JOHAN 9:39 - Lai (Hakha) Common Language Bible 2006

³⁹ Jesuh nih cun, “Hi vawlei cung i ka run hi, mitcawmi nih khua an hmuh i khuahmumi cu mitcaw ah an i can nakhnga, biathlehnak tuah awkah a si,” tiah a ti.

Laibaibal Thiang (BSI)

³⁹ Jesuh nih, “Hi vawlei ah hin biaceih dingah ka ra, mitcaw hna an mit a deinâk hnga le, mit deimi hna, an mit a cawt nâkhnga,” tiah a ti.

JOHAN 9:39 ပူးပေါင်းရင်းမြစ်များ

ISAIAH 29:10

Bawipa nih an ngutter hna i thu hluahmah in nan i hngilh dengmang cang. Profet cu nan mit an si awk a si, sihmanhsehlaw Pathian nih cu nan mit cu an mit a huh hna.

ISAIAH 44:18

Cu bantuk mi cu an hrut tuk, kan tuahmi kha zei a si ti awk an hngal lo. Biatak hngalh kha an duh lo, an mit an chinhkanh i an lungthin an kharkanh.

ISAIAH 6:9

Cucaah a ka thawh i, “Va kal law hi mi hna hi hi bia hi va chim hna: ‘Ngai lengmang hmanh u law a sullam cu nan hngal bal lai lo. Zoh lengmang hmanh u law a um lio lengmangmi hi zei thil dah a si ti kha nan hngal bal lai lo,’ va ti hna,” a ti.

EZEKIEL 12:2

“Mipa, na umnak mi hi ralthawh hmangmi an si. Mit an ngei nain khua an hmu lai lo i hna an ngei nain khua an thei lai lo, zeicahtiah mi dohhmang an si.

MATTHAI 11:5

mitcaw nih khua an hmuhnak le kebei an kal khawhnak le mithinghmui an thiannak le hnachet nih khua an theihnak le mithi thawhṭhan an sinak le misifak mi hna sinah Thawngṭha chim a sinak hi va chim ko u.

MATTHAI 15:14

Annih cu nan hna i hnawh hna hlah u. Hruaitu mitcaw an si ko; mitcaw nih mitcaw kha a hruai ahcun an pahnih in khor ah an tla tawn,” tiah a ti.

MATTHAI 6:23

sihmanhsehlaw nan mit kha a ṭhat lo ahcun, nan pum cu muihnak chungah a um lai. Cucaah nan chung i a ummi ceunak cu muihnak a si sual ahcun, cu muihnak cu a fak ngaingaimi muihnak a si lai.

LUKA 1:79

Thihnak thladem mui lak i a ummi hna kha vancung in a vun ceuh hna lai; Kannih cu daihnak lam ah a kan hruai lai,” tiah a ti.

LUKA 13:30

Cu tikah cun atu i a hmanung bik hi a hmasa bik an si lai i atu i a hmasa bik hi a hmanung bik an si lai,” tiah a ti.

LUKA 2:34

Simeon nih cun thluachuahnak a pek hna i a nu Mary kha a thawh i, “Hi ngakchia cu Pathian nih Israel mi lakah mi tampi an rawk nakhnga le khamh an si nakhnga caah a thimmi a si. Amah hi Pathian sinin a rami hmelchunhnak, mi tampi nih an doh laimi a si i

LUKA 4:18

“Bawipa Thlarau cu ka cungah a um. Sifakmi hna sin i Thawngṭha chim awkah chiti a ka thuh i Saltangmi hna sin i luatnak thanh awkah a ka thlah. Mitcaw mi hna sin i khuahmuh ṭhannak pek awk le Hremmi hna luatter dingah a ka thlah,

LUKA 7:21

Cu caan lio thengte ah cun Jesuh nih mi tampi kha an zawtnak le an nganfahnak, thlarau ṭhalo nih a tuah hnanak khan a damter hna i mitcaw tampi kha khua a hmuhter hna.

JOHAN 12:31

Atu cu vawlei hi a biaceih caan a si cang; atu cu hi vawlei uktu hi tei a si cang lai.

JOHAN 12:46

Hi vawlei cungah ceunak bantukin ka ratnak cu a ka zummi paoh kha khuamui chungah an um peng nakhnga lo caah a si.

JOHAN 3:17

Zeicah ti ahcun Pathian nih a Fapa cu vawlei cungah hin vawlei biaceihtu si awkah a run thlah ṭung lo, vawlei khamhtu si awkah pei a run thlah cu.

JOHAN 3:19

Biaceihning cu hitihin a si: ceunak cu vawlei cung hi a rung phan ko cang, sihmanhsehlaw mi nih thil ṭhalo kha an tuah caah ceunak nakcun muihnak tu kha an duh deuh.

JOHAN 8:12

Jesuh nih annih cu a thawh ṭhan hna i, “Kei cu vawlei ceunak ka si. Keimah a ka zummi paoh cu nunnak ceunak kha an ngei lai i mui lakah an vai lai lo,” tiah a ti.

JOHAN 8:15

Nannih nih cun minung phungning lawnglawng in biakhiahnak nan tuah, kei tu nih cun aho cung hmanh ah biakhiahnak ka tuah lo.

JOHAN 9:25

Mipa nih cun, “Misual a si le si lo cu ka hngal lo. Ka hngalhmi cu hi bel hi a si ko: hlanah cun ka mit a rak caw, atu cu khua ka hmu kho,” tiah a leh hna.

LAMKALTU 26:18

Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

2 KORIN 2:16

A tlau lio lengmangmi hna caah cun thihnak rimchia a si i khamh a si lio lengmangmi hna caah cun nunnak petu rimhmui a si. Cu bantuk rian cu aho nih dah a tuah khawh lai?

EFESA 5:14

Fiang tein langhtermi cu ceunak ah cun an i cang. Cucaah, “Aa hngilhmi i hlau tuah, thihnak in tho tuah, Cun Khrih cu na cungah a ceu lai,” an ti kha a si taktak.

2 THESALON 2:10

a rawk dingmi hna cungah cun hlennak a phunphun kha a hman lai. Cu hna cu an rawk lai, zeicahtiah khamhnak an hmuh nakhnga ding ca i biatak kha an rak cohlang duh lo.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

1JOHAN 2:11

Sihmanhsehlaw a unau a huami cu muihnak chungah a um i muihnak nih cun a mit a cawtter caah cuka chung i aa chawh ah khuazei ah ka kal ti awk hmanh a hngal lo.