JONAH 4:3 - Lai (Hakha) Common Language Bible 2006

³ Cucaah cun atu cu ka that ko. Ka caah hin nun nakin thih a ṭha deuh,” tiah a ti.

JONAH 4:3 ပူးပေါင်းရင်းမြစ်များ

1 SIANGPAHRANG 19:4

Sihmanhsehlaw amah tu cu ramlak ah ni khat lamkal a kal i hmunphiah thingkung tangah a ra i a ṭhu; cun a thih nakhnga a hal i, “A za cang; atu cu maw Bawipa, ka nunnak kha la ko; zeitintiah ka pupa hna nakin ka ṭha hlei ṭung lo,” tiah a ti.

PHUNGCHIMTU 7:1

Min ṭha hi a sungmi zihmui nakin a ṭha deuh; thih ni hi hrin ni nakin a ṭha deuh.

PHUNGCHIMTU 7:9

Na thin i sum khawh kha i zuam, lungchung in mi uam peng hi hruh a si.

JEREMIAH 8:3

Hi miphun ṭhalo chungin a nungmi paohpaoh nih hin, ka ṭhawl hnanak hmun kip ah, nun nakin thih an duh deuh lai,” tiah Ralkapbu Bawipa nih a ti.

JONAH 4:4

Cun Bawipa nih cun a leh i, “Cu ti tluk i thinhun awk cu na si hnga maw?” tiah a ti.

JONAH 4:8

Cun ni a hung chuah tikah nichuahlei thli lin kha Pathian nih a hranter i Jonah cu ni nih a lukheng in a vun emh caah a thi dengmang. Cucaah thihnak caah khan thla a cam i, “Ka caah hin nun nakin thih a ṭha deuh,” a ti.

NAMBAR 11:15

Mahtihin na ka tuah ding a si ahcun, hmakhatte ah ka that ko, na mithmai ah velngeihnak ka hmuh a si ahcun, ka retheihnak kha ka hmuhter hlah,” tiah a ti.

NAMBAR 20:3

Cun mi nih Moses cu bia an chuah i, “Kan unau hna Bawipa hmai i an rak thih ah khan zeicahdik kan rak thih ve ko lo!

1 KORIN 9:15

Sihmanhsehlaw hi bantuk thil hi pakhat hmanh nan cungah ka hmang lo, hi ca kan kuat hna zong hi cu bantuk ka duh caah a si lo. A thih hmanh ka thi deuh hnga! Kaa porhlawt lenmi hi ahohmanh pakpalawng ah serter ka duh hna lo.