KOLOSE 2:2 - Lai (Hakha) Common Language Bible 2006

² Cu bantukin ka ṭuan cu, an lungthin kha ralṭhatnak in a khah i dawtnak in pakhat le pakhat an i komh i hngalhnak hmaan nih a chuahpimi hnangamnak tampi kha an ngeihnak hnga ka duh caah a si. Cun annih nih Pathian biathli cu an hngalh lai i cu biathli cu Khrih kha a si ko.

Laibaibal Thiang (BSI)

² Pathian, Pa le Krih biathli hngalhnâk kongah an lungthin cu thazâng pêkmi a si i dawtnâk ah i funtom in a fekmi theihthiamnâk tling le rumnâk vialte kha an co khawh lai,

KOLOSE 2:2 ပူးပေါင်းရင်းမြစ်များ

1 SIANGPAHRANG 3:28

Cun Israel mi vialte nih siangpahrang biachahmi kha an theih i siangpahrang cu an khuaruah a har, zeicahtiah biading in biachah khawh awkah Pathian fimnak kha a chungah a um ti an hngalh.

SALM 133:1

Unau rual i rem tein khuasak ṭi hi zeitluk in dah a ṭhat i a nuamh!

ISAIAH 32:17

Mi kip nih a dingmi thil kha an tuah cio caah daihnak le himnak zungzal in a um lai.

ISAIAH 40:1

“Hnem tuah hna u, ka mi hna cu hnem tuah hna u,” tiah nan Pathian nih a ti.

ISAIAH 53:11

Fahnak a in hnuah lunglawmhnak a hmuh ṭhan lai, ka inmi cu pakpalawng a si lo, ti kha a hngalh lai. Amah cu a dingmi ka sal a si; mi tampi nih an in dingmi dantatnak cu a in lai i annih cu zumh awk tlak a simi ka mi ah a ser hna lai.

JEREMIAH 9:24

sihmanhsehlaw ahohmanh nih porhlawt a duh a si ahcun hi tu hi i porhlaw deuh seh: Keimah theih le hngalh hi. Zeicahtiah keimah cu Bawipa ka si i a dong lomi dawtnak kha ka pek hna i vawlei cungah hin biading le dinnak kha ka tuah; hi thil hna hi ka lunglawmhnak an si,” tiah Bawipa nih a ti.

MATTHAI 11:25

Khi caan ah khan Jesuh nih aa thawh i, “Maw ka Pa, van le vawlei a uktu. A fimmi le cathiammi hna sinin na thuhmi kha cathiam lomi hna sinah na langhter caah na cungah ka lawm.

MATTHAI 11:27

Ka Pa nih zeizong vialte kha ka kut chungah a ka pek dih. Pa dah ti lo nih cun ahohmanh nih Fapa kha an ka hngal lo i Fapa le an sinah a phuanmi hna dah ti lo nih cun ahohmanh nih Pa kha an hngal lo.

MATTHAI 13:11

Annih cu a leh hna i, “Vancung Pennak kong biathli hngalhnak cu nannih cu pek nan si cang, sihmanhsehlaw hi hna cu pek an si lo.

LUKA 1:1

Theofilas Bawipa, Mi tampi nih kan lak i thil a cangmi kong hi an thiam khawh chungin ṭial an rak i zuam cio.

JOHAN 10:30

Ka Pa le keimah cu pakhat kan si,” tiah a ti.

JOHAN 10:38

sihmanhsehlaw ka ṭuan a si ahcun, keimah nan ka zumh lo hmanh ah ka tuahmi tal hi nan zumh awk a si. Cun nannih nih ka Pa cu ka chungah a um i kei cu ka Pa chungah ka um kha nan hngalh lai,” tiah a ti.

JOHAN 16:15

Ka Pa ngeihmi vialte cu keimah ta an si ko, cucaah cun, ‘Thlarau nih cun ka pekmi cu aa lak lai i nannih cu an chimh hna lai,’ tiah ka rak in chimh hna kha a si,” a ti.

JOHAN 17:3

Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si.

JOHAN 5:17

Jesuh nih cun annih cu a thawh hna i, “Ka Pa cu rian a ṭuan zungzal i cucaah kei zong nih ka ṭuan ve awk a si,” tiah a ti.

