JONAH 1:5 - Lai (Hakha) Common Language Bible 2006

⁵ Lawng cawngtu pawl cu an thin a phang i an pathian sin cio ah khan bawmhnak hal awkah an au. Cun lawng kha zaanter deuh awkah thil kha an hlonh hna, sihmanhsehlaw Jonah tu cu tilawng chung a ken khat ah khan a vung kal i a it i aa hngilh ziar ko.

JONAH 1:5 ပူးပေါင်းရင်းမြစ်များ

1 SIANGPAHRANG 18:26

Cun annih nih an pekmi hna cawtum cu an i lak i an can i Baal min cu zingka in chun tiang an auh i, “Maw Baal, kan let tuah!” tiah an ti. Sihmanhsehlaw zei aw hmanh a um lo i zeihmanh nih a let hna lo. Cun an sermi biakṭheng a velchum ah cun heh tiah an i hlok.

JOB 2:4

Khi tikah Satan nih Bawipa cu a leh i, “Cuar caah cuar! Mi nih cun a ngeihmi vialte cu a nunnak caah cun a sian ko lai ta.

SALM 107:25

Nawl a pek i thlichia a hrang i tilet a tho.

SALM 148:8

Nimtlau le rial, hawhra le khuadawm, a nawl a ngaimi thlichia, nannih nih Bawipa cu thangṭhat ko u!

PHUNGCHIMTU 3:6

Kawl caan a um, thlau caan a um; chiah caan a um, hlonh caan a um;

ISAIAH 45:20

Bawipa nih aa thawh i, “Miphun kip chung mi hna, hmunkhat ah i pum tuah u; rampi a rawk hnuah a nung rihmi hna, nan bia ceih awkah chuak tuah u. Thing siasal put in aa pummi hna le anmah a khamh kho lomi pathian sinah thla a cammi cu, zeihmanh a hngal lomi an si.

JEREMIAH 2:28

Nan ca i nan i sermi nan pathian hna cu khuazei ah dah an si kun? An in khamh khawh hna ahcun, harnak nan ton ni ah cun tho hna ngat seh; Zeicahtiah, maw Judah, na khua le na pathian an i zat.

HOSEA 7:14

Ka sin i thla an cammi hi lungtak in an si lo; An ihkhun cungah khan an kiao an ai men i a si ko, Rawl le mitsur hang thar caah khan nam in an i at, Sihmanhsehlaw keimah kha an ka doh.

JONAH 1:14

Cucaah Bawipa cu an auh i, “Maw Bawipa, hi mipa hi kan thihter ruangah kannih cu kan that hlah; zeicahtiah zeidah kan tuah awk a si kha a kan hmuhsaktu cu maw Bawipa nangmah na si,” tiah an ti.

JONAH 1:16

Cucaah Bawipa cu lawngcawng pawl nih cun an ṭih i raithawinak kha an pekchanh i a sinah biakamnak kha an tuah.

JONAH 1:6

Lawng cawngtu hna haotu nih khan a hmuh i, “Naa hngilh hluahmah ko dah ngai! Tho law na pathian sinah thlacam ve hen, a hei kan zaangfah ahcun thi loin kan hei um phum ko hnga dah kaw,” tiah a ti.

MATTHAI 25:5

Nupi ṭhi tlangval cu a rauh caah ngaknu hna cu an ngu i an i hngilh.

MATTHAI 26:43

A zultu hna sinah khan a ra kir ṭhan i an rak i hngilh ṭhan; an mit a au in an au kho lo.

MATTHAI 26:45

Cun a zultu hna sinah khan a ra kir ṭhan i, “Nan i hngilh i nan i din ko rih maw? Zohhmanh u, Mi Fapa cu misual mi hna kut chung i chanhnak caan kha a phan cang.

LAMKALTU 27:38

An dihlak in khim tein an ei dih hnuah lawng kha zaang deuh seh tiah changvut kha rili ah an thlak.

BIACEIHTU 16:19

A phei chungah a ihter i mipa pakhat a auh i a lu cung i a sam phiar sarih cu a mehter. Cun hrem hram kha a thawk i a thazang nih khan a kaltak cang.

1 SAMUEL 24:3

Cun lam pawng i tuu kiam hna cu a hei phan i cuka ah cun lungkua pakhat a rak um i Saul cu zun awkah a va lut. David le a mi hna cu lungkua a chung bik ah cun an ṭhu ko.