JOHAN 6:32 - Lai (Hakha) Common Language Bible 2006

³² Jesuh nih cun, “Biatak kan chimh hna: Moses nih a rak in pekmi hna kha cu vancung changreu kha a si lo, vancung changreu taktak an petu hna cu ka Pa hi a si.

Laibaibal Thiang (BSI)

³² Jesuh nih, “Biataktein, biataktein kan chimh hna, Moses nih vanin changreu an pe hna lo, asinain ka Pa nih van in changreu taktak kha an pêk hna.

JOHAN 6:32 ပူးပေါင်းရင်းမြစ်များ

SALM 78:23

Sihmanhsehlaw van kha bia a chimh i a innka kha a hunter;

EXODUS 16:4

Bawipa nih Moses cu, “Nan dihlak caah van in rawl ka surter lai. Ni fate in nan chuahhnawh lai i cu ni ca i aa za dingin nan char lai. Kan cawnpiakmi hna kha nan zul maw zul lo ti cu hi ning hin kan hneksak khawh hna lai.

EXODUS 16:8

Cun Moses nih aa thawh i, “Zanlei ah ei awk sa an petu hna le zinglei ah nan duh tawk in ei awk rawl an petu hna cu Bawipa a si lai, zeicahtiah a cung i nan phunnak le nan zainak liangluang kha a theih. Nan kan zaihnawh len ko cu, zaihnawh awk tlak kan si maw? Nan kan zaihnawh cu Bawipa cung i nan zai pei a si cu,” a ti hna.

JOHAN 1:9

Ceunak taktak cu vawlei cungah a ra i mi vialte a ceuhtu ceunak kha a si.

JOHAN 15:1

“Mitsur ruang taktak cu keimah hi ka si i dum ngeitu cu ka Pa a si.

JOHAN 6:31

Cathiang nih, ‘Ei awk changreu van in a pek hna,’ tiah a ti bantuk khan, kan pupa hna nih khan thetse ram ah manna kha an ei taktak,” tiah an ti.

JOHAN 6:33

Zeicahtiah Pathian pekmi changreu cu vancung in a run thlahmi hi a si i amah nih cun vawlei hi nunnak kha a pek,” tiah a ti hna.

JOHAN 6:35

Jesuh nih cun, “Nunnak changreu cu keimah hi ka si. Ka sin i a rami cu ahohmanh an rawl a ṭam lai lo i keimah a ka zummi cu ahohmanh an ti a hal lai lo.

JOHAN 6:41

“Vancung in a rung ṭummi changreu cu keimah hi ka si,” tiah a ti caah khan Judah mi cu an zai.

JOHAN 6:50

Asinain vancung in a rungmi changreu a eimi paoh cu an thi lai lo.

JOHAN 6:55

Zeicah ti ah cun, rawl taktak cu ka sa hi a si i din awk taktak cu ka thi hi a si.

JOHAN 6:58

Cucaah vancung in a rungmi changreu cu hihi a si; nan pupa hna nih an rak eimi changreu bantuk kha a si lo, annih cu an thi, sihmanhsehlaw hi changreu a eimi cu zungzal in an nung lai,” tiah a ti hna.

GALATI 4:4

Sihmanhsehlaw caan cu a hung phak tikah, Pathian nih A Fapa kha a run thlah. Nu chung khan a hung chuak i Judah mi Nawlbia tangah khan a um,

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.