JOHAN 7:31 - Lai (Hakha) Common Language Bible 2006

³¹ Sihmanhsehlaw mizapi chung i mi tampi nih khan amah cu an zumh i, “Messiah cu a rat tikah hi pa tuahmi nak hin hmelchunhnak tam deuh a tuah hnga maw?” an ti.

Laibaibal Thiang (BSI)

³¹ Mitampi nih Amah cu an zumh i Krih a rak phâk tik zongah, Hi pa nâkin hmelchunhnâk tam a tuah hlei hnga maw?” tiah an ti.

JOHAN 7:31 ပူးပေါင်းရင်းမြစ်များ

MATTHAI 12:23

Mizapi cu an khuaruah a har i, “Hi pa hi David fapa a si sual hnga maw?” an ti.

LUKA 8:13

Lung lakah a tlami thlaici cu bia kha a thei i lunglawm ngaiin a cohlang i sihmanhsehlaw an chung i thuk a pil lomi kha an si. Caan tlawmte chung lawng kha an zumh i tukforhnak a rat tikah an tlu ṭhan.

JOHAN 11:45

Mary ṭhutpi awkah a rami Judah mi tampi nih khan Jesuh tuahmi cu an hmuh i amah kha an zumh.

JOHAN 12:11

zeicahtiah, Lazaruh chimmi bia ruangah khan Judah mi tampi nih an hruaitu kha an chuahtak hna i Jesuh kha an zumh.

JOHAN 12:42

Cuti a si na cun Judah mi upa tampi nih khan Jesuh cu an zumh; sihmanhsehlaw Farasi pawl hna ruangah khan langhngan in an chim ngam lo, pumhnak inn i ṭhawl lai kha an phang.

JOHAN 2:11

Galilee ram Kana khua i Jesuh nih a tuahmi hi hmelchunhnak a tuahmi lakah a hmasa bik a si; cu a tuahmi hmelchunhnak ah cun a sunparnak kha a langhter i a zultu nih khan amah cu an zumh.

JOHAN 3:2

Zan khat cu Jesuh sinah khan a va kal i, “Rabbi, nangmah cu Pathian thlahmi cawnpiaktu saya na si ti kha kan hngalh. Pathian nih a umpi hna lo ahcun, hmelchunhnak na tuahmi hi ahohmanh nih an tuah kho lai lo,” tiah a ti.

JOHAN 4:29

“Thil ka rak tuahmi paoh a ka chim kho dihtu mipa hi ra zoh hmanh u. Amah hi Messiah cu a si kho hnga maw?” tiah a ti hna.

JOHAN 4:39

Minu nih khan, “Ka rak tuahmi vialte a ka chimh dih,” tiah a ti caah khan Samaria mi tampi nih Jesuh cu an zumh.

JOHAN 6:2

Jesuh nih mizaw a damter hna tikah hmelchunhnak a tuahmi kha an hmuh caah mi run tampi nih amah cu an zulh.

JOHAN 7:26

Asinain, zohhmanh u, langhngan in bia a chim len ko i ahohmanh nih zei an ti fawn ṭung lo. Kan upa pawl nih amah hi Messiah cu a si ko ti kha an hngalh taktak cang caah a si hnga maw?

JOHAN 9:16

Farasi mi a cheu nih cun, “Hi thil a tuahtu hi Pathian sinin a rami a si kho lai lo, zeicahtiah Sabbath ni phung kha a buar,” an ti. Sihmanhsehlaw a cheu nih khan, “Zeitindah misual a simi nih cun cu bantuk hmelchunhnak cu a tuah khawh lai,” an ti ve. Cucaah cun an i cheu.

LAMKALTU 8:13

Simon hrimhrim zong nih cun a zumh ve i tipilnak a in dih hnuah Filip sinah cun aa helhum lengmang ve; a nganmi hmelchunhnak hna le khuaruahharnak hna kha a hmuh hna tikah a khuaruah a har ngaingai.

JEIM 2:26

Cucaah cun pum cu thlarau loin a thih bantukin zumhnak zong tuahnak loin a thi ve.