JOHAN 20:15 - Lai (Hakha) Common Language Bible 2006

¹⁵ Jesuh nih cun, “Zeicahdah na ṭah len ko? Ahodah na kawl?” tiah a hal. Mary nih cun dum cawngtu pa kha a si rua tiah a ruah i, “Bawipa, nangmah nih na lak a si ahcun na chiahnak kha ka chim tuah, ka va kal lai i ka va lak lai,” tiah a ti.

Laibaibal Thiang (BSI)

¹⁵ Jesuh nih, “Minu zei ruangahdah na ṭah? Ahodah na kawl? tiah a ti. Anih nih, dûmcawngtu ah a ruah i, “Kapu, na lâk a si ahcun, na chiahnâk hmun ka chim law, ka lâk lai,” tiah a ti.

JOHAN 20:15 ပူးပေါင်းရင်းမြစ်များ

SOLOMON HLA 3:2

Tho in kan lai lungrawn khua chung cu vel ning law, Zatlang lam le nuamh hmun zongah khin hei kawl hmanh ning, Lungthli ka tum ka kawl cu ee ka hmu kho ti lo, Ka dawt nunnem au len ko hmanh ah, anka lehrul um ri lo.

SOLOMON HLA 6:1

Khoi ah dah maw lengnu vial lak i mui ṭha cem, Khuazei ah dah aa herh ṭhan hoi kun, na dawt duh bik sung cem cu; Amah kawl lai awkin bawm rih sih.

MATTHAI 12:34

Rul hna, zeitindah miṭhalo nan si ahcun nan kaa in bia ṭha cu a chuah khawh lai? Kaa nih cun lungchung i a khatmi kha pei a chim cu.

MATTHAI 28:5

Vancungmi nih khan nu cu a thawh hna i, “Nan thinphang hrimhrim hlah u. Vailam tahnak thing i khenhchihmi Jesuh nan kawl ti kha ka hngalh.

MARKA 16:6

Cu pa nih cun, “Nan thinphang hlah u. Vailam ah an tahmi Jesuh, Nazareth khua mi kha nan kawl ti kha ka hngalh. Sihmanhsehlaw hika ah hin a um ti lo — a tho cang! An vuinak hmun hi zoh hmanh u.

LUKA 2:44

annih ruahnak ah cun an hawile sinah khan a um rua, an ti i cucaah chun nitlak hlam loin an kal. An sahlawh pawl le an hawikom hna sin i an va kawl tikah khan an hmu ti lo.

LUKA 24:5

Nu hna cu ṭihnak in an khat i mi nih an chawnh hna tikah khan vawlei lei hoih in an kun. Mi nih cun an thawh hna i, “Zeicahdah a nungmi cu a thimi lakah nan kawl?

JOHAN 1:38

Jesuh cu a hnulei ah a hun i mer i an zulh kha a hmuh hna tikah, “Zeidah nan kawl?” tiah a hal hna. Annih nih, “Rabbi, khuazei ah dah na um?” tiah an leh. (Rabbi a sullam cu cawnpiaktu saya tinak a si).

JOHAN 18:4

A cung i a tlung ding kha Jesuh nih cun a rak hngalh dih ko i cucaah cun hmailei ah a va chuak i, “Ahodah nan kawl?” tiah a ti hna.

JOHAN 18:7

Jesuh nih cun, “Ahodah nan kawl?” tiah a hal ṭhan hna. “Nazareth khuami Jesuh,” tiah an ti.

JOHAN 20:13

“Zeicahdah na ṭah len ko?” tiah an hal. Anih nih, “Ka Bawipa kha an kalpi i khuazei i an chiah ka hngal lo,” tiah a leh hna.

1 SAMUEL 1:16

Na salnu hi nu ṭhalo ah ka rel hlah, zeitintiah ka lung retheihnak le ka ngaihchiatnak pei ka chim lengmangmi hi a si cu,” tiah a ti.