JONAH 3:10 - Lai (Hakha) Common Language Bible 2006

¹⁰ Pathian nih an tuahmi kha a hmuh i an ziaza ṭhalo an hlawt kha a hmuh tikah aa ngaihchih i an cungah ka tlunter lai a timi ṭhat lonak kha a tlunter ṭhan lo.

JONAH 3:10 ပူးပေါင်းရင်းမြစ်များ

1 CHANRELNAK 21:15

Cun Pathian nih vancungmi cu Jerusalem kha hrawh awkah a thlah; sihmanhsehlaw hrawh hnik a vun zalh ah khin Bawipa nih a hmuh i ṭhat lonak kha Bawipa cu aa ngaichih i hrawktu vancungmi sinah cun, “A za cang, na kut kha ṭhum cang,” tiah a ti. Cun Bawipa vancungmi cu Jebus mi Ornan phuhri pawngah khan a dir.

EXODUS 32:14

Cucaah Bawipa cu a lung aa thleng i ka tlunter lai a timi thil ṭhalo kha Israel mi cungah cun a tlunter ṭhan lo.

PHUNGTHLÛKBIA 28:13

A palhnak kha a thupmi cu khua-awng a tong lai lo, sihmanhsehlaw a phuang i a hlawmi nih cun zaangfahnak a hmuh lai.

ISAIAH 30:18

Asinain nan cungah a velngeihnak langhter duh ah Bawipa nih an hngah ko hna. Amah nih cun a dingmi thil kha a tuah zungzal caah nanmah zaangfah awk kha aa tim ko. Lunglawmhnak hi Bawipa i bochannak chungin a chuakmi a si.

JEREMIAH 18:7

Zeitik caan paoh ah, miphun pakhat khat si hna seh, ram pakhat khat si hna seh, ka phawi lai, ka ṭheh lai, ka hrawh lai, tiah ka tlerh ko hnga,

JEREMIAH 18:8

sihmanhsehlaw cu ka tlerhmi miphun nih cun a ṭhat lonak kha a mertak ahcun a cung i thil ṭhalo ka tuah lai ka timi kha a ṭhat deuhnak in ka ruah ṭhan lai.

JEREMIAH 36:3

Judah mi hna nih hin an cung i ṭhat lonak tlunter ka timhmi hi an theih tikah an zulhmi lam ṭhalo hi an hei hlawt cio sual ko hmanh hnga maw; cu ti an tuah ahcun an ṭhat lonak le an sualnak cu ka ngaihthiam ko hna hnga,” a ti.

JEREMIAH 42:10

Hi ram chungah hin nan um ko ahcun kan tunmer hna lai i kan ṭhetṭhiam hna lai lo, kan phun hna lai i kan phawi hna lai lo, zeicahtiah nan cung i ṭhat lonak ka tuahmi kha kaa ngaichih.

JOEL 2:13

Nan puan si loin nan lung tu kha thlek tuah u,” tiah Bawipa nih a ti. Bawipa nan Pathian sinah cun ra kir ṭhan tuah u, Amah cu zaangfahnak le vel a ngeimi a si; Amah cu a thin a fual i a biakamnak kha a zulmi a si; Ka tlunter lai tiah a timi harnak kha leet i ngaihthiam awk tu ah aa tim zungzalmi a si.

AMOS 7:3

Cun Bawipa nih cun a bia cu a let i, “Hihi cu a tlung ṭhan kun lai lo,” tiah a ti.

AMOS 7:6

Bawipa nih cun a bia cu a let i, “Hi zong hi a tlung ṭhan kun lai lo,” tiah a ti.

JONAH 4:11

Cucaah cun hi Nineveh khua, a chung i keh le orh hmanh a hngal rih lomi ngakchia sing khat le sang hnih an umnak le saṭil rel cawk lo an umnak hi, zaangfah loin ka um awk a si hnga maw?” tiah a ti.

JONAH 4:2

Cucaah Bawipa sinah cun thla a cam i, “Maw Bawipa, ka ram chung i ka um liote khan, mah hite hi pei na tuah te ṭheo lai tiah ka rak phanmi kha a si cu; cucaah cun pei Tarshish khua lei i ka rak zam kha a si cu! Nangmah cu vel a ngei i zaangfah a hmang i thin a fual i lung a sau i chiatnak ka tlunter lai na timi kha tlunter ṭhan lo awkah a lung a thleng ṭhan tawnmi Pathian na si kha ka hngalh.

LUKA 11:32

Biaceih Ni ah cun Nineveh khuami cu an dir lai i nannih kha sual an in phawt hna lai, zeicahtiah annih cu Jonah bia chimmi an theih tikah khan an ziaza an i thleng, asinain hika ah hin Jonah nakin a ngan deuhmi a um ko ṭung,” tiah a ti.

LUKA 15:20

Cucaah a tho i a pa sinlei kir ah cun aa thawh. “Lamhlatpi i a rat lio kha a pa nih cun a rak hmuh; a zaang a fak ngaingai i a hei tlikhnawh i a kuh i a hnamh.