JOHAN 9:35 - Lai (Hakha) Common Language Bible 2006

³⁵ Jesuh nih an ṭhawl kha a theih. Amah cu a va hmuh i, “Mi Fapa cu na zum maw?” tiah a ti.

Laibaibal Thiang (BSI)

³⁵ An ṭhawl ti kha Jesuh nih a hngalh tikah a kawl i, “Pathian Fapa na zum maw?” tiah a ti.

JOHAN 9:35 ပူးပေါင်းရင်းမြစ်များ

SALM 2:12

a hmaiah kun tuah u. Cu ti a si lo ahcun, a thinhunnak kha khulrang in a alhmi a si caah, a thin a hung lai i nan thi sual lai. Amah chungah aa dormi cu thluachuakmi an si.

SALM 2:7

“Bawipa nih a chimmi cu ka thanh lai,” tiah siangpahrang nih a ti. Cu a chimmi cu hihi a si: “Bawipa nih a ka thawh i, ‘Nangmah cu ka fapa na si, nihin ni ah hin kan hrin.

SALM 27:10

Ka nu le ka pa hmanh nih khin hei ka hlaw hna seh law, Bawipa nih cun a ka zohkhenh ṭhiamṭhiam ko lai.

MATTHAI 14:33

Lawng chung i a ummi a zultu hna nih khan Jesuh cu an biak i, “Nangmah cu Pathian Fapa na si hrimhrim,” tiah an ti.

MATTHAI 16:16

Simon Peter nih a leh i, “A Nungmi Pathian Fapa, Messiah kha na si,” tiah a ti.

MATTHAI 4:3

Khuachia cu a sinah a ra i, “Nangmah cu Pathian Fapa na si ahcun, hi lung hi changreu ah canter hna ngat,” tiah a ti.

MARKA 1:1

Pathian Fapa Jesuh Khrih kong Thawngṭha cu hitihin aa thawkning a si.

JOHAN 1:18

Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa ṭang chung i aa pommi kha a si.

JOHAN 1:34

Cucu keimah hrimhrim nih ka hmuh i tehte ka khaan. Amah hi Pathian Fapa cu a si ko,” tiah a ti.

JOHAN 10:36

Pa nih a thim i vawlei ah a run thlahmi keimah nih, ‘Pathian Fapa ka si,’ ka ti ruangah Pathian na serhsat tiah zeitindah nan ka ti khawh?

JOHAN 11:27

Martha nih, “Asi, ka zumh, Bawipa nangmah cu Pathian Fapa Messiah, vawlei cung i a rung ding cu na si ti kha ka zumh,” tiah a leh.

JOHAN 20:28

Thomas nih cun, “Ka Bawipa le ka Pathian,” tiah a ti.

JOHAN 20:31

Hi thil lianngan a tuahmi hna ka ṭialnak chan cu, nannih nih Jesuh cu Messiah, Pathian Fapa a si ti kha nan zumh i cu nan zumhnak thawngin amah min in nunnak nan hmuh nakhnga caah a si.

JOHAN 3:36

Fapa a zummi paoh cu zungzal nunnak an ngei, Fapa nawl a ngai lomi paoh cu nunnak an ngei bal lai lo i Pathian thinhunnak cu an cungah a um zungzal ko lai.

JOHAN 5:14

A hnuah khin Jesuh nih cu pa cu biakinn ah khan a hmuh i, “Zohhmanh, atu cu na dam cang. Na sualnak kha ngol hna, cu lo ahcun hi nak ṭhalo deuh nih an tlak sual lai,” tiah a ti.

JOHAN 6:69

Atu cu nangmah hi Pathian sinin a rami Mi Thiang na si kha kan zumh i kan hngalh cang,” tiah a ti.

JOHAN 9:22

Cu bantukin a nu le a pa nih an chim cu zeicahdah a si ti ahcun, Judah upa hna nih khan Jesuh cu Messiah a si tiah a titu paoh cu pumhnak inn khan kan chuah hna lai tiah hnatlaknak an rak tuah cang i cu hna cu an ṭih hna caah a si.

JOHAN 9:34

“A nangmah sual in hrin i sual in cawmmi nih hin maw kanmah cu cawnpiak na hei kan timh,” tiah an ti i pumhnak inn khan an ṭhawl.

LAMKALTU 8:36

An vung zuan lengmang lioah khin ti tlawmpal a rak umnak hmun pakhat kha an phan i cu tikah cu bawi nih cun aa thawh i, “Hika ah hin pei ti a um hi, zei nih dah tipil in a ka donh lai?” tiah a ti. (

LAMKALTU 8:37

Filip nih aa thawh i, “Na lung dihlak in na zumh ahcun tipilnak cu na in ko lai,” tiah a ti. “Ka zumh, Jesuh Khrih cu Pathian Fapa a si ti kha ka zumh ko,” tiah a ti.)

LAMKALTU 9:20

Pumhnak inn ah khan i cungcang loin a va kal i, “Jesuh cu Pathian Fapa a si,” tiah a chimh hna.

ROM 1:4

thlarau lei in le a thiannak kong in ti ahcun, ṭhawnnak nganpi in thihnak in thawhter a sinak nih khan Pathian Fapa a si kha a langhter.

ROM 10:20

Cun Isaiah nih ralṭha deuh vak in: “A ka kawl lomi nih khan an ka hmuh, A ka hlam lomi sinah khan ka lang,” a ti fawn.

1JOHAN 4:15

Jesuh cu Pathian Fapa a si tiah a titu paoh cu, a chungah Pathian a um i Pathian chungah a ummi a si.

1JOHAN 5:10

Cucaah Pathian Fapa a zummi paoh nih cun a lung chungah Pathian i tehte a khaannak bia kha a ngei; sihmanhsehlaw Pathian a zum lomi nih cun Pathian kha lihchim ah a canter i cucu zeicahdah a si ti ahcun, Pathian nih a Fapa kong i tehte a khaanmi kha a zumh lo caah a si.

1JOHAN 5:13

Pathian Fapa a zummi nih zungzal nunnak kan ngei ti kha nan i hngalh khawhnak hnga hi ca hi kan kuat hna.

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.

1JOHAN 5:5

Vawlei cu ahodah a tei kho? Jesuh cu Pathian Fapa a si tiah a zummi lawng nih an tei khawh.

3 JOHAN 1:10

Ka rat tikah a tuahmi vialte kha ka phuan dih lai; kan konglam i thil ṭhalo tampi a chimmi le lih a chimmi tehna vialte kha. Cun cu lawng cu aa za rih lo, kan unau pawl kha an rat tikah a rak dawnh hna i kan tlung hna seh tiah a titu hna kha i tlunter hna hlah u, tiah a thlauh hna i Khrihfabu chung khan chuah a timh hna.