JONAH 4:9 - Lai (Hakha) Common Language Bible 2006

⁹ Sihmanhsehlaw Pathian nih a thawh i, “Umruang kong ah khan cu ti lawmmam cun maw na thin a hun ko?” tiah a ti. Cun anih nih, “Ka thin a hun tuk ah pei ka thih deng leh hi,” tiah a leh.

JONAH 4:9 ပူးပေါင်းရင်းမြစ်များ

1 SIANGPAHRANG 21:4

Cun Naboth nih Ahab cu, “Ka pupa hna ro cu kan pe lai lo,” tiah a sin i a timi bia ruangah khan, Ahab cu thinhung le hmaichia in a inn chungah a lut. Cun a ihkhun ah a it i khattelei kha a hoi i rawl ei kha a duh lo.

JOB 18:4

Nangmah nih cun, keimah hi ka hmaan, na ti; Hi na timi hi ahmaan taktak ti nakding caah, Vawlei hi chuahtak dih i lung hna hi an umnak hmun in ṭhial dih maw a herh lai?

JOB 36:18

Zu thawthaw kha a pingah i hruaiter hna hlah law Ziknawh kha na biakhiahnak kawiter hlah.

JOB 5:2

Asi taktak ko, thinhunnak nih mihrut kha a thah hna i Nahchuahnak nih lungthin tlawmmi kha a nawn hna.

JONAH 4:1

Hi kongah hin Jonah cu a lung a si hrimhrim lo i a thin a hung.

JONAH 4:10

Cun Bawipa nih a thawh i, “Hi umruang hi zan khat ah a hung kho i a thaizing ah a lo ṭhan; hi umruang kong ah hin na tuahmi thil zeihmanh a um lo, nangmah nih na khohtermi a si fawn lo. Sihmanhsehlaw na lung a fak.

JONAH 4:8

Cun ni a hung chuah tikah nichuahlei thli lin kha Pathian nih a hranter i Jonah cu ni nih a lukheng in a vun emh caah a thi dengmang. Cucaah thihnak caah khan thla a cam i, “Ka caah hin nun nakin thih a ṭha deuh,” a ti.

MATTHAI 26:38

Annih cu a thawh hna i, “Ka lungre a thei tuk hringhran i ka thi sual lai. Cucaah cun hika ah hin rak um u law hngilh lo tein rak ka hngak u,” tiah a ti hna.

2 KORIN 7:10

Pathian nih a hmanmi ngaihchiatnak nih cun khamhnak lei kalpitu lungthlennak a chuahpi i cu bantuk ngaihchiatnak cu i ngaihchih awk zeihmanh a um lo. Asinain vawlei cung phung ningin ngaihchiatnak kha kan in ahcun cu nih cun thihnak kha a chuahpi.

BIAPHUAN 9:6

Cu thla nga chung cu kha mi hna nih khan thih an i duh deuh lai, sihmanhsehlaw an thi kho ṭung lai lo; thih kha an i kawh lai, sihmanhsehlaw thihnak nih a zamtak ṭung hna lai.

BIACEIHTU 16:16

Cun ni khat hnu ni khat a bia in a rial lengmang i a lem lengmang tikah, a lungthin cu thih tiangin a ing a puang.