JOHAN 5:23

cucaah mi vialte nih ka Pa cu an upat bantukin Fapa zong hi an ka upat ve lai. Fapa a ka upat lomi paoh nih cun a ka thlahtu ka Pa an upat lo kha a si.

JOHAN 6:69

Atu cu nangmah hi Pathian sinin a rami Mi Thiang na si kha kan zumh i kan hngalh cang,” tiah a ti.

LAMKALTU 4:32

Cun zumtu hna cu an bu ningte in an ruahnak le an lungthin aa khat dih. Ahohmanh nih an thil kha, keimah ta, an ti lo i an ngeihmi paoh kha an i hrawm dih.

ROM 15:13

Thiang Thlarau ṭhawnnak thawngin nan i ruahchannak cu a ṭhan lengmang nakhnga, ruahchannak hram Pathian nih cun, amah nan zumhnak thawngin lunglawmhnak le daihnak he in khahter ko hna seh.

ROM 16:25

Pathian cu sunparnak pe u sih. Ka chimmi Khrih kong Thawngṭha le kan hnulei chan tampi chung aa thupmi biathli kha phuan a sining in, Pathian nih cun nan zumhnak ah fek tein an dirter khawh hna lai.

ROM 2:4

A zaangfahnak a nganmi le a lungsaunak le a thinfualnak zong zeirello in um hlah. Pathian nih na cung i zaangfahnak a ngeih cu, i ngaichih seh ti aan duh caah a si ti cu na hngalh ko ṭung.

1 KORIN 14:31

Nan dihlak in cawnpiaknak le thazang ṭhawnnak kha nan hmuh khawh nakhnga Pathian bia cu aa chaang lengmang in nan dihlak in nan chim cio ko lai.

1 KORIN 2:12

Kannih kan hmuhmi thlarau cu hi vawlei thlarau hi a si lo, Pathian nih a kan pekmi vialte cu kan hngalh khawh nakhnga, Pathian nih a run thlahmi Thlarau cu kan hmuh cang.

GALATI 3:28

Cucaah Judah mi le Jentail mi, sal le luatmi, nu le pa karah zeihmanh thleidannak a um ti lo, Khrih Jesuh he nan i pehtlaihnak thawngin pakhat nan si dih cang.

EFESA 1:7

Khrih thihnak nih kannih cu a kan luatter, cucu kan sualnak kha ngaihthiam kan si tinak a si. Pathian vel cu a va lianngan hringhran dah.

EFESA 3:16

Nan chunglei minung sinak ah a ṭhawngmi nan si nakhnga le zumhnak thawngin Khrih cu nan lungthin chungah khua a sak nakhnga, cun a sunparnak ro bukbau chungin A Thlarau thawngin ṭhawnnak an pek hna nakhnga, Pathian cu ka nawl. Nan hrih nan hram cu dawtnak chungah fek tein nan bunh nakhnga le

EFESA 3:3

Pathian nih a thuhmi a khuakhannak cu ka sinah a phuan i a ka hngalhter. (Hi kong hi tawi tein nan sinah ka rak ṭial cang,

EFESA 6:22

Kan umtu ningcang kha theih nan duh ṭheo lai ka ti caah nan sin i ka rak thlah hi a si i amah bia nih cun lung ṭhawnnak an pek hna lai tiah ka zumh.

FILIPI 2:1

Khrih chung i nan nunnak nih khan an ṭhawnter hna maw? A dawtnak nih khan nan hna an ngamter hna maw? Thlarau he hawikomhnak nan ngei maw? Pakhat le pakhat nan i daw in nan i zaangfah maw?

FILIPI 3:8

Cu lawng cu an si lo, a dang vialte zong kha sungh cikcek ah ka rel hna, cu thil hna nakin a sung deuh tukmi ka Bawipa Khrih Jesuh hngalhnak ruangah cun sungh cikcek ah ka rel hna. Khrih cu ka co khawh nakhnga le amah he cun kan i pehtlaih khawh nakhnga, Amah ruangah cun zeizong vialte hi ka hlonh dih hna, an dihlak in hnawmtam ah ka rel hna.

