JOHAN 6:31 - Lai (Hakha) Common Language Bible 2006

³¹ Cathiang nih, ‘Ei awk changreu van in a pek hna,’ tiah a ti bantuk khan, kan pupa hna nih khan thetse ram ah manna kha an ei taktak,” tiah an ti.

Laibaibal Thiang (BSI)

³¹ Kan pupa hna nih ramcar ah mânâ kha an ei tawn ‘Van in an sinah changreu ei awk a pêk hna,’ tiah ṭialmi bangin,” tiah an ti.

JOHAN 6:31 ပူးပေါင်းရင်းမြစ်များ

NEHEMIAH 9:15

Cun an rawlṭamnak daihter awkah vancung in changreu na pek hna i an tihal riamhter awkah lungpi chungin ti na pek hna, cun annih cu pek awkin chiat na rak sermi ram ah khan va kal i va co awkah nangmah nih na chimh hna.

NEHEMIAH 9:20

Annih cawnpiaknak caah na thlarau ṭha kha na pek hna i na manna kha sianh loin na um hna lo i an tihal a riamh nakhnga ti kha na pek hna.

SALM 105:40

An hal i nimte a pek hna, vancung in rawl khim tein a pek hna.

EXODUS 16:35

Israel mi nih manna cu kum sawm li an ei, mi umnak ram an phak tiang cu manna cu an ei; Kanaan ramri an phak tiang khan manna cu an ei.

JOHAN 6:32

Jesuh nih cun, “Biatak kan chimh hna: Moses nih a rak in pekmi hna kha cu vancung changreu kha a si lo, vancung changreu taktak an petu hna cu ka Pa hi a si.

JOHAN 6:49

Nan pupa hna nih manna kha thetse ram ah khan an rak ei taktak, sihmanhsehlaw an thi.

JOHAN 6:58

Cucaah vancung in a rungmi changreu cu hihi a si; nan pupa hna nih an rak eimi changreu bantuk kha a si lo, annih cu an thi, sihmanhsehlaw hi changreu a eimi cu zungzal in an nung lai,” tiah a ti hna.

1 KORIN 10:3

An dihlak in thlarau changreu kha an ei i

DEUTERONOMI 8:3

Minung hi rawl lawnglawng in a nung lo, sihmanhsehlaw Bawipa kaa in a chuakmi thil kip in a nung ti kha an hngalhter hna nakhnga, rawlṭam fahnak kha an inter hna i manna in an cawm hna, mah cucu nanmah nih siseh nan pupa hna nih siseh nan rak hngal lo.

JOSHUA 5:12

Cun cu ram in a chuakmi an ei tikah, a thaizing in manna kha a dong i Israel mi nih manna kha an ngei ti lo; sihmanhsehlaw cu kum ah cun Kanaan ram in a chuakmi thil kha an ei.

BIAPHUAN 2:17

“Hna nan ngeih ahcun Thlarau nih Khrihfabu sinah a chimmi bia cu ngai tuah u. “Teitu a simi hna cu thuhmi manna changreu kha tlawmpal in ka pek hna lai. Cun lung rang zong pakhat cio in ka pek hna lai i cu lung cungah cun a cotu cio lawng nih a sullam an hngalhmi min thar kha an i ṭial cio,” tiah a ti.