KOLOSE 1:16 - Lai (Hakha) Common Language Bible 2006

¹⁶ Pathian nih Khrih thawng cun van le vawlei i a ummi thil vialte kha a ser hna, hmuh khawhmi thil si hna seh, hmuh khawh lomi thil si hna seh, amah thawng cun a ser hna; cun nawlngeitu thlarau hna le uknak thlarau hna le ṭhawnnak thlarau hna zong kha amah thawng cun a ser hna. Pathian nih vanle vawlei hi a dihlak in Khrih thawng cun a ser hna i Khrih caah cun a ser hna.

Laibaibal Thiang (BSI)

¹⁶ Zeitintiah thil vialte, van i a ummi siseh, lei i a ummi siseh, hmuh khawhmi siseh, hmuh khawh lomi siseh, bawi ṭhutdan siseh, pennâk le nawlngeihnâk vialte hna hi Amah in ser an si. Zeizong vialte hi Amah thawng le Amah caah sermi an si;

KOLOSE 1:16 ပူးပေါင်းရင်းမြစ်များ

1 CHANRELNAK 29:11

Maw Bawipa, lianhngannak le ṭhawnnak le sunparnak le teinak le upatnak cu nangmah ta an si ko; zeitintiah vancung le vawlei cung i a ummi thil vialte cu nangmah ta an si dih; maw Bawipa, pennak cu nangmah ta a si i nangmah cu zeizong vialte cungah cungnung bik na si.

NEHEMIAH 9:6

Nangmah lawnglawng hi Bawipa cu na si; nangmah nih van cu na ser, a sang bik van cu a chung i a ummi thil vialte he na ser hna i vawlei le a cung i a ummi thil vialte zong hi na ser hna i rili le a chung i a ummi thil vialte zong hi na sermi an si dih. An dihlak hin nangmah nih na hmunhter hna i van i a ummi thil vialte nih khin nangmah cu an in biak.

PHUNGTHLÛKBIA 16:4

Bawipa nih zeizong vialte hi anmah ca i tinh ciomi caah khan a ser hna, miṭhalo hna hmanh hi, harnak ni caah a ser hna.

ISAIAH 43:21

Ka thimmi ka mi hna cu keimah ca i kaa sermi an si — anmah nih ka thangṭhatnak hla cu an sak hna lai,” a ti.

ISAIAH 44:24

“Keimah cu Bawipa, nanmah an sertu hna le an khamhtu hna ka si. Keimah cu zeizong vialte a sertu Bawipa ka si. Keimah lawnglawng nih van cu ka samh hna; vawlei ka rak ser ah hin ahohmanh nih an ka bawm lo.

JOHAN 1:10

Cu caan ah cun Bia cu vawlei ah hin a rak um ko. Amah thawngin Pathian nih vawlei hi a rak ser; sihmanhsehlaw vawlei nih khan amah cu a rak hngal lo.

JOHAN 1:3

Pathian nih zeizong vialte hi cu Bia thawng cun a ser hna i Bia thawng loin sermi zeihmanh an um lo.

ROM 11:36

Zeicahtiah zeizong vialte hi amah nih a sermi an si i zeizong vialte hi amah thawngin a ummi an si, amah caah an si dih. Pathian cungah sunparnak cu zungzal in um ko seh! Amen.

ROM 8:38

Zeicahtiah a kan dawtnak he cun zeihmanh nih a kan ṭhen kho lo ti kha fiang tein ka hngalh: thihnak nih siseh, nunnak nih siseh, vancung i a ummi vanmi nih si hna seh, uktu le ṭhawnnak nih si hna seh, atu caan nih siseh, hmailei caan nih siseh,

ROM 9:5

Hebru mi a kan hringsortu hna tefa kha an si, cun Khrih zong kha minung lei cun anmah phun a si. Zeizong vialte a uktu Pathian cu zungzal in thangṭhat si ko seh! Amen.

1 KORIN 8:6

sihmanhsehlaw kannih caah cun Pathian cu pakhat lawnglawng a um i amah cu kan Pa, zeizong vialte Sertu kha a si i kannih hi amah ca i a nungmi kan si; cun Bawipa cu pakhat lawnglawng a um i cucu Jesuh Khrih kha a si i amah thawng cun zeizong vialte kha ser an si i amah thawng cun kannih zong hi kan nung.

EFESA 1:10

Caan a cut tikah Pathian nih tlinter a timhmi cu hihi a si: van i a ummi thil vialte le vawlei i a ummi thil vialte kha hmunkhat ah a pumh dih hna lai i Khrih cu an lu ah a ser lai.

EFESA 6:12

Zeicahtiah kan dohmi hna cu minung kha si loin, vancung khua i a ummi thlarau sual ṭhawnnak hna le uktu hna le nawl ngeitu hna le hi a muimi chan lianhngannak hna hi an si.

DEUTERONOMI 4:39

cucaah, Bawipa cu vancung ah khin le vawlei cungah hin Pathian a si; a dang ahohmanh an um lo, ti kha nihin cu hngal u law, nan lungchung ah i cinken tuah u.

FILIPI 2:10

Cucaah Jesuh min upatnak caah cun vancung i a ummi vialte nih si hna seh, vawlei i a ummi vialte nih si hna seh, vawlei tang i a ummi vialte nih si hna seh, an khuk an i bil lai i

KOLOSE 1:15

Khrih cu hmuh khawh lomi Pathian mui a si. Khrih cu Pathian fater, sermi thil vialte hna nakin a cungnung deuhmi a si.

KOLOSE 1:20

Cucaah a Fapa thawng cun Pathian nih van le vawlei cu a dihlak in amah sin i kirter ṭhan kha a timh. Pathian nih a Fapa vailamtahnak cung i a thihnak thawng khan remnak a ser i cuticun van le vawlei i a ummi thil vialte kha amah sinah cun a kirpi ṭhan hna.

KOLOSE 2:10

amah he nan i pehtlaihnak thawngin nannih cu nunnak tlamtling kha pek nan si. Khrih cu thlarau uktu vialte le nawlngeitu vialte hna cung bawi a si.

KOLOSE 2:15

Cun vailam cungah khan Khrih nih thlarau uktu hna le nawlngeitu hna ṭhawnnak khan aa hlitphuak i zapi zoh awk men ah khan a ser hna i teinak in a kalnak ah khan sal tlaihmi bantukin a hruai hna.

HEBRU 1:2

Sihmanhsehlaw atu kan chan, chan hmanung bik a simi chan ah hin cun, kan sinah a Fapa in a bia cu a chim. Amah thawng cun Pathian nih van le vawlei vialte kha a ser hna i amah cu Pathian nih a donghnak i zeizong vialte uktu ding i a thimmi cu a si.

HEBRU 2:10

Zeizong vialte a ser i a zohkhenhtu Pathian nih, a sunparnak i fa tampi phakter awkah, Jesuh cu harnak innak in mi tling ah a ser cu aa tlakmi thil hrimhrim a si, zeicahtiah Jesuh cu khamhnak ah a phakpitu hna a si.

1 PETER 3:22

amah cu vancung ah a kai i Pathian orhlei kamah a um i vancungmi vialte le vancung nawl ngeihnak vialte le ṭhawnnak vialte kha a uk dih hna.