JOHAN 7:28 - Lai (Hakha) Common Language Bible 2006

²⁸ Jesuh nih biakinn chung i a cawnpiak hna ah cun aw thang piin “Keimah cu nan ka hngalh taktak i khuazei in dah ka rat kha nan hngalh taktak. Sihmanhsehlaw kei cu keimah nawl in a rami ka si lo. A ka thlahtu cu ahmaan taktakmi kha a si i amah cu nan hngal lo.

Laibaibal Thiang (BSI)

²⁸ Cuticun ṭempal i a cawnpiak lio ah Jesuh a au i, “Nanka hngalh, ka chuahnâk tiangin nan hngalh. Asinain keimah nawl i a rami ka si lo. Aka thlahtu hi mi taktak a si i Amah cu nan hngal lo.

JOHAN 7:28 ပူးပေါင်းရင်းမြစ်များ

SALM 9:10

Maw Bawipa, nangmah an hngalmi nih cun an in bochan lai, nangmah sinah a rami cu ahohmanh na dawn bal hna lo.

JEREMIAH 31:34

Cun annih nih pakhat le pakhat kha, ‘Bawipa kha hngal tuah,’ tiin i cawnpiak kha an herh ti lai lo, zeicahtiah a hme bik in a ngan bik tiang, an dihlak in an ka hngalh lai. An ṭhat lonak kha ka ngaihthiam hna lai i an sualnak kha ka hngal camcin ti lai lo,’ tiah Bawipa nih a ti.

JEREMIAH 9:6

Palhnak kha palhnak nih a zulh chin lengmang i Hlennak kha hlennak nih a zulh chin lengmang. Keimah hngalh kha an duh lo, tiah Bawipa nih a ti.

HOSEA 4:1

Maw Israel, Bawipa bia cu thei tuah; Zeicahtiah hi rammi hna cungah hin Bawipa nih bia pakhat a ngei: Hi ram chungah hin pakhat le pakhat i zumhnak le pakhat le pakhat i bochannak le Pathian hngalhnak a um lo,

HOSEA 5:4

Thil ṭhalo an tuahmi nih khan Pathian lei i an kirnak ding lam kha a phih; Siasal biaknak lungthin nih khan a tei hna i Bawipa kha zei ah an rel lo.

MATTHAI 11:27

Ka Pa nih zeizong vialte kha ka kut chungah a ka pek dih. Pa dah ti lo nih cun ahohmanh nih Fapa kha an ka hngal lo i Fapa le an sinah a phuanmi hna dah ti lo nih cun ahohmanh nih Pa kha an hngal lo.

MATTHAI 2:23

Nazareth khua ah khan umhmun a khuar. “Amah cu Nazareth khuami ti a si lai,” tiah profet hna nih an rak chimmi tlinter awk caah, hiti in thil a hung um cu a si.

MATTHAI 26:55

Cun Jesuh nih mibupi cu a thawh hna i, “Kei cu damiah hei si ning law cu bang, zeicahdah tlaih awkah nam le thingtan he nan ka fuh? Nifate in pei Biakinn ah ka ṭhu i kan cawnpiak lengmang ko hna cu, nan ka tlaih ṭung lo.

LUKA 10:22

“Ka Pa nih zeizong vialte kha a ka pek cang: Pa nih dah ti lo nih cun ahohmanh nih Fapa kha ahodah a si, ti awk an hngal lo, Fapa le an sinah Fapa nih Pa a phuan duhmi hna dah ti lo nih cun Pa kha ahodah a si ti awk ahohmanh nih an hngal lo,” tiah a ti.

LUKA 2:11

Tu zan hrimhrim ah hin David khua chungah nan Khamhtu kha a chuak cang — Khrih Bawipa cu!

LUKA 2:39

Bawipa nawlbia nih nan tuah awk a si tiah a timi vialte kha an tuah dih in Galilee ram i an umnak khua Nazareth khua ah khan an kir ṭhan.

LUKA 2:4

Josef cu Galilee ram i Nazareth khua in Judea ram i Bethlehem khua an timi, Siangpahrang David chuahnak khua ah khan a kal. Josef kha khika i a kalnak cu amah kha David hrinsor a si caah a si.

LUKA 2:51

Cuticun Jesuh cu an sinah Nazareth khua ah khan a kir i a nu le a pa kut tangah nawl ngai tein a um: Hi thil vialte hi a nu nih a lung chungah aa ken dih.

JOHAN 1:46

Nathanael nih cun a rak i thawh i, “Nazareth khua cun thil ṭha zeital a chuak kho hnga maw?” tiah a ti. Filip nih cun, “Ra law ra zoh hen aw,” tiah a leh.

JOHAN 10:36

Pa nih a thim i vawlei ah a run thlahmi keimah nih, ‘Pathian Fapa ka si,’ ka ti ruangah Pathian na serhsat tiah zeitindah nan ka ti khawh?

JOHAN 12:49

Zeicahtiah, keimah nawl in ka chim lo, ka chimmi cu a ka thlahtu ka Pa nih na chim lai tiah a ka fialmi kha an si.

JOHAN 14:10

Keimah cu ka Pa chungah ka um i ka Pa cu keimah chungah a um kha na zum lo maw, Filip? Nannih kan chimhmi hna bia hi keimah chungin aa thawkmi an si ṭung lo, ka chung i a ummi ka Pa rianṭuannak pei an si cu.

JOHAN 14:31

a si nain vawlei nih hin ka Pa ka dawt kha a hngalh khawh nakhnga ka Pa nih a ka fial bantukin ka tuah dih. “Tho u, kal u sih,” a ti hna.

