JOHAN 19:19 - Lai (Hakha) Common Language Bible 2006

¹⁹ Pilat nih ca pakhat a ṭial i vailam tahnak cungah cun a tar. A ṭialmi cu “Nazareth khuami Jesuh Judah Siangpahrang” ti a si.

Laibaibal Thiang (BSI)

¹⁹ Pailat nih ca a ṭial i vailam ah a tar. Cu ca`ial cu, NAZARETH JESUH JUDAH SIANGPAHRANG ti a si.

JOHAN 19:19 ပူးပေါင်းရင်းမြစ်များ

MATTHAI 2:23

Nazareth khua ah khan umhmun a khuar. “Amah cu Nazareth khuami ti a si lai,” tiah profet hna nih an rak chimmi tlinter awk caah, hiti in thil a hung um cu a si.

MATTHAI 27:37

A lu cungah cun sual an phawtnak bia an ṭialmi kha an benh. Cu bia cu: “Hihi Jesuh, Judah Siangpahrang cu a si,” ti hi a si.

MARKA 15:26

Sual an phawtnak ca cu, “Judah mi hna Siangpahrang,” tiah an ṭial.

LUKA 18:37

Annih nih, “Nazareth khuami Jesuh a lanh lio a si,” tiah an leh.

LUKA 23:38

A lucung i an ṭialmi bia cu: “Hihi Judah Siangpahrang cu a si,” ti hi a si.

JOHAN 1:49

Nathanael nih cun, “Saya, nangmah cu Pathian Fapa na si. Israel mi Siangpahrang na si,” tiah a ti.

JOHAN 18:33

Pilat cu inn chungah khan a vung lut ṭhan i Jesuh kha a auh. “Judah mi hna siangpahrang cu na si maw?” tiah a hal.

JOHAN 19:12

Cu bia cu Pilat nih a theih tikah Jesuh cu zeitindah ka luatter khawh lai tinak lam kha a kawl. Sihmanhsehlaw Judah mi cu a au in an au i, “Na thlah a si ahcun nang cu Sizar hawi na si lo. Siangpahrang ka si tiah aa timi paoh cu Sizar ral an si,” an ti.

JOHAN 19:14

Lanhtak Puai lai ni chun kha a si dengmang cang. Pilat nih Judah mi cu a thawh hna i, “Nan siangpahrang hi zohhmanh u,” a ti hna.

JOHAN 19:21

Judah mi tlangbawi upa hna nih khan Pilat cu, “ ‘Judah Siangpahrang’ tiin ṭial hlah, ‘Hi pa nih hin Judah Siangpahrang ka si a ti,’ tiin ṭial,” an ti.

JOHAN 19:3

an hun hnawh i, “Judah Siangpahrang cu saupi nung ko seh,” an ti i a hmai ah an bengh.

LAMKALTU 26:9

“Nazareth khuami Jesuh min dohnak caah hin ka tuah khawh chungin ka tuah lai tiah keimah hrimhrim nih hin ka rak ruah i

LAMKALTU 3:6

Cun Peter nih a thawh i, “Sui le ngun zeihmanh ka ngei lo, sihmanhsehlaw ka ngeihmi cu kan pek lai: Nazareth khuami Jesuh Khrih min in, tho law kal, kan ti,” tiah a ti.