JONAH 2:6 - Lai (Hakha) Common Language Bible 2006

⁶ Tlang hna kehram hrimhrim kha ka vung phan, A kutka aa hrenh zungzalmi ram kha ka vung phan; Sihmanhsehlaw Maw Bawipa, ka Pathian, a thukmi hmun chung khan nangmah nih na ka chuah.

JONAH 2:6 ပူးပေါင်းရင်းမြစ်များ

JOB 33:24

A thi khomi minung cu a co awk hnga kha petu ding a um ahcun, ‘Leet ṭhan ko, Khor chungah cun vun kalter hlah, A tlanhnak man cu ka hmuh cang,’ a titu a um ahcun,

JOB 33:28

Khor chung i vung kalnak khan aa khamh i a nung i ceunak kha a hmu.

SALM 104:6

Vawleicung cu rili in puan bangin na khuh i a tlang cu ti nih a khuh hna;

SALM 104:8

Tlang cung khan nelrawn ah an vung luang i an ca i na sermi hmun ah khan an um;

SALM 116:3

Thihnak nih a hri in a ka ṭem, Sheol nih a kut in a ka khimh. Ṭihnak le lung retheihnak in ka khat.

SALM 143:7

Bawipa, atu ah ka let ko sawh, ruahchannak zeihmanh ka ngei ti lo! Ka thuh tak hlah, na ka thuh tak ahcun mithi khua i a vung kalmi bantuk ka si ko lai.

SALM 16:10

Cu ti ka si cu Mithi khua ah khan na ka kaltak lai lo le na dawtmi cu Khor Thuk chungah na ka chiahtak lai lo caah a si.

SALM 18:5

Thihnak nih a hri in a ka ṭem, thlan nih a rap kha a ka chiahhnawh.

SALM 30:3

Mithikhua in na ka kirter ṭhan. Khor Thukpi chung i a vung kalmi hna sinah kaa tel ve nain, ka nunnak cu na ka pek ṭhan.

SALM 30:9

Ka thihnak cun zei ṭhatnak dah a chuak lai? Thlan i ka va kalnak cun zei miaknak dah a chuak lai? Mithi nih an in thangṭhat khawh maw? A dong lomi na ṭhatnak cu an chim khawh maw?

SALM 55:23

Sihmanhsehlaw Bawipa, nangmah nih lainawng mi hna le lihchim mi hna cu vawlei tang khor thukpi ah khin an chan ṭim hlanah na thlak hna lai. Kei tu nih cun nangmah kha kan bochan lai.

SALM 65:6

Na ṭhawnnak in tlang pipi hna cu an umnak hmun ah khan na umter hna i a ṭhawngmi na lianhngannak cu na langhter.

SALM 69:2

A thukmi nawncek chungah ka pil cuahmah i lamh awk a fekmi hmun a um lo. A thuhnak hmun ka phan cang i tilet nih an ka phum dengmang cang.

ISAIAH 38:10

Ka nunnak hi chantling tein nun thlu loin Ka chan lailing ah mithi khua ah ka kal rua lai tiah ka rak ruah.

ISAIAH 38:17

Ka chungvanghnak cu daihnak ah a cang lai. Nangmah nih ka nunnak cu ṭihnung chungin na khamh, ka sualnak vialte kha na ka ngaihthiam.

ISAIAH 40:12

Aho tal nih rilipi ti khi a zapei kuar in a tah kho maw? van khi tah a khap in a tah khotu aho tal an um maw? Vawlei hi tah aho nih dah hrai pakhat chungah a vawlei a khumh dih khawh? Asiloah, fing le tlang vialte hna hi aho nih dah cuaithlainak in a thlai khawh hna?

EZEKIEL 26:20

khor thukpi chungah a kalmi hna sinah khan kan nam chih lai i hlan lio pi in a thi lengmangmi hna sinah khan kan thlak lai. Vawlei tangah, zungzal in a kingmi hmun ah cun kan umter lai, khor thukpi chung i a vung kalmi hna sinah cun kan umter ve lai. Cucaah zeitikhmanh ah na chungah mi an um ṭhan ti lai lo i a nungmi hna ram chung zongah khan naa tel ti lai lo.

EZEKIEL 31:14

Cucaah ti ṭha tein a hmumi thingkung vialte hna cu cu tlukin an sang bal ti lai lo i kha thingkung tluk khan thingkung dang cungah an zik a fong ti lai lo. An lak i a ṭhawng bikbik hna zong, ti ṭha tein a hmumi si ko hna hmanh seh law, ding thlerthlur in an dir kho ti lai lo, zeicahtiah an dihlak in thihnak ah chanh an si cang, vawlei tang hmun i kal awkah khiah an si cang i cuka ah cun mi vialte co ciomi kha an co ve lai i khor chungah cun an tla ve ko lai.

HABAKKUK 3:10

Tlang nih an in hmuh tikah an i ngerh cukmak, Tilian hna cu an luang hluahmah; a thukmi rili hna cu an awn.

HABAKKUK 3:6

A dir tikah vawlei kha aa hnin, a zoh hna tikah miphun kha an ther; Zungzal in a hmunmi tlang hna cu an i cheu i zungzal in a hmunmi fing hna cu an cim;

MATTHAI 16:18

Cucaah cun nang cu lung tum, Peter, na si, kan ti. Cun hi lungpi cungah hin ka Khrihfabu hram ka bunh lai i cucu thihnak hmanh nih a tei kho lai lo.

DEUTERONOMI 32:22

Zeitintiah ka thinhunnak nih mei a kau i Sheol tawne tiang a kangh, Vawlei le a chungchuak a liah hna i Tlang hram kha a kangh hna.