JOHAN 16:3

Ka Pa zong, keimah zong an kan hngalh lo caah hi bantukin nan cungah an tuah lai.

JOHAN 17:25

A dingmi ka Pa, vawlei nih cun an hngal lo, sihmanhsehlaw kei nih cun kan hngalh i hi hna nih hin na ka thlah hi an hngalh.

JOHAN 17:3

Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si.

JOHAN 3:2

Zan khat cu Jesuh sinah khan a va kal i, “Rabbi, nangmah cu Pathian thlahmi cawnpiaktu saya na si ti kha kan hngalh. Pathian nih a umpi hna lo ahcun, hmelchunhnak na tuahmi hi ahohmanh nih an tuah kho lai lo,” tiah a ti.

JOHAN 3:33

A bia a cohlangmi paoh nih cun kha an cohlannak thawng khan, Pathian chimmi cu a taktak a si ti kha an langhter.

JOHAN 5:32

Sihmanhsehlaw keimah kong chimtu hi midang pakhat a um i keimah kong a chimmi kha ahmaan tiah ka hngalh.

JOHAN 5:43

Ka Pa nawl in a rami ka si, sihmanhsehlaw nan ka cohlang lo; midang pakhatkhat amah nawl in a rat tikah nan rak cohlan te ko ṭung lai.

JOHAN 6:42

Cucaah an i thawh i, “Hi pa hi Josef fapa Jesuh kha a si lo hlah i? A nu kan hngalh, a pa kan hngalh, zeitindah vancung in ka rung, tiah a ti kun?” an ti.

JOHAN 7:14

Cu puai cu a canceo tluk a dih dengmang tikah khin Jesuh cu biakinn ah khan a va kal i a cawnpiak hna.

JOHAN 8:14

Jesuh nih cun, “Keimah kong cu keimah i kaa chim a si hmanh ah ka chimmi cu ahmaanmi a si, zeicahtiah khuazei in dah ka rat le khuazei ah dah ka kal lai kha ka hngalh. Nannih nih cun khuazei in dah ka rat kha nan hngal lo i khuazei ah dah ka kal lai zong kha nan hngal lo.

JOHAN 8:16

Biakhiahnak cu ka tuah a si hmanh ah kei i ka tuahmi cu ahmaan ko lai, zeicahtiah cu biakhiahnak cu keimah lawngin ka tuahmi a si lo, a ka thlahtu ka Pa he kan tuahmi a si.

JOHAN 8:19

“Na Pa cu khuazei ah dah a um?” tiah an ti. Jesuh nih cun, “Keimah zong nan ka hngal lo, ka Pa zong nan hngal fawn lo. Keimah kha ka hngal u law cu ka Pa zong cu nan hngalh ko hnga,” tiah a leh hna.

JOHAN 8:26

Nanmah kong ah hin bia chim awk tampi ka ngei — nanmah sual phawt zong hi. Sihmanhsehlaw a ka thlahtu nih cun biatak kha a chim i vawlei ka chimhmi hi amah sinin ka theihmi bia cu a si,” tiah a leh hna.

JOHAN 8:42

Annih cu Jesuh nih, “Pathian kha nan Pa rak si taktak seh law cu keimah hi nan ka dawt ko hnga, zeicahtiah kei cu Pathian sinin a rami ka si i atu hika ka phan. Keimah duh in a rami ka si lo, amah nih a ka thlahmi ka si.

JOHAN 9:29

Pathian nih Moses sinah bia a chim ti cu kan hngalh, sihmanhsehlaw kha pa kha cu, a ratnak khuazei in a si ti hmanh kan hngal lo,” an ti.

LAMKALTU 17:23

Zeicahtiah nan khua chung i kaa chawh i nan biaknak hmun kha ka zoh hna tikah biakṭheng pakhat cu a cungah “Hngalh lomi Pathian Caah” tiin aa ṭial kha ka hmuh. Cu nan biakmi cu, a hngalh cu hngal hmanh hlah u law, nan sin i kan thanhmi hna hi a si.

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.

ROM 3:4

Si hrimhrim hlah. Minung hi kan dihlak in lihchim si hmanh u sih law Pathian cu zumh awk tlak a si ṭhiamṭhiam ko. Cathiang nih, “Bia na chim tikah na chimmi cu ahmaan ti kha a lang lai i tazacuai na si tikah na bia cu na tei lai,” tiah a ti bang khan a si.

2 KORIN 1:18

Pathian cu zumh awk tlak a si bantukin nan sin i ka biakam cu “E, e,” le “Ai, ai,” aa cawhmi a si lo.

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

TITAS 1:2

Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

HEBRU 6:18

Hi thil pahnih, biakamnak le chiatsernak hna hi thlen khawh a si lomi thil an si i hi hna kongah hin Pathian nih a lih a chim kho lo. Cucaah a sin i him tein a ummi kannih nih cun kan hmai i a kan chiahpiakmi ruahchannak kha ralṭha ngaingai in fek tein kan i tlaih.

1JOHAN 5:10

Cucaah Pathian Fapa a zummi paoh nih cun a lung chungah Pathian i tehte a khaannak bia kha a ngei; sihmanhsehlaw Pathian a zum lomi nih cun Pathian kha lihchim ah a canter i cucu zeicahdah a si ti ahcun, Pathian nih a Fapa kong i tehte a khaanmi kha a zumh lo caah a si.

1 SAMUEL 2:12

Cun Eli fapa hna cu mizeiruaramlo an si; Bawipa kha an hmaizah lo.