JOHAN 18:32 - Lai (Hakha) Common Language Bible 2006

³² (Jesuh nih zei bantuk thihnak dah ka in lai tiah a rak chimchungmi a tlinnak ding caah hi bangin thil a hung um cu a si).

Laibaibal Thiang (BSI)

³² Cucu zeibantuk set in dah a thih lai tiah Amah Jesuh nih a rak chimning te i a tlin khawh nâkhnga caah a si.

JOHAN 18:32 ပူးပေါင်းရင်းမြစ်များ

SALM 22:16

Miṭhalo bu nih an ka kulh, uico run bantukin an ka zuanhnawh; ka kut le ka ke ah an ka seh.

MATTHAI 20:19

Jentail mi hna kut chungah an ka chanh lai. Annih nih cun nihchuak capo ah an rak ka ser lai i fung in an ka tuk lai i vailam thing cungah an ka khenhchih lai; cun a ni thumnak ni ah nunter ka si ṭhan lai,” tiah a ti hna.

MATTHAI 26:2

“Nan hngalh bantukin, hi hnu ni hnih ah, Lanhtak Puai kha a si cang lai, cun Mi Fapa cu vailam tahnak i khenhchih awkah tlaihter a si lai,” tiah a ti hna.

MARKA 10:33

A thawh hna i, “Jerusalem khua kan hung phan lai i Mi Fapa hi tlangbawi upa hna le Phungbia cawnpiaktu saya pawl hna kut chungah khan an chanh lai. Annih nih cun, thih awktlak a si, tiin sual an phawt lai i, cun Jentail mi hna kut ah an chanh chin lai.

JOHAN 10:31

Cun Judah mi hna nih cun amah chehnak ah lung an i char ṭhan.

JOHAN 10:33

Judah mi nih cun, “Lung in cheh kan in duhnak cu thil ṭha ruangah a si lo, Pathian na serhsat ruangah khan a si deuh. Nang cu minung menmen na si ko nain Pathian ah ser naa zal,” an ti.

JOHAN 13:18

“Hi ka chimmi hi nan dihlak in kan ti duh hnanak a si lo; ka thimmi cu ka hngalh ko hna. Sihmanhsehlaw ‘Ka rawl a eimi kha ka ral ah a cang’ tiah cathiang nih a timi kha a tlin awk a herh.

JOHAN 18:31

Pilat nih cun a thawh hna i, “I kalpi u law nan phung ningin va ceih ko ngat u,” tiah a ti hna. Judah mi hna nih cun, “Ahohmanh thah khawhnak nawl kan ngeih lo cu ta,” tiah an leh.

JOHAN 21:19

(Hi bantukin Jesuh nih a chim tikah khan Peter cu zei bantuk thihnak in dah a thih lai i zeitindah Pathian kha sunparnak a pek lai ti kha a hmuhsak duh caah a si). Cun Jesuh nih, “Ka zul,” tiah a ti.

JOHAN 3:14

Moses nih dar rul kha thetse ram lakah a tar bantuk khan Mi Fapa zong hi tar a si ve lai.

JOHAN 8:28

Cucaah Jesuh nih a thawh hna i, “Nannih nih Mi Fapa cu nan taar tikah, Keimah cu Keimah Ka Si Ko timi ka si kha nan hngalh lai; cun keimah nawl lawngin zeihmanh ka tuah lo le ka Pa nih a ka cawnpiakmi lawnglawng ka chim kha nan hngalh lai.

LAMKALTU 7:59

Lung in an cheh chih lengmang lioah cun Steven nih, “Bawipa Jesuh, ka thlarau cu nangmah nih cohlang ko,” tiin a au.

GALATI 3:13

Sihmanhsehlaw Nawlbia nih a chuahpimi chiatsernak chung khan Khrih nih a kan tlanh cang, cu a kan tlanhnak cu kan ca i chiatserhmi i a cannak thawng khan a si i chiatserhmi a hung i can cu, Cathiang nih, “Thingkung cung i thlaimi paoh cu Pathian chiatserhmi an si,” a ti caah khan a si.

DEUTERONOMI 21:23

a ruak cu thingkung cungah cun zan khuadei in a um lai lo, sihmanhsehlaw cu ni lila ah cun nan phum lai, zeitintiah thlaimi cu Pathian chiatserhmi a si; ro caah Bawipa nan Pathian nih an pekmi hna nan ram cu nan thurhhnawmh lai lo.