JONAH 1:4 - Lai (Hakha) Common Language Bible 2006

⁴ Sihmanhsehlaw Bawipa nih thlichia a hranter cimmam i rili tilet cu a san tuk caah lawng cu kuai dih hnik aa zal.

JONAH 1:4 ပူးပေါင်းရင်းမြစ်များ

SALM 135:6

Vancung ah siseh, vawlei cungah siseh, rili chungah siseh, rili tangah siseh, a duhmi paoh kha a tuah ko.

SALM 135:7

Vanhramdeng in khuadawm kha a ratpi hna, thlichia chungin ṭek kha a chuahter i a thil khonnak inn chungin thli kha a chuahter.

SALM 148:8

Nimtlau le rial, hawhra le khuadawm, a nawl a ngaimi thlichia, nannih nih Bawipa cu thangṭhat ko u!

EXODUS 10:13

Cun Moses nih a ṭhiangṭhunh cu a hler i Bawipa nih nichuahlei in thli kha cu ram cungah cun chun nitlak le zan khuadei a hranter. Zinglei ah cun khaubawk kha thli nih cun a chuahpi hna.

EXODUS 10:19

Bawipa nih thlitu cu nitlaklei kap in ṭhawng ngaiin a hranter i khaubawk cu a choih hna i Rili Sen ah khan a thlak dih hna. Izipt ram chung a dihlak ah khaubawk pakhat hmanh an tang lo.

EXODUS 14:21

Moses nih rili cungah khan a kut a hler i zan khuadei a ṭhawngmi nichuahlei thli kha a hrang i cu thli nih cun rili cu a nam i vawlei ro ah a canter. Ti cu aa ṭhen i

EXODUS 15:10

Sihmanhsehlaw na thaw voi khat na chuah i rili nih a khuh hna; ṭih a nungmi ti chungah khan suan bantukin an tla.

JEREMIAH 51:16

Nawl a pek hna bangin vancung i ti khi an awn, Vanhramdeng in minmei kha a thawhter. Ruah chungah cun nimtlau a lekter hna i A thilkhonnak chungin thli kha a chuahter hna.

AMOS 4:13

Khuari le thlitu a sertu, Vawlei cungah ruah tampi a surtertu, Zinglei khuaceu kha minmei chah piin a hup i Vawlei cung a sannak hmun i aa chawkmi cu amah kha a si — A min cu Bawipa, Ralkapbu Pathian a si.

NAMBAR 11:31

Cun Bawipa sinin thli a hrang i rili in nimte kha a ratpi hna i riahhmun pawngah cun a tlakter hna, hika leiah ni khat kal tluk, khika lei ah ni khat kal tluk, riahhmun cu a velchum in, vawlei ah dong hnih tluk chah in a tlakter hna.