JOHAN 21:17 - Lai (Hakha) Common Language Bible 2006

¹⁷ Cun Jesuh nih cun, “Johan fapa Simon, na ka daw maw?” tiah a ti ṭhan hoi. Jesuh nih, voi thum tiang, na ka daw maw, tiah a hal caah khan Peter cu a ngaih a chia i, “Bawipa, nangmah nih zeizong vialte na hngalh dih, kan dawt cu na hngalh ko hen cu,” a ti. Jesuh nih cun, “Ka tuu kha zohkhenh hna.

Laibaibal Thiang (BSI)

¹⁷ A voi thumnâk ah, “Simon, Jonah fapa, naka tlaihchan maw?” tiah a ti. Cun a voithumnâk ah, ‘Naka tlaihchan maw,’ tiah a sin i a ti ruangah Peter cu a ngaih a chia i a sinah, “Bawipa, zeizong vialte na hngalh, kan tlaihchan kha na hngalh ko,” tiah a ti. Jesuh nih, “Ka tuu kha cawm hna.

JOHAN 21:17 ပူးပေါင်းရင်းမြစ်များ

2 SAMUEL 7:20

Cun David nih na sinah zei hlei dah a chim khawh ti lai? Zeitintiah, maw Bawipa Pathian, nangmah nih na sal cu na hngalh ko!

1 SIANGPAHRANG 17:18

Cun anih nih Elijah cu a thawh i, “Maw Pathian mipa, ka cungah lung si lonak zeidah na ngeih? Ka sualnak kha hngalhter ṭhan awk le ka fapa kha thihter awkah pei na rat ko hi!” tiah a ti.

1 CHANRELNAK 17:18

Cun na sal upatnak pek awk caah hin David nih zeidah chim awk ka ngeih ti? Zeicahtiah na sal cu nangmah nih na hngalh ko.

1 CHANRELNAK 29:17

Ka Pathian, nangmah nih lung kha na hneksak i dinnak kha na duhmi a si ti kha ka hngalh; ka lung dinnak in hi thil vialte hi lungtho tein kan pekchanh i atu cu hika i a ummi na mi hna nih lungthote le lunglawm tein an in pekchanh kha ka hmuh cang.

SALM 17:3

Ka lung cu na hngalh, zan ah ka sinah na ra. Ṭha tein na ka hneksak cikcek i ka chungah duhnak ṭhalo zeihmanh a um lo kha na hmuh.

JEREMIAH 17:10

Bawipa nih minung ruahnak cu ka dah dih i an lungthin cu ka zet dih, An tuahnak nih a phut ningin le an ziaza ning cio in ka cham hna.

ṬAHNAK HLA 3:33

Minung hi a hrem hna le dan a tat hna hi, A duh taktak caah a tuahmi a si lo.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

MARKA 14:72

Cu caan te ah cun ar kha a khuang ṭhan i Peter nih cun Jesuh i, “Ar voi hnih a khuan hlanah voi thum na ka hlawt lai,” a rak timi kha a lung ah a hung chuak. Cun a ṭap.

JOHAN 12:8

Mi sifak cu nan sinah an um zungzal ko lai, kei cu nan sinah ka um zungzal lai lo,” tiah a ti.

JOHAN 13:38

Jesuh nih cun, “Ka caah thih cu na ngamh ngai hnga maw? Biatak kan chimh: ar a khuan hlanah voi thum, amah cu ka hngal lo, na ka ti lai,” tiah a leh.

JOHAN 14:15

“Nan ka dawt ahcun ka nawlbia kha nan zulh hna lai.

JOHAN 15:10

Ka Pa nawlbia kha ka ngaih i a dawtnak chungah ka um bantukte hin ka nawlbia nan ngaih ahcun kan dawt hnanak chungah hin nan um ve lai.

JOHAN 16:30

Nangmah nih zeizong vialte kha na hngalh dih i kherhlai len na hau lo ti kha atu cu kan hngalh cang. Cu nih cun nangmah cu Pathian sinin a rami na si kha a kan zumhter,” an ti.

JOHAN 18:27

Peter nih aa pheh ṭhan i cun ar a hung khuang colh.

JOHAN 18:4

A cung i a tlung ding kha Jesuh nih cun a rak hngalh dih ko i cucaah cun hmailei ah a va chuak i, “Ahodah nan kawl?” tiah a ti hna.

JOHAN 21:18

Biatak kan chimh: na no lioah cun nangmah nih na taisawm kha naa sawmh i na duhnak paoh ah na kal tawn; sihmanhsehlaw na tar tikah cun na kut na zao hna lai i midang nih na kut cu an ṭem hna lai i na duh lonak hmun ah khan an in kalpi lai,” tiah a ti.

JOHAN 4:16

Jesuh nih, “Va kal law na va va ko, cun hika ah hin ra ṭhan,” tiah a ti.

LAMKALTU 1:24

Cun thla an cam i, “Bawipa, nangmah nih minung lungthin vialte cu na hngalh dih.

LAMKALTU 11:10

Hi thil hi voi thum tiang a um i a donghnak ah cun a ningpi in vancung ah khan an run hnuh ṭhan.

LAMKALTU 15:8

Cun minung lungthin a hngaltu Pathian nih Jentail mi a cohlan hnanak cu, kanmah a rak kan pekmi bantuk tein Thiang Thlarau a pek ve hnanak ah hin a lang.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

EFESA 4:30

Cun Pathian Thiang Thlarau kha a ngaihchiatter hlah u; zeicahtiah Pathian ta nan si hmelchunhnak le Pathian nih an luatter hna Ni cu a phan lai ti aamahkhan cu Thlarau cu a si.

JOSHUA 22:22

Bawipa cu pathian hna Pathian a si, Amah nih a hngalh dih, Israel zong nih hngal seh. Bawipa kan doh ruang a si ah maw Amah cung i zumhawktlak lo kan si ruangah maw

1 PETER 1:6

Hi ruangah hin nan lung i lawm ko u, hneksaknak tampi nan in ruangah hin atu ahcun nan ngaih chia hmanh seh law i lawm ko u.

2 PETER 3:1

Ka dawtmi ka hawile hna, atu i ca kan kuatmi hna hi a pahnihnak a si. Ka ca chungah, an pahnih tein, tuah kaa zuammi cu, nan lung chung i ruahnak thiang ṭhanghter kha a si i cucaah cun hi thil hi kan chimh ṭhan lengmang hna.

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.

BIAPHUAN 3:19

Ka dawtmi cu ka chimhhrin hna i dan ka tat tawn hna. Cucaah cun i biatak law na sualnak kha mertak hna.