JOHAN 9:22 - Lai (Hakha) Common Language Bible 2006

²² Cu bantukin a nu le a pa nih an chim cu zeicahdah a si ti ahcun, Judah upa hna nih khan Jesuh cu Messiah a si tiah a titu paoh cu pumhnak inn khan kan chuah hna lai tiah hnatlaknak an rak tuah cang i cu hna cu an ṭih hna caah a si.

Laibaibal Thiang (BSI)

²² Cubangin bia an chim cu Judah mi hotu an ṭih ruangah a si. Zeitintiah Judah hotu hna nih, “Amah cu Krih a si” titu pauh cu Sinagog in ṭhawl ding an si tiah biakhiahnâk an rak tuah cang.

JOHAN 9:22 ပူးပေါင်းရင်းမြစ်များ

PHUNGTHLÛKBIA 29:25

Midang nih zeitindah an ka ruah hnga ti hi thil ṭihnung a si, sihmanhsehlaw Bawipa i bochan hi himnak a si.

ISAIAH 51:12

Bawipa nih aa thawh i, “Nanmah thazang an petu hna cu keimah ka si. Cucaah cun zeicahdah ram nakin sau deuh a nung hlei lomi, a thi khomi minung cu nan ṭih hna?

ISAIAH 51:7

“Zeidah a hmaan ti kha a hngal i a lung chungah ka cawnpiaknak aa cinkenmi hna, ka bia ngai tuah u. Mi nih an in hro hna le an in zawmhtaih hna tikah nan thinphang hlah u.

ISAIAH 57:11

Bawipa nih aa thawh i, “Zei pathian nan ṭih hna caah dah keimah kha a philh in nan ka philh? Sau tuk dai tein ka um caah maw keimah cu nan ka ṭih ti lo?

LUKA 6:22

Mi Fapa ruangah mi nih an in huat hna i an in hlawt hna i an in serhsat hna i miṭhalo an in ti hna tikah i lawm ko u.

JOHAN 1:19

Jerusalem khua Judah upa hna nih tlangbawi hna le Levi mi hna cu Johan sinah khan an hei thlah hna i, “Ahodah na si?” tiah an va hal.

JOHAN 16:2

An pumhnak inn in an in ṭhawl hna lai. Cun nanmah thah hi Pathian rian ṭuan a si tiah mi nih an ruah caan a phan lai.

JOHAN 19:38

Cu hnuah cun Arimathea khuami Josef nih khan Jesuh ruak cu ka la kho hnga maw tiah Pilat kha a hal. (Josef cu Jesuh zultu a si ve, sihmanhsehlaw Judah upa pawl kha a ṭih hna caah a thlite lawngin a si). Pilat nih cun, na lak khawh, tiah a ti i cucaah cun a va kal i a va lak.

JOHAN 20:19

Zarhpi ni zanlei sang tlai nawn ah khin a zultu hna cu an i pum i Judah upa kha an ṭih hna caah inn an i hrenhkhumh. Cun Jesuh kha a ra i an lakah cun a hung dir. “Nan cungah daihnak um ko seh,” tiah a ti hna.

JOHAN 7:13

Sihmanhsehlaw ahohmanh nih langhngan in an chim ngam lo, zeicahtiah Judah upa kha an ṭih hna.

JOHAN 9:18

Sihmanhsehlaw Judah upa pawl nih khan, amah cu a mit a rak caw i atu cu khua a hmu kho ṭhan, ti kha an zum duh lo. Cucaah mipa i a nu le a pa kha an auh hna i

JOHAN 9:21

Asinain atu hi zeitindah khua a hmuh khawh ṭhan ti cu kan hngal lo. Amah hi hal ko uh, upa pei a si ve cang hi, amahte nih an leh khawh ve ko hna lai,” tiah an leh hna.

JOHAN 9:34

“A nangmah sual in hrin i sual in cawmmi nih hin maw kanmah cu cawnpiak na hei kan timh,” tiah an ti i pumhnak inn khan an ṭhawl.

JOHAN 9:35

Jesuh nih an ṭhawl kha a theih. Amah cu a va hmuh i, “Mi Fapa cu na zum maw?” tiah a ti.

LAMKALTU 4:18

Cucaah inn chungah khan an kawh ṭhan hna i, thil umtuning zei bantuk a si hmanh ah, Jesuh min in ahohmanh nan cawnpiak hrimhrim hna lai lo i aho sin hmanh ah bia zong nan chim hrimhrim lai lo, tiah an ti hna.

LAMKALTU 5:13

Zumtu hna cu Solomon Innleng timi ah khan an i pum tawn, an bu a lengmi cu ahohmanh an i tel ngam lo nain mi zapi tu nih cun an thangṭhat ko hna.

LAMKALTU 5:40

Lamkaltu kha an auh hna i fung in an tuk hna i Jesuh min in bia chim hrimhrim ti hlah u, tiah an ti hna i an thlah hna.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.