KOLOSE 2:16 - Lai (Hakha) Common Language Bible 2006

¹⁶ Cucaah cun ahohmanh nih nan ei nan dinmi thil kong ah siseh, ni thiang le Thla Thar Puai le Sabbath kong ah siseh, phung in serpiak hna hlah seh.

Laibaibal Thiang (BSI)

¹⁶ Cuticun ei le din kongah siseh, thô kongah siseh, thlathar kongah siseh, sabbath kongah siseh ahohmanh nih bia in ceih hna hlah seh.

KOLOSE 2:16 ပူးပေါင်းရင်းမြစ်များ

2 SIANGPAHRANG 4:23

Cun anih nih, “Zeicahdah amah sinah cun nihin ah na kal lai? Thla thar zong a si lo i sabbath zong a si ṭung lo,” tiah a ti. Anih nih, “A ṭha ko lai,” tiah a ti.

1 CHANRELNAK 23:31

cun Bawipa sinah khangh thawinak hna kha sabbath ni ah siseh, thla thar ah siseh, puai ni ah siseh, cu zat in nan tuah awk a si tining khan Bawipa hmaiah pekchanh camcin a si fate annih nih cu bantuk ṭhiamṭhiam in an tuah lai.

2 CHANRELNAK 31:3

Siangpahrang nih amah ngeihmi chungin a thawhmi cu, Bawipa phungbia chungah aa ṭial bangin, zingfate le zanleifate tuahmi khanghthawinak, thla thar le sabbath le caan ngeimi puai hna i pekchanhmi saṭil kha an si.

NEHEMIAH 10:31

cun hi ram mi hna nih sabbath ni ah thilri siseh, rawl siseh, zuar awkah an ratpi ahcun kannih nih sabbath ni le nizarh ni ahcun kan caw hna lai lo; cun kum sarihnak kum theipar hna cu kan la hna lai lo i leiba ca biahrennak ca i hrenmi hna cu kan chuah dih hna lai.

NEHEMIAH 8:9

Cun ram uktu bawi a simi Nehemiah le tlangbawi le cazi a simi Ezra le mi zapi a cawnpiaktu hna Levi mi hna nih khan mi vialte cu an thawh hna i, “Nihin hi Bawipa, nan Pathian ca i ni thiang a si; nan ngaihchia hlah u; a ṭah zong ṭap hlah u,” an ti hna.

SALM 42:4

Hlanlio kong kha ka ruah tikah ka lung a leng; Pathian inn i mi zapi he kan rak kal i kan kal tikah keimah i ka rak hrui hna i Pathian thangṭhat in lunglawm le thanuam in hla kan rak sak i kan rak au kha ka ruah tikah ka lung a leng hringhran.

SALM 81:3

Thla thar caan le thla lai caan ah, kan puai ah tuu ki cu tum hna u.

ISAIAH 1:13

Man ngei lo nan ka pekchanhmi thil hi ka duh ti hna lo. Nan ka pekchanhmi zihmui rim hi ka luak a chuak. Nan Thla Thar Puai te hna, nan Sabbath te hna, nan biaknak pumhnak tehna hi a in in ka ing kho ti lo; nan sualnak nih a thutter dih cang hna.

EZEKIEL 4:14

Sihmanhsehlaw kei nih kaa thawh i, “Maw Bawipa Pathian, zeitikhmanh ah kaa thurhhnawmh bal lo, amah tein a thimi maw, sa nih a sehmi maw, zeitikhmanh ah ka ei bal lo; sa thurhnawm ka kaa chungah a lut bal lo,” tiah ka ti.

EZEKIEL 45:17

cun an bawi cu khangh thawinak caah khan le rawl thawinak caah khan le thlet thawinak caah khan, thla thar ah siseh, sabbath ah siseh, Israel mi nih an ulhmi puai caan paohpaoh ah siseh, amah cu a ruatkhangtu a si lai. Israel mi ca i remnak sernak caah a herhmi sual thawinak le rawl thawinak le khangh thawinak kha amah hrimhrim nih a thawh hna lai.

LEVITIKAS 16:31

Nannih caah dinh zirziarnak sabbath a si lai i nannih nih nan i temhinter lai; zungzal ca phung a si.

