KOLOSE 2:14 - Lai (Hakha) Common Language Bible 2006

¹⁴ Kan leiba ṭialnak ca cu a chung i a ummi upadi vialte hna he khan a hrawh dih cang i vailamtahnak cung i a khenhchihnak thawng khan kanmah dawntu si ti lo dingin a hlonh.

Laibaibal Thiang (BSI)

¹⁴ kan leiba ṭialnâk câ, nawlpêk in ṭialmi, a kan ralchantu le dawnkhântu kha a hrawh cang, cucu vailam ah khenhchih in lo diam a lâk cang.

KOLOSE 2:14 ပူးပေါင်းရင်းမြစ်များ

NEHEMIAH 4:5

Annih nih khua remhtu hna cu lang hngan in an thin an phawh hna caah an mawhnak cu khuhpiak hna hlah law an sualnak cu cazin chungin hlohpiak hna hlah.

ESTHER 3:12

Cun siangpahrang ca ṭialtu hna kha thla khatnak thla, a ni hleithum ni ah an auh hna i Haman nih a nawlngeihnak vialte kha hmang in, siangpahrang kut tang bawi hna le peng vialte a uktu bawi hna le mi vialte a uktu bawi hna sinah khan, an peng chung i an hmanmi ca cio in le an miphun nih an hmanmi holh cio in nawlbia pakhat an ṭial; Siangpahrang Ahasuerus min in ṭial a si i siangpahrang kutdong hrolh in khenh chih a si.

ESTHER 8:8

Cun Judah mi kong ah cun siangpahrang min in nan duh bantukin ca nan ṭial lai i siangpahrang kutdong hrolh in nan khenhchih lai; zeicahtiah siangpahrang min in ṭial i siangpahrang kutdong hrolh in khenh chihmi nawlbia cu let khawh a si ti lo,” tiah a ti.

SALM 51:1

Pathian, a fekmi na dawtnak ruangah ka cungah zaangfahnak ngei ko; na zaangfahnak a ngan caah ka sualnak cu ka thianhpiak ko hna.

SALM 51:9

Ka sualnak cu na mit chinhkanh ko hna law ka ṭhat lonak vialte cu ka hnawhpiak dih ko hna.

ISAIAH 43:25

“Asinain nan sualnak an hnawhpiaktu hna cu keimah ka si, keimah cu keimah ka si ruangah hi bantukin ka tuah cu a si; nan sualnak cu kan cinkenpiak hna lai lo.

ISAIAH 44:22

Nan sualnak cu khuadawm bantukin ka chem dih cang. Ka sinah ra kir u, nanmah an khamhtu hna cu keimah ka si,” a ti.

ISAIAH 57:14

Bawipa nih, “Ka mi cu ka sinah kirter hna u. An lam i dawntu a ummi vialte kha ṭhial dih hna u. Lam kha co u law sersiam u.

NAMBAR 5:23

“Cun tlangbawi nih hi chiatsernak bia hna cu cauk chungah a ṭial lai i khaatnak ti chungah khan a tlengh hna lai;

LUKA 1:6

An pahnih in Pathian hmaiah nuncan ṭha in a nung i Bawipa nawlbia vialte le phunglam vialte tlamtling tein a zulmi an si.

LAMKALTU 3:19

Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.

KOLOSE 2:20

Khrih he nan thi ṭi cang, cucaah van le vawlei a uktu thlarau hna sin khan nan luat. Cucaah zeicahdah hi vawlei ta a simi nun bantukin nan nun?

2 THESALON 2:7

Miṭhalo Pa ṭhawnnak cu a thli in rian a ṭuan lengmang cang, sihmanhsehlaw a khamtu kha ṭhial a si hlanah cun a chuak kho rih lai lo.

HEBRU 7:18

Cucaah phung hlun cu san a tlai lo i thil ti khawhnak a ngeih lo caah hlawt a si;

HEBRU 8:13

Pathian nih biakamnak thar kong a chim caah hin a hmasa deuh kha cu a hlun ah a cang i a hlunmi le a ṭetmi paoh cu an lo zau ko lai.

1 PETER 2:24

Khrih nih a pum hrimhrim in kan sualnak cu vailam tahnak ah khan a kalpi i cucaah kannih cu sualnak ah khan kan thi cang i dinnak ah kan nung cang. A hma in nan dam cang.