JOHAN 19:24 - Lai (Hakha) Common Language Bible 2006

²⁴ Ralkap nih cun, “Hi hi cu thlek hlah u sih, camcawhfung tu in zuk u sih,” tiah an i ti i cuticun Cathiang nih, “Ka hnipuan cu an i ṭhen i Ka angki caah camcawhfung an zuh,” tiah a timi kha a hung tling. Cuticun ralkap nih cun an tuah.

Laibaibal Thiang (BSI)

²⁴ Cucaah, “Thlek hlah u sih, a ngeitu ding hngalhnâk dingah camcawhfung tu zuk u sih” tiah an i ti: Cathiang nih, “Ka hnipuan an i phaw i ka angki caah camcawhfung an zuh,” tiah a chimmi a tlin nâkhnga caah a si. Cucu Ralkap hna nih an tlinter tak tak.

JOHAN 19:24 ပူးပေါင်းရင်းမြစ်များ

2 SIANGPAHRANG 15:12

(Mah hihi Bawipa nih Jehu sinah biakamnak a pekmi cu a si, “Na fapa hna cu Israel bawi ṭhutdan cungah chan li tiang an ṭhu lai,” tiin. Cu bang cun a si taktak.)

SALM 22:18

ka hnipuan kha an i phaw i ka puan caah khan voihfung an zuh.

EXODUS 28:32

A laifang ah khan lu chuahnak ding caah awng pakhat in na ser lai. Cu awng cu tlek hlah seh tiah a tlang na kawm lai, saphaw angki hngawng bantukin a tlang na kawm lai.

ISAIAH 10:7

Sihmanhsehlaw Assiria siangpa-hrang nih hin a lungchung tein amahte in aa tinhmi thil pakhat, a puarṭhawng ngaimi a ngei. Miphun tampi hrawh hrimhrim kha aa tim.

MATTHAI 27:35

Vailam ah cun an khenh chih i a thilpuan kha phe ah an i kah i an i ṭhen.

MARKA 15:24

Cuticun vailam ah cun an khenh chih i a puan kha an i phaw i aho nih dah a zei zawn hi a co lai tinak caah, camcawh fung in an zuh.

LUKA 23:34

Jesuh nih aa thawh i, “Ka Pa, ngaithiam hna. An tuahmi hi zei a si ti awk an hngal lo,” tiah a ti. Camcawhfung zuh in a hnipuan kha an i phaw.

JOHAN 10:35

Pathian nih a bia a pekmi minung hna kha pathian ti an si ahcun — Cathiang cu a palh ti khawh a si lo va si kaw —

JOHAN 13:18

“Hi ka chimmi hi nan dihlak in kan ti duh hnanak a si lo; ka thimmi cu ka hngalh ko hna. Sihmanhsehlaw ‘Ka rawl a eimi kha ka ral ah a cang’ tiah cathiang nih a timi kha a tlin awk a herh.

JOHAN 19:28

Atu cu zeizong vialte kha a tling dih cang ti kha Jesuh nih cun a hngalh i Cathiang nih a rak chimmi tlinternak caah khan, “Ka ti a hal,” tiah a ti.

LAMKALTU 13:27

Zeicahtiah Jerusalem i a ummi hna le an hruaitu hna nih khan amah cu Khamhtu a si kha an hngal lo i cuhleiah Sabbath fate an rel lengmangmi profet bia hna zong kha a sullam an hngal hna lo. Sihmanhsehlaw Jesuh an thahnak thawng khan profet bia kha an tlinter hna.