AMOS 8:5

nannih nih nan i thawh i, ‘Zeitik ah dah thla thar puai cu a dih lai i kan rawl cu kan zuar lai? Zeitik ah dah sabbath cu a dih lai i kan changvut kha zuar awkah kan chuah lai,’ nan ti. Cun ephah kha hmetter deuh u sih law shekel kha nganter deuh u sih; cun cuailung kha zanter deuh u sih;

NAMBAR 10:10

Nan i lawmh ni le a caan khiahmi nan puai hna le nan thla hramthawknak hna zongah nan khangh thawinak hna le nan daihnak pekchanhnak thawinak cungah muko cu nan tum hna lai; nan Pathian hmai i nannih cu theihhngalh an sitertu hna an si lai: keimah cu Bawipa nan Pathian ka si,” tiah a ti.

MATTHAI 15:11

Mi cu a kaa chung i a lutmi nih a thurter lo, sihmanhsehlaw a kaa chungin a chuakmi tu nih hin a thurter,” a ti hna.

MARKA 7:19

Zeicahtiah a lung chungah lut loin a paw chung tu ah a lut i a pum lengah a chuak ṭhan ko” tiah a ti hna. (Hitihin Jesuh nih a ti tikah hin rawl zeipaoh hi ei awkah aa tlakmi an si ko a ti duhnak a si).

LAMKALTU 15:20

Cu nakin kan tuah awk deuh a si tiah ka ruahmi cu, ca kan kuat hna lai i siasal sinah pekchanh ciami sa cu thurhnawmh cangmi sa a si caah ei nan i sum lai, nu le pa sualnak khan an i sum lai, hngawngdih sa ei nan i sum lai, zei thi hmanh ei nan i sum lai, tiah kan ti hna lai.

ROM 14:10

A si ahcun, nannih anhringso lawng a eimi nih zeicahdah nan unau hna cu nan soi kun hna? Cun nannih anhringso ei lo pawl zong nih zeicahdah nan unau cu nan zawmhtaih ve hna? Kan dihlak in Pathian hmaiah biaceih awkah kan chuak cio ko lai.

GALATI 4:10

Ni thiang khun, thla thiang khun, caan thiang khun, kum thiang khun ti ulh kha nan hmang.

KOLOSE 2:20

Khrih he nan thi ṭi cang, cucaah van le vawlei a uktu thlarau hna sin khan nan luat. Cucaah zeicahdah hi vawlei ta a simi nun bantukin nan nun?

HEBRU 13:9

Cawnpiaknak hmaan lo a phunphun kha a pingah i hruaiter hna hlah u. Pathian vel nih nan lung kha a ṭhawnter ahcun a ṭha, rawl kong phunglam zulh nih cun zeihmanh ṭhathnemnak a chuahpi lo; hi bantuk phunglam a zulmi hna cu an zulhmi phunglam nih khan zeihmanh a bawm hna lo.

HEBRU 9:10

Cu laksawng le raithawinak hna nih an tuah khawhmi cu rawl kong le din awk kongkau le i thianhnak phunglam a phunphun lawng kha an si. Hi thil vialte hi lenglei phunglam lawng an si i, Pathian nih zeizong vialte a remh ṭhan caan ca tiang lawng an si.

JEIM 4:11

Ka u le ka nau hna, pakhat le pakhat i soi hlah u. Ahohmanh a u a nau kha a soi i sual a phaw lengmangmi cu Nawlbia kha a soi i sual a phawmi a si. Nawlbia cu sual na phawt a si ahcun nang cu nawlbia a zulmi kha na si ti lo, Nawlbia sual a phawtu kha na si lehlam.

1 SAMUEL 20:18

Cun Jonathan nih amah sinah cun, “Thaizing hi thla thar kha a si i kan in hlam ko lai, zeicahtiah na ṭhutnak kha a lawng lai.

1 SAMUEL 20:5

David nih Jonathan cu, “Zohhmanh, thaizing cu thla thar a si i siangpahrang sin i cabuai i ṭhut kha ka tlolh awk a si lo; sihmanhsehlaw a ni thumnak zanlei tiangin lo lakah kaa thuhnak hnga ka kalter tuah.