JOHAN 9:29 - Lai (Hakha) Common Language Bible 2006

²⁹ Pathian nih Moses sinah bia a chim ti cu kan hngalh, sihmanhsehlaw kha pa kha cu, a ratnak khuazei in a si ti hmanh kan hngal lo,” an ti.

Laibaibal Thiang (BSI)

²⁹ Pathian nih Moses a chawnh tiah kan hngalh, hi pa hi khawzei leimi dah a si kan hngal lo,” tiah fakpi in an sîk.

JOHAN 9:29 ပူးပေါင်းရင်းမြစ်များ

1 SIANGPAHRANG 22:27

cun siangpahrang nih hi bangin, ‘Hi pa hi thong ah rak thla u law rawl tlawmte le ti tlawmte lawng, daihnak in ka ra kir ṭhan hlantiang, rak pe u, a ti,’ tiah va chim hna u,” tiah a ti.

2 SIANGPAHRANG 9:11

Jehu cu a bawipa sinum hna sin i a hung chuah tikah khan, annih nih amah cu, “A ṭha dih maw? Zeicahdah hi mihrutpa hi na sinah khan a rat?” tiah an ti. Cun anih nih annih cu, “Nannih nih amah cu nan hngalh i a bia zong nan hngalh ko kha ta,” tiah a ti hna.

SALM 103:7

Moses kha aa tinhmi cu a chimh i Israel mi kha thil lianngan a tuahmi cu a hmuhter hna.

SALM 105:26

Cun a sal Moses le a thimmi Aaron kha a thlah hna.

SALM 106:16

Thetse ram ah cun Moses kha an nahchuah, Bawipa sal thiang Aaron zong kha an nahchuah;

SALM 22:6

Sihmanhsehlaw kei cu minung ka si ti lo, cangcel ka si ko cang; mi vialte nih an ka serhsat i an ka nihsawh.

MALAKHI 4:4

Ka sal Moses phungbia kha philh hlah u, Israel mi vialte na va pek hna lai, tiah Horeb tlang i ka timi nawlbia le cawnpiaknak kha philh hna hlah u,

NAMBAR 16:28

Cun Moses nih, “Keimah thinlung i a chuak chom in si loin, Bawipa nih pei mah rianṭuan awkah hin a ka thlah tiah ti kha mah hi hin nannih nih nan hngalh lai.

MATTHAI 12:24

Sihmanhsehlaw cu bia cu Farasi mi nih an theih tikah, annih tu nih cun, “Hi pa nih khuachia a ṭhawl khawh hna cu an bawipa Beelzebul nih a bawmh caah a si,” an ti.

MATTHAI 26:61

“Hi pa nih hin ‘Pathian Biakinn hi ka ṭheh lai i ni thum chungah ka sak ṭhan dih lai,’ a ti,” tiah an ti.

LUKA 23:2

Anih cu sual kha an phawt i, “Hi pa nih hin kan mi hna a pingah a hruai hna kha kan tlaih, a thawh hna i Sizar Siangpahrang sinah ngunkhuai nan pe lai lo, a ti hna i, keimah hi siangpahrang Khrih cu ka si, a ti hna,” an ti.

JOHAN 1:17

Pathian nih Phungbia cu Moses thawng khan a kan pek, sihmanhsehlaw vel le biatak cu Jesuh Khrih thawng khan a ra.

JOHAN 7:27

Sihmanhsehlaw Messiah cu a rat tikah cun, khuazei in dah a rat kha ahohmanh nih an hngalh ṭung lai lo, hi pa cu khuazei in dah a rat ti kha kan dihlak in kan hngalh fawn ṭung,” an ti.

JOHAN 7:28

Jesuh nih biakinn chung i a cawnpiak hna ah cun aw thang piin “Keimah cu nan ka hngalh taktak i khuazei in dah ka rat kha nan hngalh taktak. Sihmanhsehlaw kei cu keimah nawl in a rami ka si lo. A ka thlahtu cu ahmaan taktakmi kha a si i amah cu nan hngal lo.

JOHAN 8:14

Jesuh nih cun, “Keimah kong cu keimah i kaa chim a si hmanh ah ka chimmi cu ahmaanmi a si, zeicahtiah khuazei in dah ka rat le khuazei ah dah ka kal lai kha ka hngalh. Nannih nih cun khuazei in dah ka rat kha nan hngal lo i khuazei ah dah ka kal lai zong kha nan hngal lo.

JOHAN 9:16

Farasi mi a cheu nih cun, “Hi thil a tuahtu hi Pathian sinin a rami a si kho lai lo, zeicahtiah Sabbath ni phung kha a buar,” an ti. Sihmanhsehlaw a cheu nih khan, “Zeitindah misual a simi nih cun cu bantuk hmelchunhnak cu a tuah khawh lai,” an ti ve. Cucaah cun an i cheu.

JOHAN 9:24

Mitcaw cia in a chuakmipa cu an auh ṭhan i, “Biatak ka chim lai tiah Pathian hmaika ah bia i kam. Hi pa hi misual a si ti kha kan hngalh,” an ti.

JOHAN 9:30

Mipa nih cun, “Khuaruahhar a va si dah. A ratnak khuazei in a si cu nan hngal lo, sihmanhsehlaw ka mit cu a ka auterpiak hen cu!

LAMKALTU 22:22

Hi tiang a chim ah hin cun mizapi nih khan Paul kha an ngaih ko; sihmanhsehlaw an aw reng chuak khan an au ṭhan i, “Kha pa kha hlo ko u. That ko u. A nung ding tlak a si lo,” an ti.

LAMKALTU 26:22

Sihmanhsehlaw nihin ni tiangah hin Pathian nih a ka bawmh i cucaah cun hika zongah hin a hme sin he a ngan sin he ka hngalhnak bia ka chim khawhnak hi a si. Ka chimmi hi profet hna le Moses nih a si te lai tiah an rak chimmi hrimhrim kha a si:

LAMKALTU 7:35

“Moses kha Israel mi nih an rak hlawtmipa a si. ‘Kan cung i uktu bawi le biaceihtu ah aho nih dah aan chiah?’ tiah an rak ti, sihmanhsehlaw amah cu a alh hluahmahmi burbuk chungin a sinah a hung langmi vancungmi bawmhnak thawngin, Pathian nih uktu si ding le khamhtu si dingah a rak thlah mipa a si.

DEUTERONOMI 34:10

Cun cu thawk in Israel mi chungah Bawipa nih hmaitonh in a hngalhmi profet Moses bantuk an chuak ti lo.

HEBRU 1:1

Hlan ah cun Pathian nih kan pupa hna sin i bia a chim tikah profet kha a rak hman hna i a cheuchum tete le phun dangdang in a chimning cu a rak si.

HEBRU 1:2

Sihmanhsehlaw atu kan chan, chan hmanung bik a simi chan ah hin cun, kan sinah a Fapa in a bia cu a chim. Amah thawng cun Pathian nih van le vawlei vialte kha a ser hna i amah cu Pathian nih a donghnak i zeizong vialte uktu ding i a thimmi cu a si.