JOHAN 20:25 - Lai (Hakha) Common Language Bible 2006

²⁵ Cucaah zultu dang nih khan, “Bawipa kha kan hmuh,” tiah an chimh. Thomas nih cun a thawh hna i, “A kut i thir hmaneh kha ka hmuh hna i cu thir hmaneh le a hnak kha ka kut in ka tawngh hna lo ahcun ka zum lai lo,” tiah a ti hna.

Laibaibal Thiang (BSI)

²⁵ Lamkaltu dang nih, “Bawipa kan hmuh,” tiah an ti. Anih nih “A kut i thir an khehnâk hmape ka hmuh i cuka i ka kut dong in ka sawh i a hnâk i ka kut in ka sawh lo ahcun ka zum lai lo,” tiah a ti.

JOHAN 20:25 ပူးပေါင်းရင်းမြစ်များ

JOB 9:16

Zung ah khin hei chuahpi in amah nih khan rak ka let ko hmanh seh law, Ka nawlnak bia cu a ka ngaihpiak hnga tiah ka zum hlei lo.

SALM 22:16

Miṭhalo bu nih an ka kulh, uico run bantukin an ka zuanhnawh; ka kut le ka ke ah an ka seh.

SALM 78:32

Hi vialte khuaruahharnak a tuah ko nain mi cu an sual lengmang ko i a zumh in an zum duh lo;

MATTHAI 27:42

“Midang cu a khamh ṭung hna, amah vial aa khamh kho ṭung lo. Israel Siangpahrang cu a si kun lo maw? Vailam tahnak cung khan atu te ah hin rung ṭum seh law pei kan zumh hnga cu.

MARKA 16:11

Jesuh cu a nung i ka hmuh, tiah a chimh hna tikah khan an zum lo.

MARKA 16:13

An kir i a dang kha an chimh hna, sihmanhsehlaw an zum hna lo.

MARKA 16:14

A hmanung bik ah Jesuh cu a zultu pahleikhat hna sinah khan rawl an ei lioah a lang. Zumhnak an ngeih lo ruang le a nung in a hmumi hna chimmi kha an zumh khawh lo ruangah a sik hna.

LUKA 24:25

Cun Jesuh nih cun a thawh hna i, “Nan va hrut thiam dah! Profet nih an chimmi zumh kha nan vaa harh hringhran dah.

JOHAN 1:41

Andru nih a tuah hmasa bikmi thil cu a u Simon va kawl kha a si i, “Messiah cu kan hmuh cang,” tiah a ti. (Messiah cu Khrih tinak a si).

JOHAN 20:27

Cun Thomas cu a thawh i, “Hika ah hin ra law ka kut hi zoh tuah hna; cun ka hnak kha ka tawng tuah. Zum loin um ti hlah, zum cang ko,” tiah a ti.

JOHAN 21:7

Jesuh dawtmi zultu nih khan Peter cu, “Bawipa dahkaw a si,” tiah a chimh. Bawipa a si ti kha Peter nih cun a theih tikah a puan kha aa menh i ti chungah a zuang (a puan kha a rak i phoih caah a si).

JOHAN 6:30

Annih nih, “Kan in zumh khawh nakhnga, zei hmelchunhnak dah na tuah lai? Kannih nih kan hmuh i kan in zumh nakhnga ding caah zeidah na tuah lai?

HEBRU 3:12

Ka u le ka nau hna, a nungmi Pathian zamtak a duhmi lungthin ṭhalo le Pathian bochan duh lonak lungthin a ngeimi nan um sual nakhnga lo i ralring u.

HEBRU 3:18

Pathian nih, “Ka dinhnak chungah an lut lai lo,” a ti ah khan, ahodah a tihnawh duhchan hna? Amah a dohtu kha a tihnawhchan hna.