JONAH 3:4 - Lai (Hakha) Common Language Bible 2006

⁴ Jonah cu khuapi chungah cun a va lut i ni khat a kal hnuah khin, “Hi hnu ni sawm li chungah Nineveh hi a rawk lai!” tiah a au.

JONAH 3:4 ပူးပေါင်းရင်းမြစ်များ

2 SIANGPAHRANG 20:1

Khi caan ah Hezekiah cu a zaw i a thi dengmang. Cun Amoz fapa profet Isaiah kha a sinah a ra i, “Hi bangin Bawipa nih, ‘Na innchungkhar kha a ningcang tein chia tuah; zeicahtiah na thi ko lai, na dam ṭhan lai lo,’ tiah a ti.

2 SIANGPAHRANG 20:6

Cun na nunnak ah hin kum hleinga kan chap lai. Nangmah le hi khua cu Assiria siangpahrang kut chungin kan chuah hna lai i keimah ruang le ka sal David ruangah hi khua cu ka humhak lai,’ a ti tiah va chim,” tiah a ti.

ISAIAH 30:18

Asinain nan cungah a velngeihnak langhter duh ah Bawipa nih an hngah ko hna. Amah nih cun a dingmi thil kha a tuah zungzal caah nanmah zaangfah awk kha aa tim ko. Lunglawmhnak hi Bawipa i bochannak chungin a chuakmi a si.

JEREMIAH 42:10

Hi ram chungah hin nan um ko ahcun kan tunmer hna lai i kan ṭhetṭhiam hna lai lo, kan phun hna lai i kan phawi hna lai lo, zeicahtiah nan cung i ṭhat lonak ka tuahmi kha kaa ngaichih.

JONAH 3:10

Pathian nih an tuahmi kha a hmuh i an ziaza ṭhalo an hlawt kha a hmuh tikah aa ngaihchih i an cungah ka tlunter lai a timi ṭhat lonak kha a tlunter ṭhan lo.

MATTHAI 12:41

Biaceih Ni ah cun Nineveh khua mi hna kha, annih cu Jonah nih phung a chimh hna tikah an sualnak kha an i ngaihchih caah, an dir lai i sual an in phawt hna lai; hihi kan chimh hna: Jonah nakin a ngan deuhmi pei hika ah hin a um cu!

LUKA 11:30

Profet Jonah cu Nineveh khuami hna caah hmelchunhnak a rak si bantuk khan Mi Fapa zong hi tuchan mi hna caah hin hmelchunhnak a si ve lai.

LUKA 11:32

Biaceih Ni ah cun Nineveh khuami cu an dir lai i nannih kha sual an in phawt hna lai, zeicahtiah annih cu Jonah bia chimmi an theih tikah khan an ziaza an i thleng, asinain hika ah hin Jonah nakin a ngan deuhmi a um ko ṭung,” tiah a ti.

DEUTERONOMI 18:22

profet pakhatkhat nih Bawipa min in bia a chim tikah cu bia cu a tlin lo le a dik lo ahcun, cu bia cu Bawipa nih a chim lomi bia cu a si; profet nih amah duh in a chimmi a si, amah cu nan ṭih awk a si lo.