JOHAN 18:30 - Lai (Hakha) Common Language Bible 2006

³⁰ Annih nih, “Zei a sual lo ah maw na sinah cun kan ratpi hnga,” tiah an leh.

Laibaibal Thiang (BSI)

³⁰ Annih nih, “Hipa nih sualnâk tuah hlah sehlaw na sinah kan ratpi hnga lo,” tiah an ti.

JOHAN 18:30 ပူးပေါင်းရင်းမြစ်များ

MARKA 10:33

A thawh hna i, “Jerusalem khua kan hung phan lai i Mi Fapa hi tlangbawi upa hna le Phungbia cawnpiaktu saya pawl hna kut chungah khan an chanh lai. Annih nih cun, thih awktlak a si, tiin sual an phawt lai i, cun Jentail mi hna kut ah an chanh chin lai.

MARKA 15:3

Tlangbawi upa hna nih khan Jesuh cu bia tampi an puh.

LUKA 24:7

‘Mi Fapa cu misual mi hna kut ah chanh a si lai i vailam ah an khenhchih lai i ni thum ni ah nunnak ah a tho ṭhan lai,’ tiah Galilee i a um lioah a rak in chimhmi hna kha philh hlah ngat u,” tiah an ti hna.

JOHAN 18:29

Cucaah Pilat cu a va chuak i annih cu, “Hi pa hi zei a sual nan ti dah?” a ti hna.

JOHAN 18:31

Pilat nih cun a thawh hna i, “I kalpi u law nan phung ningin va ceih ko ngat u,” tiah a ti hna. Judah mi hna nih cun, “Ahohmanh thah khawhnak nawl kan ngeih lo cu ta,” tiah an leh.

JOHAN 19:12

Cu bia cu Pilat nih a theih tikah Jesuh cu zeitindah ka luatter khawh lai tinak lam kha a kawl. Sihmanhsehlaw Judah mi cu a au in an au i, “Na thlah a si ahcun nang cu Sizar hawi na si lo. Siangpahrang ka si tiah aa timi paoh cu Sizar ral an si,” an ti.

LAMKALTU 3:13

Abraham, Isak le Jakob Pathian, kan pupa hna Pathian nih khan a sal Jesuh cu Pathian sunparnak kha a pek cang. Amah cu nawl ngeitu hna sinah khan nan chanh i Pilat nih ka luatter ko lai a ti hmanh ah khan, Pilat hmai hrimhrim ah, nan hlawt ṭhiamṭhiam.

2TIMOTE 2:9

Thawngṭha ka chim ruangah temhinnak ka huah i misual bantukin thir cikcin in an ka khih. Sihmanhsehlaw Pathian bia cu thir cikcin in hren khawh a si lo.

1 PETER 4:15

Lainawng si ruang le mifir si ruang le miṭhalo si ruang le midang rian i vaa sawhkalh ruang bel ah ahohmanh temhnak ing hlah u.