KOLOSE 1:26

cu a bia cu, kan hnulei chan chung vialte Pathian nih a thuh i atu i a mi hna sin i a phuanmi hi a si.

KOLOSE 1:27

Pathian nih aa tinhmi cu, mi vialte caah si seh tiah a rak ruahmi biathli, a sunglawi i a lianngan ngaingaimi biathli, a mi hna sin i a phuanmi cu a si. Cu biathli cu, Khrih cu nan chungah a um i cucaah nannih cu Pathian sunparnak kha nan i hrawm lai, timi hi a si.

KOLOSE 1:9

Nan kong kan theih ri in nan caah thla kan cam lengmang. Pathian nih nannih cu amah hngalhnak le a Thlarau nih an pekmi hna fimnak le hngalhnak in in khahter hna seh tiah Pathian cu kan nawl.

KOLOSE 2:19

lu a simi Khrih i tlaih kha an ngol. Lu a simi Khrih sin khan pum nih cun cawmnak a hmuh i pum cu a hliahcang le a thahri hna nih khan an fun an ṭem i Pathian nih ṭhang seh ti a duhning khan a ṭhang.

KOLOSE 3:14

Cun hi thil vialte cungah hin dawtnak kha chap u law dawtnak cu zeizong vialte, i rem ṭhipṭhep tein a funtomtu cu a si.

KOLOSE 4:3

Cun Pathian nih a bia chimnak caan, Khrih biathli phuannak caan cu a kan pek nakhnga kannih ca zongah thla rak cam lengmang ve u. Atu thong i ka tlaknak chan hi cucu pei a si cu.

KOLOSE 4:8

Cucaah nannih cu kanmah kong kha chimh awk le nan lung in ṭhatter hna seh ti ka duh caah amah cu nan sinah ka rak thlah.

1THESALON 1:5

Thawngṭha kha nan sin kan phakpi tikah bia lawnglawng in si loin, ṭhawnnak le Thiang Thlarau le biatak a si fiang tein kan hngalhnak he khan a si. Nan sin kan um ah khan zeitindah kan umtuzia a si cu nan hngalh; nanmah ca ṭhatnak ding caah kha ti kan um kha a si.

1THESALON 3:2

Timote kha nan sinah rak thlah u sih kan ti. Amah cu Khrih kong Thawngṭha a chim vemi kan sin i rian a ṭuanmi a si.

1THESALON 5:14

U le nau hna, a tha a thumi kha chimhring hna u, a ral a chiami kha ralṭhatnak pe hna u, thazang a dermi kha bawm hna u, pakhat le pakhat lungsau thinfual in um u.

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

HEBRU 10:22

Cucaah cun lungthin tak le zumhnak fek he Pathian cu naih u sih. Sual aa phuhrungmi kan lungthin le kan pum kha ti thiang in i thianh u sih law amah cu naih u sih.

HEBRU 6:11

Nan i ruahchanmi cu a tlin nakhnga, bawmh duhnak lungthin nan ngeih tawnmi kha a dongh tiangin ngei cio ko u, ti kan in duh hna.

2 PETER 1:10

Cucaah cun ka u le ka nau hna, Pathian nih an thimnak hna le an kawhnak hna cu nan chungah fehter chinchin ko u; cu ti nan tuah ahcun nan tlu bal lai lo.

2 PETER 1:3

Pathian sunparnak le ṭhatnak i hrawm ve awkah a kan kotu kan hngalhnak thawngin Pathian ṭihzah in nun awkah kan herhmi thil vialte cu amah Pathian ṭhawnnak lila nih cun a kan pek.

2 PETER 3:18

Kan Bawipa le kan Khamhtu Jesuh Khrih vel le hngalhnak ah khan ṭhang ko u. Atu le zungzal tiang khin sunparnak cu amah ta si ko seh! Amen.

1JOHAN 3:19

Cucaah biatak zulmi kan si kan i hngalhnak ding cu hihi a si. Cun zeitindah Pathian hmaiah lungphanglo tein kan um cu hitihin a si;

1JOHAN 5:7

Tehte a khaangtu pathum an um: