JOHAN 19:27 - Lai (Hakha) Common Language Bible 2006

²⁷ a dawtmi a zultu zong cu, “Khaka ah khan na nu a um khah,” tiah a vun ti ve. Cu caan thawk cun cu zultu nih cun Jesuh nu cu a inn ah a umter.

Laibaibal Thiang (BSI)

²⁷ A lamkaltu sinah, “Zohmanh, nanu a si khah,” tiah a ti. Cu cân thawkin cu lamkaltu nih a innah a tlunpi.

JOHAN 19:27 ပူးပေါင်းရင်းမြစ်များ

GENESIS 45:8

Cucaah cun hika i a rak ka kaltertu ngaingai hi nanmah nan si lo, Pathian a si. Faro caah pa bantuk ah a ka ser i a ram vialte cu keimah nih ka zohkhenh dih i Izipt ram vialte cu ka uk dih.

GENESIS 47:12

Josef nih cun a pa le a unau pawl le a pa innchungkhar chung mi vialte kha a hniang bik tiangin rawl a pek hna.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

MARKA 3:34

A pawng i a ṭhumi kha a zoh hna i, “Zohhmanh u, hika ah hin ka nu le ka naule hna cu an um.

LUKA 18:28

Cun Peter nih aa thawh i, “Zohhmanh, kannih cu nangmah zulh awkah kan inn kha kan chuahtak ko hna,” tiah a ti.

JOHAN 1:11

Amah ram a simi ah khan a ra nain, amah mi ciacia nih khan an rak cohlang duh lo.

JOHAN 16:32

Asinain nan dihlak in ṭhek nan si i nanmahle nan inn cio ah nan kal i keimah lawngte nan ka nganh lai caan kha a ra lio i atu hi a phan cang. Sihmanhsehlaw keimah lawng ngaingai cu ka si lo, zeicahtiah ka Pa nih a ka umpi ko.

LAMKALTU 21:6

Cun pakhat le pakhat kha, dam tein, kan i ti hna i kannih cu lawng cungah khan kan kai i annih cu inn leiah an tlung.