JOHAN 6:39 - Lai (Hakha) Common Language Bible 2006

³⁹ A ka thlahtu nih tuah seh ti a ka duhmi cu hihi a si: a ka pekmi vialte kha pakhat hmanh thlau loin, ni hmanung bik ni ah nunnak i an dihlak in thawhter dih kha a si.

Laibaibal Thiang (BSI)

³⁹ Hihi aka thlahtu Pa duhnâk cu a si, aka pêkmi vialte thlau loin ni dongh ni ah thawhter ding hi.

JOHAN 6:39 ပူးပေါင်းရင်းမြစ်များ

JEREMIAH 23:4

Anmah khaltu dingah tuukhal ka chiah hna lai, ṭihnak siseh, hnabei donghnak siseh, dantatnak siseh, an tong ṭhan ti lai lo, tiah Bawipa nih a ti.

MATTHAI 10:15

Mah hihi philh hlah u: Biaceih Ni ah Pathian nih, cu khuami nakcun Sodom le Gomorrah khuami kha a zaangfah deuh hna lai,” tiah a ti.

MATTHAI 18:14

Cu bantukte cun, vancung khua i a ummi nan Pa nih, hi ngakchia tete pakhatte hmanh hi tlauter a duh hna lo.

LUKA 12:32

“Tuurun hmete hna, nan thinphang hlah u! Zeicahtiah nan Pa nih Pennak cu nanmah kha pek an duh hna.

JOHAN 12:48

Keimah kha a ka hlaw i ka bia a cohlang duh lomi cu a bia ceihtu ding a um ko. Ka chimmi ka bia hi ni hmanung bik ni ah cun a bia a ceihtu cu a si te lai.

JOHAN 17:12

Annih sin i ka um lioah hin cun, na ka pekmi hna cu na min ṭhawnnak in ka huhphenh hna i him tein ka chiah hna. A tlau ding a rak si hrimmi dah kha ti lo cu pakhat hmanh an tlau lo — kha zong kha Cathiang a tlin nakhnga caah a si ko.

JOHAN 17:2

Na ka pekmi vialte hna cu zungzal nunnak ka pek hna nakhnga mi vialte cung i nawl ngeihnak cu na ka pek cang.

JOHAN 17:24

“Ka Pa, na ka pekmi hna hi ka umnak ah ka sin i umter i ka sunparnak, vawlei ser hlan in na ka dawt ca i na ka pekmi kha hmu hna seh ti ka duh.

JOHAN 17:6

“Hi vawlei chungin na kawh hna i na ka pekmi hna sinah hin, na min cu ka langhter cang; nangmah ta an si i annih cu nangmah nih keimah na ka pekmi an si. Na bia kha an ngaih i

JOHAN 17:9

“Annih caah thla ka cam. Vawlei caah cun ka cam lo; na ka pekmi hna cu nangmah mi an si caah an caah ka cam.

JOHAN 18:9

(Hitihin a chimmi cu, “Ka Pa, na ka pekmi hna cu pakhat hmanh ka thlau hna lo,” tiah a rak timi a tlin naklai caah khan a si).

JOHAN 5:28

Hi kongah hin lau hlah u; thlan chung i a ummi mithi vialte nih a aw an theih lai caan kha a ra lio,

JOHAN 6:37

Ka Pa i a ka pekmi paohpaoh cu ka sinah an ra lai i ka sin i a rami paohpaoh cu ahohmanh ka dawn hna lai lo.

JOHAN 6:40

Zeicahtiah Fapa kha a ka hmu i a ka zummi paohpaoh cu ni hmanung bik ni ah nunnak i thawhter kha ka Pa nih a duhmi cu a si,” a ti.

JOHAN 6:44

A ka thlahtu ka Pa nih ka sinah a hnuh hna dah ti lo ahcun ahohmanh ka sinah an ra kho lo, cun cu hna cu ni hmanung bik ni ah nunnak ah ka thawhter te hna lai.

JOHAN 6:54

Ka sa a ei i ka thi a dingmi paoh nih zungzal nunnak an ngei i hmanung bik ni ah nunnak ah ka thawhter hna lai.

ROM 8:11

Jesuh kha thihnak in a thotu Pathian Thlarau cu nan chungah a um ahcun, Khrih cu thihnak in a thawhtertu Pathian nih khan a Thlarau cu nan chungah a umter caah nannih zong thih hmangmi nan pum kha nunnak an pekpiak ve hna lai.

1 KORIN 6:14

Pathian nih Bawipa cu thihnak in a thawhter i kannih zong a ṭhawnnak cun a kan thawhter ve lai.

2TIMOTE 2:19

Sihmanhsehlaw Pathian nih a bunhmi hram fek cu hninh khawh a si lo, cu hram cungah cun “Bawipa nih amah ta a simi cu a hngalh ko hna,” ti le, “Bawipa ta ka si a timi paoh nih cun palhnak a tuahmi kha a ngol awk a si,” ti kha an i ṭial.

JEIM 5:15

Zumhnak in thla an camnak nih khan a zawmi kha a damter lai; Bawipa nih damnak kha a pek ṭhan lai i sualnak a tuahmi kha ngaihthiam a si lai.

1 PETER 1:5

Cu an chiahpiak hna cu Pathian kha nan zumh caah le khamhnak a phak hlantiang amah ṭhawnnak nih an huhphenh hna caah a si — cu a ra dingmi khamhnak cu atu zongah hin timhcia a si ko cang i caan dongh tikah phuan a si te lai.

JUDAS 1:1

Jesuh Khrih sal le Jeim nau a simi Judas nih, Pathian kawhmi, Pathian kan Pa dawtnak chung le Jesuh Khrih huhphenhnak chungah a ummi kha, ca kan kuat hna.

1 SAMUEL 25:29

Mi nih nangmah kha dawi awk le na nunnak kha kawl awkah an in thawhhnawh ahcun, ka bawipa nunnak cu Bawipa na Pathian zohkhenhnak chung i a ummi minung hna nunnak tom chungah khan tom chih a si lai; cun na ral hna nunnak tu cu lungherhchehnak ṭe karlak chung in cheh bantukin a cheh hlo hna lai.