JOHAN 16:24 - Lai (Hakha) Common Language Bible 2006

²⁴ Atu tiangah cun ka min in zeihmanh nan hal rih lo, hal u law nan hmuh lai, cu ti nan tuah ahcun nan i lawmhnak cu a tling lai,” tiah a ti.

Laibaibal Thiang (BSI)

²⁴ Atu tiangin ka min in zeihmanh nanhal rih lo. Hal u, nan hmuh lai, nan i lomhnâk a tlin nâkhnga.

JOHAN 16:24 ပူးပေါင်းရင်းမြစ်များ

GENESIS 32:9

Cun Jakob nih khan thla a cam i, “Ka pu Abraham Pathian le ka pa Isak Pathian, ka thlacamnak hi ka theihpiak tuah. Bawipa, nangmah nih na ka thawh i, ‘Na ram le na rualchan hna sinah kir law na caah thil cu tluang tein ka umter ko hna lai; na ka ti.

1 SIANGPAHRANG 18:36

Cun thlet thawinak caan ah khin profet Elijah cu a pawngah a ra i, “Maw Bawipa, Abraham, Isak le Israel i Pathian, nangmah cu Israel mi chungah hin Pathian na si i keimah cu na sal ka si i hi thil vialte hi nangmah bia in ka tuah ti kha nihin ah hin langhter ko.

2 SIANGPAHRANG 19:15

Cun Bawipa hmaiah cun Hezekiah nih thla a cam i, “Maw Bawipa, Israel Pathian, cherubim cungah a ṭhumi, vawlei cung pennak vialte hna Pathian cu nangmah lawnglawng hi na si; nangmah nih van le vawlei kha na ser hna.

MATTHAI 6:9

Cucaah hi bantuk hin thla nan cam awk a si: ‘Vancung khua i a um kan Pa, Na min thiang cu upat si ko seh;

JOHAN 14:1

Khuaruahhar lungrethei in um hlah u. Pathian kha zum u, keimah zong kha ka zum ve u.

JOHAN 14:14

Zeipaoh ka min in nan ka hal ahcun ka tuah lai,” tiah a ti.

JOHAN 15:11

“Ka lunglawmhnak kha nan chung-ah a um i nan i lawmhnak cu a tlin nakhnga, hi bia cu kan chimh hna.

JOHAN 16:23

“Cu ni a phak tikah cun keimah cu zeihmanh nan ka hal lai lo. Biatak kan chimh hna: Ka Pa nih ka min in nan halmi paoh cu an pek hna lai.

JOHAN 3:29

Ṭhitmi ngaknu cu a ṭhitu tlangval ta pei a si cu. Nupi ṭhitu tlangval kawi cu a pawng khan a dir i nupi ṭhitu aw a theih tikah khan a lung aa lawm. Kei ka lunglawmhnak tlinter a sining zong cuticun a si ko.

2 THESALON 1:2

Pathian kan Pa le Bawipa Jesuh Khrih nih vel le daihnak in pe ko hna seh.

2 JOHAN 1:12

Chimh awk tampi kan ngei ko hna, sihmanhsehlaw ca le cahang in si loin a tlawn tu in ka rak in tlawn hna lai i kan i lawmhnak kha a tlin naklai kan pum in bia kan i ruah lai.