JOHAN 19:30 - Lai (Hakha) Common Language Bible 2006

³⁰ Jesuh nih mitsur zu thor cu a vun dawp i, “Aa lim cang,” tiah a ti. Cun a lu a khun i a thi.

Laibaibal Thiang (BSI)

³⁰ Cuticun Jesuh nih mitsur thor cu a din hnu ah, “Â lîm cang,” tiah a ti. Cun a lu a khun i a thlarua a thlah.

JOHAN 19:30 ပူးပေါင်းရင်းမြစ်များ

GENESIS 3:15

Nangmah le nu cu nan i hua lai, a tefa le na tefa cu ral an si lai. Mi nih na lu kha rial an in zuam lai i nang nih an kedil kha cuk naa zuam ve lai,” a ti.

SALM 22:15

Ka hrom cu leidip ro in a ro, ka lei cu ka dang cunglei ah aa beh. Leidip lak i hung thi dingah na ka kaltak.

ISAIAH 53:10

Bawipa nih aa thawh i, “Temhnak a in cu ka rak duhmi a si ko; thihnak cu ngaihthiamnak a umtertu raithawinak a si. Cucaah a tefa kha a hmuh hna lai i chan saupi a nung lai, cun amah thawngin khua ka khanmi cu a tlam a tling lai.

ISAIAH 53:12

Cucaah amah cu upatnak hmun ka pek lai, milian mingan le miṭhawng hna lakah hmun ka pek lai. A nunnak kha i awṭawm lo tein pek a sian i misual mi kha an in ding cu a inpi hna,” a ti.

DANIEL 9:24

Na mi hna le nan khua thiang caah zarh sawm sarih kha chiah a si; khi hnuah raldohnak kha a dong lai; sualnak kha a dih lai; ṭhat lonak kha ngaihthiam a si lai i zungzal dinnak kha run tlunter a si lai, langhnak le profet bia chimhnak kha a tling lai i Hmun Thiang Bik cu chiti thuh a si lai.

DANIEL 9:26

Zarh sawm ruk le zarh hnih a dongh tikah cun chiti thuhmi kha ahohmanh a hmun rolhtu um loin thah a si lai. A hun namtu bawi i a ralkapbu hna nih cun khuapi le Biakinn cu an hrawh hna lai. Donghnak cu tilian bantukin a ra lai i ahohmanh luat khawh lomi raldohnak rawhralnak a si lai.

ZEKHARIAH 13:7

Mah hihi ralkapbu Bawipa bia hrimhrim a si: “Maw vainam, ka tuukhal le keimah he rian a ṭuan ṭimi doh awkah i hlau tuah. Tuukhal kha tu law tuu cu i ṭhek hna seh, an fale kha ka kut ka lekhnawh hna lai,” a ti.

MATTHAI 20:28

Cuticun pei Mi Fapa hi a si cu, rian ṭuanpiak dingah ka rat ṭung lo, mi tampi an rian ṭuanpiak awk le annih tlanhnak ca i ka nunnak pek awkah pei ka rat cu,” tiah a ti hna.

MATTHAI 27:50

Jesuh cu fak piin a au ṭhan i a cat colh.

MATTHAI 3:15

Sihmanhsehlaw Jesuh nih cun, “Atu cu hitihin si ko seh. Pathian nih tuah awk a si a timi paoh cu i tuah ko seh,” tiah a leh. Cucaah Johan cu a hna a tla ve.

MARKA 15:37

Jesuh cu fak piin a au i a cat.

LUKA 22:37

Zeicahtiah Cathiang nih, ‘Amah cu misual mi hna sinah rel chih a si cang,’ tiah a timi kha ka kong ah hin a tlin awk a si. Ka kong an rak ṭialmi vialte kha a tling cuahmah cang,” tiah a ti.

LUKA 23:46

Jesuh cu aw thangpi in a au i, “Ka Pa, na kut chungah ka thlarau kha ka chiah,” tiah a ti. Cucu a chim dih in a cat.

JOHAN 10:11

“Tuukhal ṭha cu keimah hi ka si. Tuukhal ṭha cu a tuu hna caah a lu hloh kha a sian.

JOHAN 10:18

Ka nunnak cu aho nih an ka chuh a si lo, keimah lungtho tein pek ka sianmi a si ko. Peknak nawl kha ka ngei i lak ṭhannak nawl zong ka ngei. Cucu ka Pa nih tuah seh ti a ka duhmi cu a si,” tiah a ti.

JOHAN 17:4

Vawlei cungah na sunparnak cu ka langhter cang; na ka fialmi rian cu ka lim cang.

JOHAN 19:28

Atu cu zeizong vialte kha a tling dih cang ti kha Jesuh nih cun a hngalh i Cathiang nih a rak chimmi tlinternak caah khan, “Ka ti a hal,” tiah a ti.

JOHAN 4:34

Jesuh nih cun a thawh hna i, “Ka rawl cu a ka thlahtu duhnak zulh le a ka fialmi rian liim kha a si.

ROM 10:4

Zeicahtiah Khrih nih Nawlbia cu a donghnak a phakter cang i cucaah a zummi paoh nih cun Pathian he remnak kha an hmuh.

ROM 3:25

Jesuh Khrih cu Pathian nih a thi in ngaihthiamnak sertu ah a tinhmi a si i cu ngaihthiamnak cu Jesuh Khrih zumhnak thawngin hmuh ding a si. Pathian nih cu bantukin minung he remnak a tuah cu a dinnak kha langhter a duh caah a si. Cu a langhterning cu hitihin a si: hlan lioah cun a lung a sau caah mi nih an tuahmi sualnak kha i hmuhter duh loin a um;

1 KORIN 5:7

Sualnak thilnu hlun cu nan chungah rian a ṭuan. Nannih cu a thar tein rawhmi changreu nan si nakhnga cu thilnu hlun cu hlonh u. Khrihfa nan si bantukin nannih cu thilnu telh lomi Lanhtak puai changreu cu nan si; zeicahtiah kan Lanhtak puai tuufa Khrih cu raithawinak ah pek a si cang caah kan Lanhtak puai cu aa thawk taktak cang.

FILIPI 2:8

Mi toiah aa dor i nawlngaihnak lam kha thih tiangin a zulh— vailam cung thihnak kha.

HEBRU 12:2

Jesuh kha fek tein i zoh chih u sih, amah cungah cun kan zumhnak cu a hramthawk in a dongh tiang a um. Hmailei lunglawmhnak aa ruahchanmi ruangah khan vailam cung i thih ningzahnak cu zeihmanh ah a rel lo i atu cu Pathian bawiṭhutdan orhlei kamah khan a hung ṭhu cang.

HEBRU 9:22

Nawlbia ning ah cun zei paohpaoh hi thisen in thianh a si i sualnak hi thisen luanh lawnglawng in ngaihthiam a si.