JONAH 1:12 - Lai (Hakha) Common Language Bible 2006

¹² Cun annih cu a thawh hna i, “Ka tlai u law ka hlonh u law, rili cu a dai ko lai. Hi thlichia nih an cil hna hi keimah ruangah a si ti kha ka hngalh,” tiah a ti.

JONAH 1:12 ပူးပေါင်းရင်းမြစ်များ

2 SAMUEL 24:17

Cun mi a that lentu vancungmi kha a hmuh tikah David nih Bawipa sinah bia a chim i, “Zohhmanh, ka sual cang i ṭhalo ngaiin ka tuah cang; sihmanhsehlaw hi tuu hna nih hin zeidah an tuah? Na kut cu keimah le ka pa innchungkhar cungah si ko seh, tiah kan nawl,” tiah a ti.

1 CHANRELNAK 21:17

Cun David nih Pathian sinah. “Mi kha va rel hna u, tiah nawl petu cu keimah ka si lo mei? Sualnak a tuah i ṭhalo ngaiin a tuahtu cu keimah ka si. Sihmanhsehlaw hi tuu hna nih hin zeidah an tuah? Maw Bawipa, ka Pathian, na kut cu keimah le ka pa innchungkhar cungah si ko seh, rai cu na mi hna cungah tlung sawh hlah seh, tiah kan nawl,” tiah a ti.

JOB 35:8

Na ṭhat lonak nih cun nangmah bantuk mi lawng hi pei a tongh khawh ko hna cu, Na dinnak zong nih mi fapa hna lawng hi pei a ṭhathnem khawh ko hna cu.

PHUNGCHIMTU 9:18

Ral hriamnam nakin fimnak nih tam deuh a tuah khawh, sihmanhsehlaw palhnak pakhat nih ṭhatnak tampi kha a hrawh khawh.

JONAH 1:11

Thlichia cu a fak chin lengmang i cucaah lawngcawng pawl nih cun an thawh i “Rili hi a daih nakhnga, zeitindah kan in tuah lai?” an ti.

JONAH 1:13

Lawngcawng pawl nih khan lawng cu tikam i chuahpi awkah fak piin an zah, sihmanhsehlaw thlichia cu a fah chin lengmang caah an tuah kho lo.

JOHAN 11:50

Kan miphun hi a ningpi i hrawh nakin kan miphun ca i pakhat thih cu a ṭha deuh ti kha nan hngal lo maw?” tiah a ti hna.

LAMKALTU 27:24

‘Paul, na thinphang hlah. Siangpahrang hmaika ah cun na dir ṭhiamṭhiam ko lai; cun Pathian nih amah ṭhatnak thawngin nangmah sinah a kalmi vialte an nunnak hi nangmah kha an pek,’ a ka ti.

JOSHUA 7:12

Cucaah Israel mi nih an ral hna hmaiah an dir kho lo; annih cu hrawh awk thil ah khan an i can caah an ral hna hmaiah an zaam. Nan lak in pekchanhmi thil kha nan hrawh lo ahcun nan sinah ka um ti lai lo.