JONAH 3:8 - Lai (Hakha) Common Language Bible 2006

⁸ Nan dihlak in buri nan i aih lai i Pathian sinah biatak tein thla nan cam cio lai. Cun nan ziaza ṭhalo kha nan hlawt hna lai i zaang-ennak nan tuah lengmangmi kha nan hlawt hna lai.

JONAH 3:8 ပူးပေါင်းရင်းမြစ်များ

JOB 16:17

Sihmanhsehlaw ka kut nih zaang-ennak kha an tuah hna lo i Ka thlacamnak a thiang ko.

JOB 36:10

An hna chungah ralrinnak bia kha a pek hna i An ṭhat lonak lam khan kir ṭhan awkah a kawh hna.

ISAIAH 58:6

“Ka duhmi rawl ulhnak cu hihi a si: Hremnak cikcin kha chat hna u law dinlonak hngawngkual kha phoih hna u law hremmi kha luatter hna u.

JEREMIAH 18:11

Cucaah va kal law, Judah ram mi hna le Jerusalem mi hna cu, mah hihi Bawipa bia a si tiah va chim hna: Keimah cu umsertu ka si. Nan cung i a tlung dingah thil ṭhalo kha ka tim lio i nanmah dantatnak ding lam kha ka tuak lio. Lam ṭhalo nan zulhmi kha nan dihlak in kirtak cio u; nan ziaza le nan tuahnak kha i remh cio u, a ti.

JEREMIAH 25:5

Nannih nih lam ṭha lo nan zulhmi le thil ṭha lo nan tuahmi kha nan mertak ahcun, nan pupa hna sin le nanmah sinah Bawipa nih an pekmi ram ah hin zungzal in nan um lai;

JEREMIAH 26:3

Annih nih an hei ngaih phum in an lam ṭha lo cio khan an hei i mer phum ko hmanh hnga maw. Cu ti a si ahcun ṭhat lonak an tuah ruang i an cung i ṭhat lonak tuah ka timhmi kha kaa let ko hnga.

JEREMIAH 36:3

Judah mi hna nih hin an cung i ṭhat lonak tlunter ka timhmi hi an theih tikah an zulhmi lam ṭhalo hi an hei hlawt cio sual ko hmanh hnga maw; cu ti an tuah ahcun an ṭhat lonak le an sualnak cu ka ngaihthiam ko hna hnga,” a ti.

EZEKIEL 33:11

Cucaah annih cu, ‘Ka nun bangin ka chim, miṭhalo mi an thih cu ka duhmi a si lo. Miṭhalo mi nih an ziaza kha an ṭhinh i an nun kha ka duh deuh. Nan ziaza ṭhalo kha hlaw hna u, hlaw hna u; maw Israel mi hna, zeicahdah nan thih lai?’ a ti, tiah chim hna, a ka ti.

DANIEL 4:27

Cucaah lungthin kan cheuhmi hi ngai tuah, maw siangpahrang: mi sinah siannak tuahnak thawngin na sualnak kha i tlan law retheimi hna cung i ṭhatnak tuahnak khan na ṭhat lonak cu i tlan tuah, cuticun lungdaihnak saupi na hmuh lai,” tiah a ti.

JOEL 1:14

Rawl ulhnak kha thanh u law biaknak caah pumhnak pakhat au u, Hruaitu hna le Judah mi vialte hna kha Bawipa nan Pathian biakinn chungah pum hna u law amah sinah cun au tuah u.

JONAH 1:14

Cucaah Bawipa cu an auh i, “Maw Bawipa, hi mipa hi kan thihter ruangah kannih cu kan that hlah; zeicahtiah zeidah kan tuah awk a si kha a kan hmuhsaktu cu maw Bawipa nangmah na si,” tiah an ti.

JONAH 1:6

Lawng cawngtu hna haotu nih khan a hmuh i, “Naa hngilh hluahmah ko dah ngai! Tho law na pathian sinah thlacam ve hen, a hei kan zaangfah ahcun thi loin kan hei um phum ko hnga dah kaw,” tiah a ti.

MATTHAI 3:8

Nan sualnak nan i ngaihchihnak cu nan theitlai in langhter ngat u.

LAMKALTU 26:20

A hmasa bik ah Damaskas khua le Jerusalem khua ah, cun Judah mi hna umnak ram dihlak ah, cun Jentail mi hna sinah, ‘Nannih nih nan sualnak kha i ngaichih u law Pathian leiah khan i mer u law nan i ngaihchihnak a langhtertu thil kha tuah hna u,’ tiah ka ti.

LAMKALTU 3:19

Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.

BIAPHUAN 11:3

Ka tehte pahnih kha ka thlah hna lai, annih cu buri an i aih lai i ni thong khat le za hnih le sawm ruk chung Pathian bia kha an chim lai.