lungthin a ngeimi nan um sual nakhnga lo i ralring u.

1 PETER 1:18

Nan pupa nih an in rohmi hna santlailo phunglam hna chungin an luattertu hna cu zeidah a si kha nan hngalh, a rawk khomi thil sui le ngun bantuk si loin

2 PETER 3:17

Sihmanhsehlaw ka hawile hna, nannih nih cun hihi cu nan hngalh cang. Cucaah cun nawlbia zeihmanh ah a rel lomi pawl an palhnak nih khan a pingah an hruai sual hna nakhnga lo le him tein nan umnak hmun ah khan nan um i nan tlak sual nakhnga lo, ralring tein um ko u.

2 JOHAN 1:8

Cucaah nan ṭuan lengmang hnawhchanmi kha nan sungh sual nakhnga lo le nan laksawng kha tling tein nan hmuh nakhnga, ralring tein um ko u.