KOLOSE 2:23 - Lai (Hakha) Common Language Bible 2006

²³ Vanmi nan biak hna lai, nan pum nan i hrem lai, an ti i mi toi aa dormi ko an lawh tikah hin, hi phunglam hna hi fimnak chungchuak thilṭha a si ding ko khi an lo; asinain pumsa duhnak tei khawhnak ding taktak ah cun zeihmanh santlaihnak an ngei lo.

Laibaibal Thiang (BSI)

²³ Hibantuk biaknâk â ṭanhter ngaimi, a deu in toidormi hna le, pumsa zei i a rel lo i fahnâk â petu hna hi, ṭhat dawh ngaiin a lang nain, pumsa duhnâk teinâk kongah santlaihnâk zeihmanh a ngei lo.

KOLOSE 2:23 ပူးပေါင်းရင်းမြစ်များ

ROM 13:14

Bawi Jesuh ziaza tu kha i lak u law pumsa duhnak tuah kha ngol u.

EFESA 5:29

(Ahohmanh nih mah pum kha an hua bal lo. Khrih nih khrihfabu kha a cawm a zoh a khenh bantukin, ahohmanh nih a pum cu a zoh a khenh i a cawm ve;

KOLOSE 2:18

Langhnak a sang khunmi kan hmu i cucaah hawi nakin kan cungnung deuh, tiah aa ruat i kanmah le kanmah nih kan pum hi kan hrem awk a si, tiah a ti i vancungmi kha kan biak hna awk a si, a timi hna nih khan, sual zeihmanh in phaw hna hlah seh. Cu bantuk mi nih cun, sullam zei set um ṭung loin, minung ruahning in thil an ruahmi kha an i porhlaw i

KOLOSE 2:22

Hi phung hna hi cu, voi khat hman an si cang hnuah cun santlaihnak an ngei ti lo. Annih cu minung ser chommi phunglam le cawnpiaknak menmen an si.

KOLOSE 2:8

Khrih chungin si loin, van le vawlei uktu thlarau hna sinin le minung nih pakhat le pakhat an i cawnpiak chin lengmangmi chungin a chuakmi minung fimnak, santlaihnak zeihmanh a ngei lomi fimnak, hlennak menmen a simi cu hmang in, ahohmanh nih sal ah in ser hna hlah seh.

1TIMOTE 4:3

Cu hna pawl nih cun i ṭhit i umh hi thil ṭhalo a si, tiah an ti i ei chia an timi rawl phun zong a um. Sihmanhsehlaw hi rawl cu Pathian nih ei awk ding i a sermi an si i zumtu a simi hna le biatak a hngalmi hna nih cun lunglawmhnak in thlacam hnuah ei awk an si ko.

1TIMOTE 4:8

Pum in thiam lakin cawnmi kha santlaihnak a ngei, asinain cu bantuk santlaihnak cu donghnak a ngei; sihmanhsehlaw biaknak ṭhathnemnak cu donghnak a ngei lo, zeicahtiah cu biaknak chungah cun Pathian nih atu kan nunnak ca he hmailei kan nunnak ca he bia a kan kamh.